Expo 67

Panairi Ndërkombëtar dhe Universal i 1967 ose thjeshtë Expo 67 ishte një Panair i botës mbajtur në Montreal, Quebec, Kanada në 1967 për të koinciduar me Një qind vjetorin kanadez të atij viti.

Ironikisht, "Expo 67" në fillim do të mbahej në Moskë, për të ndihmuar Bashkimin Sovjetik në festimin e pesëdhjetë vjetorit të revolucionit. Kur Bashkimi Sovjetik ndërroi mëndhe në 1962, Montreali fitoi.

Përshkrim[Redakto | Redakto nëpërmjet kodit]

Pjesa më e madhe e panairit u mbajt në ishullin e Shën Helenës dhe ishullin Notre-Dame, ky i fundit një ishull artificial i ndërtuar nga dheu i gërmuar për krijimin e metropolitanës së Montrealit dhe inauguruar për herë të parë në 1966. Expo 67 u hap në 27 prill 1967 dhe përmbante mbi 90 pavijone për shtetet e ndryshme, korporatat dhe industritë dukë përfshirë dhe pavijonin e SH.B.A., një strukturë gjeodezike e projektuar nga arkitekti i famshëm amerikan Buckminister Fuller. Expo 67 gjithashtu përmbante Habitat 67 një komplekse banesash i projektuar nga arkitekti Moshe Safdie, strukturë e cila është akoma plotësisht funksionale.

Një element i bukur i Expo 67 ishte dhe Festivali Botëror i Dëfrimit, i cili kishte opera, balet, kompani teatrore, orkestra, grupe xhazi, këngëtarë të famshëm të pop-it Kanadez dhe të tjera elemente kulturore.

Ky panair ishte një nga më të suksesshmit dhe akoma është tërheqës për njerëzit. 1967 shpesh quhet "viti i fundit i mirë" përpara zbritjes ekonomike, parimeve sovrane të Quebec-ut, dhe apatisë politike. Edhe pse kishte probleme si kërcënime të shpeshta terroriste, dhe protesta ndaj Presidentit American Johnson ekspozita ishte shumë e suksesshme.

Më shumë se 50 milionë vizitorë vizituan Panairin kur në atë periudhë e gjithë Kanadaja numëronte një popullsi prej 20 milionë personash gjithsej. Ekspozita u vizitua nga personalitetet të rëndësishme të asaj kohe si Mbretëresha Elizabetë II, Lyndon Johnson, Grace Kelly, Jacqueline Kennedy, dhe Charles de Gaulle, i cili krijoj probleme të mëdha dhe gati gati një incident diplomatik kur bërtiti nga bashkia e Montrealit Rroftë Quebec-u i lirë në 24 qershor.

Skuadra e bejsbollit në Montreal u quajt Montreal Expos në emër të panairit.