Festivali Folklorik Gjithëkombëtar “I KËNDOJMË LIRISË” Klinë

Nga Wikipedia, enciklopedia e lirë
Shko te: navigacion, kërko

FOLKLORI, ARTI MË I PAVDESHËM I TË GJITHA KOHËVE...

Festivali Folklorik Gjithëkombëtar “I KËNDOJMË LIRISË” Klinë

Ashtu si në çdo vit pas përfundimit të luftës, Klina dhe mbarë Kosova feston datëlindjet e komandantëve të Ushtrisë së lavdishme Çlirimtare, të cilët ranë në fushën e nderit, ranë për të mos vdekur kurrë, u bënë vet këngë e liri që këndohet për atdhe e mëmëdhe.

Datëlindjet dikur festoheshin nëpër beteja, festoheshin me krisma armësh e me erë baroti, prandaj edhe nuk thuhet kot së në këtë festival i këndohet lirisë, këndohet për Mujën dhe me Mujën...

Këtu i këndohet lirisë dhe parmes këngës kujtohen vlerat e luftës së lavdishme çlirimtare dhe dëshmorëve të kombit ne të gjitha luftërat për liri e bashkim kombëtar. Ky Festival, tash e 7 vite, me respekt të veçantë, organizohet ne datëlindjen e Komandant Mujë Krasniqit, për ta kujtuar ne rend të parë këngën e tij dhe thënien shumë domethënëse që AI vet, jo rrallë e thoshte nëpër fushëbeteja:

“DËSHMORËT KANË VETEM DATËLINDJE”.

Festivali Folklorik “I këndojmë Lirisë”, ka lidhshmëri me qershorin e Lirisë. Ashtu sikur së nuk u ngrit rastësisht flamuri i Pavarësisë më 28 nëntor në Vlorë, as nuk lindi rastësisht Komandanti Legjendar Adem Jashari, më 28 nëntor, por edhe dalja publike në skenë e UÇK-së, më 28 nëntor nuk ishte e rastësishme, atëherë as qershori i Lirisë, bashkë me Festivalin Folklorik “I këndojmë lirisë”, nuk janë data të caktuara rastësisht.

Festivali Folklorik zënë fill më 5 e 6 qershor 2001 dhe merr formën zyrtare në vitin 2002, duke u vendosur në datat 6, 7 dhe 8 qershor.

Komandantet e lavdisë, Dëshmorët e kombit dhe Heronjtë kanë vetëm datëlindje, ato janë dhe do të mbeten të shenjta, do të festohen bashkë me popullin e për popullin gjatë tërë historisë... Folklori, sa i magjishëm aq edhe universal, është kronikë e historisë së një kombi, është gjuhë populli. Kjo më së miri tregohet nëpër skena festivalesh, ku secili nga pjesëmarrësit shfaq mendimet e veta dhe tregon traditën për folklorin e zonës së tij, duke filluar nga Mitrovica, Prishtina, Peja, Prizreni, Gjilani, nga Presheva, Shkupi e Tetova, Shkodra, Kukësi, Puka, Tirana, Vlora e Gjirokastra, Çamëria e Ulqini, dhe këtu marrin pjesë bartës të folklorit, interpretues të këngëve të cilët i ngrohin zemrat e qytetarëve me këngët e tyre folklorike të zonave të ndryshme nga trojet shqiptare. Fitnete Rexha, bilbili i këngës qytetare të Shqipërisë së Mesme, në vitin 2001 në mes tjerash shprehet (për librin “Kronikë Festivalesh”, faqe 136) “Koleg të mi, ruajeni këngën e bukur shqipe nga ndikimi i kulturave të huaja. Kam kënduar më shumë se 200 këngë, por çdoherë me kujtohen fjalët e gjyshes sime, e cila me thoshte: këndo e mendo shqip..”

