Afërdita Halimi

Nga Wikipedia, enciklopedia e lirë
Shko te: navigacion, kërko
Afërdita Halimi
Emri Adelina
Mbiemri Balashi
Lindur më 1964
Lindur në Cernicë, Gjilan
Kombësia shqiptare
Profesioni shkrimtare, mësuese

Afërdita Halimi lindi më 1964, Cernicë (Gjilan} - shkrimtare, mësuese, emigrante aktive shqiptare nga KosovaGjermani

Shkollën fillore dhe të mesme e kreu në Ferizaj, kurse Fakultetin Filozofik, dega: Gjuhë dhe Letërsi Shqipe e kreu në Prishtinë. Prej vitit 1992 jeton në Gjermani, pikërisht në Wedel. Menjëherë u angazhua me aktivitete kulturore në Hamburg. Në fillim punoi në Wedel si mësuese e gjuhës shqipe me fëmijët shqiptarë e më vonë edhe në Hamburg.

Gjatë vitit 2000-2003 ishte kryetare e Bashkësisë së Prindërve Shqiptarë në Hamburg, ku merrej me organizimin e arsimit shqip në këtë vend. Tre semestra ligjëroi gjuhën shqipe „Strukturkurs Albanisch“ në universitetin e Hamburgut. Është marrë edhe me organizimin e gruas shqiptare në Hamburg, ku në emër të Bashkësisë së Prindërve, Shkollës Shqipe dhe nënave arriti t’i zhvillojë një numër të madh aktivitetesh me nxënës. Kurorëzim i të gjitha këtyre aktiviteteve ishte Kampionati i Diturisë Hamburgu 2003.

Libri i saj i parë është monografia kushtuar babait të saj: „Raif Halimi-Cernica, veteran i luftës dhe demokracisë në Kosovë“, Eurorilindja, Tiranë, 2000; përmbledhja e poezive „Krenari e pathyer“, Eurorilindja, Tiranë 2000; drama njëherë gjermanisht „Ein Verletztes Leben“, Grafoprint, Prishtinë, 2000; dhe në gjuhën shqipe „Një jetë e vrarë“, Iliriku, Prishtinë, 2001; dramën „Das Paradies des Schreckens“, Dinograf, Ferizaj 2005; Monografia e Shkollës Shqipe „Fan Noli“ në Hamburg të Gjermanisë „Rrezet e ardhmërisë“, Dinograf, Ferizaj 2005. Përktheu dy përmbledhje poezish nga gjuha shqipe në atë gjermane.

Momentalisht bën paralel katër projekte të ndryshme, njëri prej të cilave është fjalori i parë voluminoz shqip- serbisht, i shkruar nga babai i saj me pranga në duar në burgun e Mitrovicës së Sremit, por që s’e pa gjer më sot dritën me sy. Dhe projekti tjetër është që do të shkruaj rreth migraciont me gratë shqiptare të diasporës. Në këtë projekt iu ka bashkangjitur kolegja e saj, një mësuese në Brandenburg dhe aktiviste e dalluar në Berlin Shpresa Macula.

Tituj të veprave[redakto | redakto tekstin burimor]

Lidhje të jashtme[redakto | redakto tekstin burimor]