KFOR

Nga Wikipedia, enciklopedia e lirë

Pending changes are displayed on this page

E pashqyrtuar

Shko te: navigacion, kërko

Rezoluta 1244

UNMIK
- PSSP
  - Rykeri
  - Peterseni
  - Holkeri
  - Shtajeri
  - Hakerupi
  - Kushneri
KFOR
OSCE

Kosova

KFOR janë një trupë e armatosur ndërkombëtare e formuar nga bashkësia ndërkombëtare pas luftës në Kosovë me qëllim të sigurimit të armatosur të Kosovës.

Formimi i kësaj trupe nën komandën e NATO-s është thirrur nga OKB-ja më 10 qershor 1999 në rezolutën 1244 me qëllim të krijimit të një hapësire sigurie për kthimin e refugjatëve të luftës. Qendra komanduese e trupës gjendet në kryeqytetin e Kosovës.

Në fillim (1999) trupa përbëhej nga kontingjentet e 40 kombeve me një fuqi ushtarake prej 50,000 ushtarakëve. Në gusht të 2006 në përbërjen e kësaj trupe ishin diku 16,000 ushtarakë nga 37 kombe anëtare të OKB-së.

[redakto] Komanda

Gjen. Maj. Valeri Evtoukovitich (majtas) komandant i forcave Ruse në Kosovë përshëndete me Gjen. Bri. John Craddock (dyti nga e djathta) komandantin e Trup. Forc. Falcon më 7 qershor 1999.

Trupa e KFOR-it komandohet nga komanda e përgjithshme në krye me një Gjeneral të shkalës së tretë (me tre yje) i cili vije nga radhët e kombeve prijëse të misionit dhe që kanë komandën në njërën nga pesë batalionet e stacionuara në Kosovë. Edhe pse kjo nuk është e kushtëzuar deri në fund vitin 2006 ka qenë kështu.

Deri në vitin 2006 postin e komandantit të përgjithshëm (COMKFOR) e kanë ndërruar 12 Gjeneralë. Duke filluar nga:

Gjenerali Wesley Clark (SHBA)
Gjeneral brigade Sir Mike Jackson (Britania e Madhe)
Gjeneral Dr. Klaus Reinhardt (Gjermania) (8 tetor 1999 - 18. prill 2000)
Gjeneral brigade Juan Ortuño (Spanja)
Gjeneral brigade Carlo Cabigiosu (Italia)
Gjeneral brigade Thorstein Skiaker (Norvegjia)
Gjeneral brigade Marcel M. Valentin (Franca)
Gjeneral brigade Fabio Mini (Italia)
Gjeneral brigade Holger Kammerhoff (Gjermania), deri më 31 gusht 2004
Gjeneral brigade Yves de Kermabon (Franca), deri më 31 gusht 2005
Gjeneral brigade Giuseppe Valotto (Italia), deri më 31 gusht 2006
Gjeneral brigade Roland Kather (Gjermania), deri më 31 gusht 2007
Gjeneral Xavier Bout de Marnhac (Franca), nga 1 shtator 2007
Gjeneral Giuseppe Emilio Gay (Italia), nga 29 gusht 2008

[redakto] Struktura e trupës

Zonat e KFOR-it

Për qëllim të kryerjes së misionit, hapësira e sigurisë është e ndarë në të ashtë quajtura pesë sektorë të cilat komandohen nga pesë kombe të forcave ndërkombëtare (MNTF). Këto zona në terminologjinë e ushtarakëve ndahen sipas orientimit në hapësirë por përdoren edhe emërtime tjera. Kështu në sipas gjendjes më 15 maj 2006:

Zona jugore: Gjermania, Turqia apo Austria MNTF S
Zona perëndimore: Italia MNTF W
Zona veriore: Franca MNTF N
Zona qendror: Republika Çeke, Finlanda apo Suedia MNTF C
Zona lindore: SHBA MNTF E

Po ashtu gjendet edhe një batalion rezervë nën komandën e COMKFOR-it, Batalioni Rezervë Taktike-Manovrues (KFOR Tactical Reserve Manoeuvre Battailon [KTM]). Për luftimin e kriminalitetit është Njësia Ndërkombëtare Speciale (KFOR MSU-Multinational Specialized Unit) e udhëhequr nga italianët dhe stacionuar në Prishtinë.

[redakto] Kombet pjesëmarrëse

Qendrat civile

Anëtare të NATO-së	Pjesëmarrëse tjera
Belgjika Bullgaria Danimarka Gjermania (1.507) Estonia Franca (807) Greqia Britania e Madhe (5) Italia (1.409) Kanada Luksemburgu Holanda (10) Norvegjia Polonia Portugalia Rumania Sllovakia Sllovenia Spanja (3) Turqia Republika Çeke Hungaria SHBA (1.480)	Finlanda Irlanda Maroku Austria Suedia Zvicra Ukraina (187)