Sot kërkohet në shqiptarizëm sikur se rilindësit që kërkoheshin të luftonin për gjuhën shqipe, për shkollën shqipe, sot kërkohet ta ruajmë këtë traditë, ta zhvillojmë këtë traditë, sepse popujt e vegjël nëse nuk dinë ta ruajnë traditën, gjuhën, zakonin, shkojnë dashur e pa dashur drejtë asimilimit. Si popull i vogël, jemi garniturë e popujve të mëdhenj, atëherë këtë meritë tonë dhe mençurinë tonë, këtu flitet për Shqipëri e për Kosovë, për shqiptarët e Malit të Zi, shqiptarët e Maqedonisë, si dhe kudo që ka shqiptarë, ne nuk mund ta quajmë Shqipërinë të rrethuar nga malazezët, serbët apo maqedonasit, por do ta quajmë Shqipërinë të rrethuar nga shqiptarët. Këta shqiptarë, dje luftuan me pushkë e penë për mëmëdheun, sot duhej luftuar me penë për mëmëdheun, duhej kultivuar e ruajtur vlerat kombëtare, në veçanti duhet pasuruar faqet e historisë me ngjarjet e ruajtura e të tkurrura nga folklori që deri dje na shërbyen dhe mësuam histori nga to. (libri “Kronikë Festivalesh”, faqe 157)

Rëndësi ka që shqiptarët përpiqen dhe mundohen që t’i ruajnë vlerat e folklorit burimor, të cilat i kanë trashëguar dhe këtij reflektohen në veprimtari të ndryshme të folkloristikës shqiptare, si në Festivalin e Gjirokastrës që është një medaljon, qoftë ajo e sazeve që mbahet në Korçë, ose ajo e këngës qytetare që mbahet në Elbasan, e Polifonisë që mbahet në Vlorë, apo vlerat që shpalosen për tri net me radhë në Festivalin Folklorik “I këndojmë lirisë”, që mbahet në Klinë. Këto veprimtari janë të këndshme, sepse janë kuvende të mëdha ku mblidhen artistët, shpalosin vlerat e mirëfillta artistike, diskutojnë njëri me tjetrin se si t’i ruajnë, si t’i evidentojnë, si t’i hulumtojnë dhe si t’i sjellin vlerat më të spikatura në veprimtaritë e tyre folkloristike...

Pak për Festivalin Folklorik Gjithëkombëtar “I këndojmë lirisë”


Çmimi kryesor “Mujë Krasniqi”, vendi i dytë dhe i tretë:

  • Viti i parë – 2001

-Çmimi “Mujë Krasniqi” – këngëtarët Halit e Sinan Gashi nga Klina -Vendi i dytë – Rifat Berisha, këngëtar nga Peja -Vendi i tretë – Ramadan Krasniqi, këngëtar nga Malisheva

  • Viti i dytë – 2002

-Çmimi “Mujë Krasniqi” – Grupi polifonik “Bilbili” nga Vlora -Vendi i dytë – Behxhet Korpuzi dhe Mustaf Rama -Vendi i tretë – SHKA “Bajram Curri” nga Prishtina dhe Lekë e Gjokë Duhani nga Klina

  • Viti i tretë – 2003

-Çmimi “Mujë Krasniqi” – SHKA “Zëri i Shalës” nga Mitrovica -Vendi i dytë – SHKA Shotë Galica”, Drenas dhe SHKA “Jezerci”, Ferizaj -Vendi i tretë – Fatmir Berisha nga Klina dhe SHKA “Jusuf Gërvalla” nga Deçani

  • Viti i katërt – 2004

-Çmimi “Mujë Krasniqi” – Xymer Kryeziu, këngëtar -Vendi i dytë – Grupi nga Dardana dhe SHKA “Zëri i Shalës” nga Mitrovica -Vendi i tretë – Grupi rapsodik nga Klina dhe Grupi rapsodik nga Hasi i Shqipërisë

  • Viti i pestë – 2005

-Çmimi “Mujë Krasniqi” – SHKA “Shotë Galica” nga Drenasi -Vendi i dytë – SHKA “Valët e Liqenit”, Strugë dhe SHKA “Drenica” nga Skënderaj -Vendi i tretë – SHKA “Zëri i Shalës” nga Mitrovica

  • Viti i gjashtë – 2006

-Çmimi “Mujë Krasniqi” – SHKA “ Sharri” nga Hani i Elezit -Vendi i dytë – Trupa e Teatrit “Naser Kodra” nga Skënderaj -Vendi i tretë – SHKA “Dita” nga Shtimja

  • Viti i shtatë – 2007

-Çmimi “Mujë Krasniqi” – Ansambli Folklorik “Mirdita” nga Rrësheni -Vendi i dytë – SHKA “Shotë Galica” nga Drenasi -Vendi i tretë – SHKA “Zëri i Shalës” nga Mitrovica


E përgatiti dibran fylli, regjisor