KS Tomori

Nga Wikipedia, enciklopedia e lirë
Shko te: navigacion, kërko

Logo FK Tomori.png

Të dhëna mbi klubin sportiv
Themelimi nëntor 1923
Adresa

Telefon
Fax
President Fadil Nasufi
Trajner Madrid Muxhaj
Anëtarë Flag of Albania.png
Ngjyrat e klubit E Bardhë
Reparti i ekipit të futbollit
Kategoria Kategoria Superiore
Stadiumi Stadiumi Tomori
Drejtori repartit
Shefi stërvitjes
Veshja sportive
Fusha e saj
Fusha e huaj
Suksese sporti
Sezoni sportiv
Internet
Internet www.fktomori.com
E-Mail info@fktomori.com

Futboll Klub Tomori, FK Tomori është klub futbollistik shqiptar nga Berati, një nga klubet e para shqiptare dhe është krijuar që në vitin 1923.

Historia[redakto | redakto tekstin burimor]

Klubi Sportiv Tomori u krijua në nëntor të vitit 1923 dhe ka patur këto emra gjatë historisë së tij:

  • 1923-1926 KS Tomori
  • 1927-1929 KS Muzakaj
  • 1952-1957 Puna
  • 1957 në vazhdim KS Tomori

Në fillim lojërat organizoheshin nga studentët që kishin studiuar jashtë vendit. Ata sillnin topa dhe u mësonin njerëzve rregullat e lojës. Në vitin 1913 u krijuan disa skuadra me emrat "Çunat e Lumit", "Vakëfi", "Kalaja", "Opinga" etj.

Në vitin 1923, u krijua në Berat, një shoqëri "artistike dhe sportive" e quajtur Tomori. Kjo shënoi një epokë të re në historinë e sportit në Berat. Shoqëria "Tomori" u themelua në objektet e shkollës së lagjes "Mangalem", me pjesëmarrjen e 18 të rinjve. Në këtë mbledhje u zgjodh kryesia dhe u miratua programi vjetor, statuti dhe flamuri i shoqërisë (dyngjyrësh i bardhë dhe ngjyrë qielli).

Anëtarët e Kryesisë: (1923-1926) Kryetar: Zyhdi Doko, Sekretar: Shyqyri Lakra, anëtarë të tjerë: Lilo Xhimitiku, Andon Myzeqari, Vangjel Haxhistasa, Alqiviadhi Shyti.

Dy muaj pas krijimit, Tomori zhvilloi ndeshjen e parë miqësore kundër Tiranës e mbyllur 2-2 në Berat, e ndjekur nga 1200 sportdashës.

Pas disa aktiviteteve të zhvilluara me shoqëritë e qyteteve të tjera, Tomori siguroi edhe pjesëmarrjen në Kampionatin e parë Kombëtar në vitin 1930. Në këtë periudhë nisi përherë të parë tregu i futbollistëve në Shqipëri. Në Berat u afruan futbollistë nga Tirana, Peja, Gjakova, Vlora etj. Ndërsa transfertat bëheshin me aeroplan për mungesë infrastrukture. Ndodhte që skuadra të prekej nga krizat ekonomike, të cilat kaloheshin falë ndihmës në franga ari të qytetarëve beratas. Trofeu i parë i fituar nga Tomori ishte kupa “Iliria” një trekendësh midis Tomorit, Apolonisë dhe Lushnjes. Emrat më të njohur që kanë kontribuar për Tomorin në vitet e para ishin: Jani Kosta, Stavri Janinoti, Liko Kuçova, Maku Xheblati etj. Në vitin 1942 u zhvillua edhe Kampionati i parë Mbarëkombëtar me pjesëmarrjen e skuadrave nga Shqipëria dhe Kosova nën ndikimin e pushtuesit italian. Tomori ishte një ndër skuadrat më të mira të kampionatit. Ndërsa aktivitetet ndërkombëtare të periudhës përpara luftës ishin me pikatore dhe këto u zhvilluan kryesisht me skuadra të vendeve fqinje si ato malazeze apo maqedonase(edhe në këtë rast skuadra të qyteteve shqiptare të këtyre vendeve).

