Fejzi bej Alizoti

Nga Wikipedia, enciklopedia e lirë
(Përcjellë nga Fejzi Bej Alizoti)
Shko te: navigacion, kërko
Fejzi Bej Alizoti
Kryeministër
22 janar 1914 – 7 mars 1914
Paraardhësi: Ismail Qemali
Pasardhësi: Turhan Pasha Përmeti
Ministër i Financave
1918 – 27 mars 1920
12 prill 1939 – 4 dhjetor 1941
Të dhënat personale
Lindi më: 22 shtator 1876
Lindi në: Gjirokastër (Shqipëri)
Vdiq më: 13 prill 1945
Vdiq në: Tiranë
Kombësia: Shqiptar
Profesioni: Politikan



Fejzi bej Alizoti (Gjirokastër, 22 shtator 1876 - Romë, 13 prill 1945) qe nëpunës i Perandorisë Osmane, e më pas nëpunës e ministër i Shqipërisë.

Jeta[redakto | redakto tekstin burimor]

Leu në Gjirokastër në gjirin e një familjeje qytetare, i biri i Hasan beut dhe Zybejte Kokës. Familja e tij qe e përmendur qysh më paraardhësin Alizot pasha, në mbarë trevat jugore shqiptare. Dërgohet qysh në moshën 8 vjeçare në Janinë ku kryen shkollimin fillor e plotor, më pas nis gjimnazin klasik në Selanik. Shkollimet e larta i vijoi në Shkollën Civile e Administratës Mbretërore "Mülkiye-i-Sehahané", ku shkollohej klasa udhëheqëse.

Dërgohet me shërbim administrativ në Siri dhe Beirut 1892-'97, nënprefekt në prefekturën e Selanikut dhe prefekt në Homs 1903-'07. Mbasi i shkruan eprorëve në Stamboll për ta kaluar me funksione administrative diku ndër trojet shqiptare, emërohet prefekt i Korçës. Pas shpalljes së Kushtetutës 1908 dërgohet në Prizren deri në majin e 1910 kur me rastin e trazirave në Vilajetin e Kosovës, Stambolla e thërret për ta dërguar në Rumani në një kurs specializimi. Pas gjashtë muajsh e caktojnë në Urfa të Azisë së Vogël dhe mbasandej në Al-Khums të Libisë.

Alizoti ishte Ministri i Financave i Shqipërisë në 1918-1920, 1927 dhe gjatë pushtimit italian në qeverinë e Shefqet Verlaci nga 12 prill 1939 - 1940.