Hysen Kobellari
| Hysen Kobellari | |||
 Portret |
|||
| Informacione | |||
| Ditëlindja: | 2 tetor 1958 | ||
|---|---|---|---|
| Vendlindja: | Korçë, | ||
| Aktiviteti: | Shkrimtar , Ekonomist | ||
| Nënshtetësia: | Shqipëri | ||
Hysen Kobellari lindi më 2 tetor 1958 në Korçë. Është shkrimtar dhe ekonomist shqiptar.
[redakto] Biografia
Hysen Kobellari lindi në Korçë më 2 tetor të vitit 1958. Mësimet e para i mori në vendlindje. U diplomua për shkencat ekonomike, në financë-kontabilitet në Tirane me rezultate të shkëlqyera. Ne vitin 1983 fitoi diplomë me titullin “Financier i Lartë”. Fillimisht u përzgjodh për pedagog, por për të pasur stazh specialiteti në prodhim, u emërua në Sopot të Librazhdit, pastaj punoi në sistemin e auditit, në sistemin bankar, etj. në këtë rreth. Përfundoi një sërë studimesh me rëndësi në fushën e financave dhe kontabilitetit, duke kërkuar gradën shkencore të doktorit. Botoi në revista të specializuara brenda dhe jashtë vendit, ndërkohë që ushtrohej edhe në punët letrare e shoqerore, duke akumuluar një material të gjerë jetësor. Në vitin 1989 u emërua në institucione shkencore si Stacioni i Panxharit (Sugar Beet Station), Instituti i Kërkimeve në Bimë të Arave (IKBA), etj., ndërsa së fundi iu përkushtua sistemit bankar dhe të kreditit, duke drejtuar Agjencinë e Trajtimit të Kredive (ATK). Punon gjithashtu si pedagog i jashtëm në degën e Agrobiznesit në Universitetin F. S. Noli, në Korçë prej disa vitesh.Qysh në adoleshencë bashkëpunoi me shtypin letrar, lokal e qendror, si me gazetat “Përpara”,"Studenti i bujqesisë" “Bashkimi”, “Zëri i Rinisë”, “Drita ”, “Nëntori”, “Pionieri”, etj. ku botoi reportazhe, poezi, ese, përshkrime e kronika jetësore, skica e tregime, etj. Bashkëpunoi për një kohë të gjatë me Radio Korçën, duke drejtuar rubrika ekonomiko – shkencore dhe letrare. Librin e parë e botoi më 1995 me titull “Qesh kush qesh i fundit” me fabula. Është ndër autorët më aktive të Klubit të Shkrimtarëve “Bota e Re”, duke qenë nënkryetar i saj si dhe shërben si Sekrekar i Lidhjes se Shkrimtarëve dhe Artistëve të Shqipërisë për Rajonin e Korçës, pas riorganizimit . U profilizua kyesisht për letërsinë e fëmijëve dhe të rinjve, po ashtu për gjinitë e humorit, skenës, fantashkencë dhe kritikë eseistike, duke ndjekur rrjedhat bashkëkohore të zhvillimeve letrare. Disa nga veprat e tija janë përkthyer në disa gjuhë si : italisht,gjermanisht, greqisht,etj. Ka fituar disa Cmime kombëtare dhe ndërkombëtare.
[redakto] Veprat letrare
Deri tani ka botuar këta libra :
- “Qesh kush qesh i fundit”, fabula 1995;
- “Aventurat e Lundrak Budallushit të vogël”, novelë përrallë, 1998;
- “Edhe frika i ruan vreshtat”,vjersha humoristike,fabula,epigrame,1998;
- “Xhina, Roku dhe Kukullat magjike”, novelë përrallë, 2000;
- “Rrobashqepëse Çiljeta”, tregime, 2005;
- “Bjeri gajdes, gajdexhi”, tregime e skica humoristike, 2006;
- “Kurbatka e bukur”, roman, 2008