Pas Luftës së Dytë Botërore skuadra u riformatua pasi shumë futbollistë, që kishin mbajtur peshën e kësaj skuadre, ishin larguar nga Tomori apo nga futbolli i luajtur. Ndërkohë ndodhi dhe ristrukturimi i shoqërive artistiko-sportive. Në Berat, Shoqëria Tomori u shkri dhe në vendin e saj u krijuan tre shoqëri sportive, si: Puna, Spartaku dhe Dinamo. Kjo ndihmoi në masivizimin e futbollit në qytet por jo në rritjen e cilësisë së tij pasi mungesa e infrastrukturës sportive dhe specialistëve nuk sillte cilësi më të mirë. Kjo zgjati për pesë vite dhe ndër këto tre shoqëri ajo më e rëndësishmja ishte Shoqëria Puna, e cila përballonte 85% të veprimtarive dhe përfitonte 90% të buxhetit të sportit të Beratit. Në kampionatin kombëtar të futbollit, Puna ishte emri i ri skuadrës së futbollit të Beratit që vazhdonte historinë e saj mes Kategorisë së Parë dhe të Dytë, ndërsa dy shoqëritë e tjera ishin të specifikuara. Pasi shoqëria Spartaku përbëhej nga punonjës të artizanatit, riparim-shërbimeve etj. Ndërsa në shoqërinë Dinamo përfshiheshin sportistë, të cilët ishin punonjës të degëve të punëve të brendshme dhe të rinj beratas të shkollave të mesme. Ndërkohë në vitin 1957 këto shoqëri u shkrinë sërish për të rikthyer edhe një herë një shoqëri të vetme sportive por edhe futbollistike me emrin Tomori.

Në vitin 1964 Tomori ishte finalist në Kupën e Shqipërisë, duke humbur në finale ndaj KS Partizani 0-3. Por edhe pse humbi finalen e kupës Tomori arriti në të njëjtin vit të fitonte Kupën “Bashkimi” duke mundur në finale Flamurtarin 2-1. U shquan futbollistët Fatbardh Buzi, Valentin Karaj, Sabri Dyli, Andon Zaho etj.

Në vitin 1977, Tomori kthehet në Kategorinë e Parë duke nisur historinë e një brezi të suksesshëm ku më i shquari ishte Përparim Kovaçi. Për 9 vite radhazi skuadra jo vetëm do qëndronte në këtë kategori por edhe shpesh në shkallët e larta të renditjes duke befasuar të gjithë. Skuadra në këtë periudhë drejtohej nga dyshja Guxim Mukli - Andrea Xheblati dhe përbëhej nga lojtarë, si: Petrit Çilingiri, Leonard Bakalli, Agim Matrapazi, Ylli Karkanjozi, Përparim Kovaçi, Robert Kokalari, Kristaq Mile, Filip Leci, Theodhor Arbëri, etj. Kjo skuadër madje do të arrinte tre herë deri në gjysëmfinalen e Kupës së Shqipërisë. Në sezonin 1979-1980, sulmuesi Kovaçi shpallet golshënuesi më i mirë i kampionatit me 18 gola. Për herë të parë një futbollist i Tomorit arriti një sukses të tillë. Në këtë periudhë Tomori arriti të fitonte edhe kupa të tjera si: “Tomori”, “Sporti Popullor”, “Bashkimi” dhe “Mësuesi”. Ndërsa në vitin 1985 do të ndërtohej edhe stadiumi i ri i qytetit, “Stadiumi Tomori”. Ky stadium edhe sot vazhdon të mbetet stadiumi i dytë më i madh në vend pas atij kombëtar “Qemal Stafa”. Përurimi u bë më 15 maj 1985 në një takim miqësor që Tomori e fitoj 3-1 kundër Kombëtares Shqiptare. Ishin Kovaçi, Mile dhe Matrapazi shënuesit e asaj ndeshje miqësore. Ndërkohë Tomori thyen rekordin e radhës pasi në stadium ndeshjen e përurimit e ndoqën 16500 tifozë. Në vitin 1987 Tomori ka sërish shënuesin më të mirë të kampionatit por këtë herë golshënues ishte Arben Arbëri me 14 gola, që suksesin e vet një vit më pas e përsëriti në Kategorinë e Dytë. Takimet ndërkombëtare gjatë regjimit komunist për Tomorin do të ishin vetëm miqësore si ajo kundër Kombëtares U-21 të Kinës apo kundër skuadrave të futbollit të Kosovës si: "Trepca ’89", "Liria" apo "Kristal".

