Kiçi

Nga Wikipedia, Enciklopedia e Lirë

Kiçi (kitsch) është një term që buron nga gjermanishtja, ose nga gjuha jidish, dhe përdoret për ta kategorizuar llojin e artit që konsiderohet të jetë kopjim i pashije i një stili tashmë ekzistues artistik. Ky term shpesh shfrytëzohet edhe për t’iu referuar çdo lloj arti që vlerësohet se i takon shijes së keqe dhe prodhohet në mënyrë komerciale.

Ndonëse etimologjia e këtij termi është ende e pasigurt, ekziston një pajtueshmëri e gjerë se ai vjen nga tregjet artistike të Munichut, në vitet 1860 dhe 1870, ku ka shërbyer për t’i përshkruar pikturat dhe skicat e lira të cilat kanë qenë shumë të popullarizuara në atë periudhë.

Disa ndër veprat më të rëndësishme për kiçin janë : "Pesë Fytyrat e Modernitetit : Modernizmi, Avant-garde, Dekadenca, Kiçi, Postmodernizmi"^[1], nga Matei Calinescu, "Kiçi dhe Arti"^[2], nga Tomas Kulka, si dhe "Kiçi-Bota dhe Shija e Keqe"^[3], nga Gillo Dorfles, në të cilin gjendet esetë antologjikë: "Fenomenologjia e Kiçit" nga Ludwig Giesz dhe "Kiçi" nga Hermann Broch.

[redakto] Referencat

[redakto] Lidhje të jashtme

• Avant-Garde and Kitsch— Ese klasik nga Clement Greenberg
• On Kitsch—Pjesë të përzgjedhura nga manifesti i Odd Nerdrum