Dhërmica

Dhërmicë Δρίμιτσα
Fshat
Popullsia
• Gjithsej	13
Emri i banorëve	Dhërmicjot

Dhërmicë (greqisht: Δρίμιτσα/Drímitsa) është fshat në qarkun i Çamërisë, Greqi.

Gjeografia

Nga veriu Dhërmica kufizohet me Varfanjin, nga jugu me Grykohorin, nga lindja me Dramësin dhe nga perëndimi me Mavrudhin.

Toponimet të fshatit Dhërmicë:(Para Luftës së Dytë Botërore)

• Allazma - mal ku ka shumë dafinë, në V.
• Ar’ e Harros – arë, në J.
• Ar’ e Madhe – arë, në JP.
• Ar’ e Pelës - arë, në L.
• Arez/a - fushë, në V.
• Badhëla – fushë, në V.
• Borshe (Borsha) - arë, në V.
• Breglithi - breg, në L. Në këtë breg në faqe mali ka shumë lisa e valanidha.
• Bregu i Badhëlës – bregore, në V.
• Bregu i Çenos - bregore ku ka ara që punoheshin, në P.
• Bregu i Kodrës - breg, në JL.
• Bregu i Lithit - breg, në L.
• Bregu i Klishës - bregore, në P.
• Bregu i Rrahut - breg në mal, në J.
• Brràreza - pyll në përrall e lisa, në J.
• Burim i Mazhit - burim, në JP.
• Çukùmëza - pyll, në J.
• Dafina - mal i veshur me dafine, në V.
• Drras e Badhëlës - vend në mal, ku ka shtresa prej rrase guri, në L.
• Dushku - faqe mali me dushk, në L.
• Faq’ e Badhëlës - vend me dafinë, në V.
• Faq’ e Shpellës - faqe mali, në JL.
• Faq’ e Boshtinaze - faqe mali, në L.
• Ferrishtet – ara, në J.
• Fiteja – fushë, në P.
• Folej’ e Stravatoit - pyll me dafina, në V.
• Fusha nën Puse – fushë, në P.
• Grop’ a Kanulit – grope, në JP.
• Gurët e Mirasisë - vend me dafinë, në J.
• Gjikonde (Gjikonda)- ara, në L.
• Hund’ e Belulit - shpat i veshur me përrall, në VL.
• Kalamboqeza - qafë, në J.
• Kurrizi Kokomares - brinjë mal, në L.
• Kukume - grumbull gurësh ku bënin foletë kukumjaçkat, në L.
• Lëmënjeza – kënetë, në P.
• Lëm i Arezës - Iëmë, në V.
• Lëm i Arës Madhe – Iëmë, në J.
• Lëm i Badhëlës - Iëmë, në V.
• Lëm i Hallazmës – shpat, në V.
• Lëm i Lisave Shumë - Iëmë, në J.
• Lëm i Mazhit - Iëmë, në J.
• Lëm i Mirasisë - Iëmë, në P.
• Lëm i Stanit majt - Iëmë, në J.
• Lëm i Shpatit - lëmë, në J.
• Liqëthi - liqen i vogël, në J.
• Lozeza – pllajë, në V.
• Lugu i Grave - pyll ku bënin dru gratë, në P.
• Luvedhet - pyll, në JP.
• Llak’ e Gjimeràshit - ara e grykë, në L.
• Llaka e Siime (Llaka e Sipërme) – ara, në L.
• Llakat - fushë e pyll, në J.
• Mal’ e Duleshit – majë, në L.
• Mal’ e Lordhëve - majë e veshur me pyll ku vinin të huaj për të gjuajtur, në J.
• Mirajthi – kullotë, në L.
• Mirasija - ara e pyje, në P.
• Mirija – pyll, në J. “Ne ki pill thonë se ka klënë një e bukl e dheut”.
• Mushéza - faqe mali, në L.
• Moçale – fushë, në J.
• Mollòndra – fushë, në L.
• Musheza – pyll, në mal, në L.
• Ne lisat e shumë – qafë, në P.
• Nëngrava - shpellë dhe kullotë, në L.
• Nënpusat - ara, në P.
• Nënshkëmbeza – shkëmbenj, në L.
• Nisia – kënetë, në JP.
• Palareza - arë kodrinore, në L.
• Pellgu Zi - pellg që ka ngjala, në L.
• Pill’ i Badhëlës - pyll, në V.
• Pill’ i Brrares – pyll, në J.
• Pill’ i Çanit - pyll, në L.
• Pill’ i Dardhës – pyll, në V.
• Pill’ i Hallazmës - pyll, në V.
• Pill’ i Kallamoqes - pyll, në J.
• Pill’ i Lijthit — pyll, në L.
• Pill’ i Lopës - pyll, në V.
• Pill’ i Mërzimit – pyll, në L.
• Pill’ i Palit - pyll, në J.
• Pill’ i Pir Hametit - pyll me dafinë, në J.
• Pill’ i Prroit - përrua që ka nga të dy anët përrall, dushk e dardha, në L.
• Pill’ i Rrëzës - pyll, në J.
• Pill’ i Strudhit - pyll, në V.
• Pill’ i Vathrave' - pyll, në V.
• Portëz e Palaresë – kodër, në J.
• Prapa Lëmënjet - përrua, në JP.
• Prroi Mazhit - përrua, në JP.
• Prroi Thellë - përrua që ka anës përrall e valanidh, në J.
• Qaf’ e Lëmit – qafë, në L.
• Qaf’ e Lordhëve - qafë mali, në L.
• Qaf’ e Telave - qafë mali, në L.
• Qaf’ e Vërës - qafë mali, në L.
• Radhoi Llukës - brez shkëmbor, në L.
• Rrahu - pyll me dafina, në V.
• Rreth’ i Xhelit - breg shkëmbor, në L.
• Rripat – ara, në J.
• Spithar i Mirajthit - spithar, në J.
• Spithar i Shkëmbit - spithar, në L.
• Shesheza - arë, në JP.
• Shkall’ e Gomarëve - grykë, në V.
• Shkëmbeza e Xhikos - shkëmb, në P.
• Shkëmb’ i Gonesë - shkëmb, në V.
• Shkëmb’ i Shpatit - shkëmb, në L.
• Shpati - arë, në J.
• Shpell’ e Palaresë - shpellë që nxë 500 kokë dele, në L.
• Shtegazi - faqe mali, në L.
• Shtegu Babës - shpellë, në L.
• Udha Tërthoje - udhë këmbësore, në VL.
• Ur’ e Çakos - urë, në P.
• Ur’ e Nike - urë, në P.
• Ur’ e Pellgut - urë, në JL.
• Ur’ e Prroit Çipës - urë, në P.
• Ur’ e Vrizit - urë, në P.
• Varàthi - ara, në L.
• Vështi - vësht, në P.
• Vileza - mal, në L.

Demografia

Familjet në fshatin Dhermicë:(Para Luftës së Dytë Botërore)

Balilanjt, Çumànanjt, Dikojt, Husajt, Jeminajt, Lazajt, Murajt, Mustafarajt, Rakot, Rexhepanjt.