Pas viteve ’90 futbolli shqiptar dhe ai beratas do të pësonte ndryshime të mëdha në organizim. Për herë të parë tek Tomori shfaqen sponsorët edhe presidentët. Sukseset më të mëdha janë në sezonin 1990-91 kur Kliton Bozgo me 29 gola shpallet golshënuesi më i mirë i kampionatit duke vendosur një nga rekordet e futbollit shqiptar për numrin e golave të shënuar në një sezon. Ndërsa Tomori u rendit i pesti. Madje në atë sezon sulmuesi beratas që më pas karrierën do e vazhdonte në Slloveni e Austri ishte një ndër pretendentët për “Këpucën e Artë” të Evropës. Ndërsa në sezonin 1999-2000 Presidenti Adrian Çobo ndërtoi skuadrën që do bënte historinë e futbollit beratas. Një skuadër të përbërë nga djem të talentuar beratas si: Madrid Muxhaj, Arjan Zëre, Aliaj, Lako, Dino, Nushi, Gjata por edhe më të rinjtë K. Arbëri, Fani, Tabaku e Çala, dhe të ardhurit Asllani, Deliu, Hasa, Rustami e Maloku dhe Gega me në krye trajnerët Kristaq Mile-Theodhor Arbëri. Tomori e mbyll kampionatin në krye bashkë me Tiranën nga 52 pikë. Spas rregullores Tomori shpallej kampion pasi kishte më shumë pikë në sfidat direkte. Por pak javë nga fundi i kampionatit FSHF ndryshoi rregulloren dhe kërkoi që skuadra kampione të përcaktohej në një ndeshje finale në Elbasan midis Tomorit dhe Tiranës. Ndeshja përfundoi në barazim 1-1 dhe titulli u vendos nga penalltitë, ku ajo e humbur nga Besnik Hasa i dha titullin Tiranës. Ndërkohë vetëm një javë më parë presidenti që shkruajti historinë e kësaj skuadre do të humbte jetën. Klodian Arbëri bëhet i katërti berates që fiton ‘’këpucën e artë’’. Në sezonin pasardhës Tomori bën prezantimin e vet në Kupat e Evropës kundra "Apoel FC" të Nikozias me bilanc negativ dy humbje 2-5 në total dhe eleminim.

Tomori ka fituar kampionatin në Divizionin e Parë Shqiptar katër herë: në vitin 1930, 1950, 1970, dhe 1977.

Në 1991-1992 FK Tomori mori pjesë në Kupën e Ballkanit, por humbi në total ndaj FC Oţelul Galati (2:4), i cili doli në finale.

Stadiumi[redakto | redakto tekstin burimor]

FK Tomori i luan ndeshjet në Stadiumin Tomori që është ndërtuar në vitin 1985 dhe është stadiumi më i ri në Shqipëri. Ky stadium ka një kapacitet prej 13.350 vendesh dhe është gjithashtu njëri nga stadiumet më të mëdha në vend.


Lojtarët 2010-2011[redakto | redakto tekstin burimor]

Numri Pozicioni Emri i lojtarit
1 Flag of Albania.svg Pt Bledar Dura Persepolis-captain.png
12 Flag of Albania.svg Pt Klajdi Kuka
3 Flag of Albania.svg Mb Elton Fani
6 Flag of Albania.svg Mb Redi Harka
8 Flag of Albania.svg Mf Fatjon Karamani
10 Flag of Albania.svg Mf Kelment Agalliu
17 Flag of Albania.svg Mf Ervis Çaçi
** Flag of Albania.svg Sm Gersi Arbëri
14 Flag of Albania.svg Sm Erdet Shinko
19 Flag of Albania.svg Sm Algert Avdo
** Flag of Albania.svg Mf Arber Bistri
Numri Pozicioni Emri i lojtarit
** Flag of Albania.svg Sm Dorian Bubeqi
** Flag of Albania.svg Sm Klodian Arbëri
** Flag of Albania.svg Mf Ilirjan Çaushaj
** Flag of Albania.svg Mb Blerim Hasalla
** Flag of Albania.svg Mf Emiliano Çela
** Flag of Albania.svg Sm Enea Isufi
** Flag of Albania.svg Mf Klevis Roshi
** Flag of Albania.svg Mf Hekuran Korreshi
** Flag of Albania.svg Mf Fation Topi
** Flag of Albania.svg Sm Ledian Taullau
** Flag of Albania.svg Mb Elton Veleshnja

Stafi teknik[redakto | redakto tekstin burimor]

Position Name
Trajner Flag of Turkey.svg Hasan Egilmez
Zëvëndës trajner Flag of Albania.svg Përparim Kovaçi
Trajner i portierëve Flag of Albania.svg Madrid Muzhaj
Fizeoterapist Flag of Albania.svg Ilir Abazaj
Shefi i klubit Flag of Albania.svg Polizoi Kuqo

Lojtarë të Shquar[redakto | redakto tekstin burimor]

Trajnerë të Shquar[redakto | redakto tekstin burimor]

Lidhje të jashtëme[redakto | redakto tekstin burimor]