Kiri

Nga Wikipedia, enciklopedia e lirë
Shko te: navigacion, kërko
Disambig.svg Mos e ngatroni këtë artikullin me lumin Kir.
Kiri
Fshat
Shteti: Shqipëria
Qarku: Qarku i Shkodrës
Rrethi: Rrethi i Shkodrës
Komuna: Komuna Pult
Targat e automjeteve: SH
Përdorimi i stampës

Kiri është një fshatkomunën Pultrrethin e ShkodrësShqipërisë. Fshati është i vendosur në hyrje të Pultit, duke ndjekur në të kundërt rrjedhën e lumit me të njëjtin emër. Në lashtësi ka pasur një kala që sot ka vetëm disa rrënoja dhe asgjë më tepër, por edhe sot ky vend emërtohet “Qyteza e Kirit” ose “Kalaja e Kaurrit”. Popullsia është e përbërë nga disa degëzime.

Emrin e këtij fshati e mban edhe lumi i cili buron nga shpatet e Bigës, Ndërkjores e Qafës së Bëshkasit dhe derdhet në Drí, pranë Kalasë së Shkodrës.

Me sa duket lumi ka marrë emrin e fshatit dhe jo fshati emrin e lumit, sepse në kohët e hershme ky lumë kishte emrin Clusala. Rrjedha e lumit nuk është e qëndrueshme sepse varet nga reshjet edhe pse furnizohet nga përronj nga Alpet Shqiptare. Është i pasur me trofta. Mbi këtë lum qëndron Ura e Mesit i ndërtuar gjatë sundimit osman që i ngjan kurrizit të njëmushke, harku i së cilës kujton atë të Urës të Mostarit, në Bosnje.

Te libri “Shqipëria e Vjetër”, T. Ipen shkruan “Clausala është prroi i Kirit i cili zbret në fushë nga krahina malore e Pultit”. Në Plan ka një toponim që quhet “ndër Kisa” për “ndër Kira”, pasi ka disa burime në të njëjtin vend. Në Defterin e Regjistrit të Sanxhakut të Shkodrës përmendet Kiri, pra është fshat, vendbanim shumë i hershëm dhe qendër e rëndësishme për kohën.

Milan Shuflai në librin e Tij “Serbët dhe Shqiptarët” na flet për disa fise të hershme që banonin në mes Vlorës dhe Himarës, në mes të cilëve edhe Chirilejsët, të cilët në fund të shekullit të XV zhvilluan sulme ushtarakë nën udhëheqjen e nipit të Skënderbeut kundër Turqve. Po kështu edhe pas një shekulli këto fise dhanë 10,000 luftëtarë për të njëjtin qëllim.

Për një jetë më të mirë, ndonjë grup i popullsisë së Kirit të jenë vendosur në brigjet e Detit Jon.

Nëpër Kir mund të kenë lëvizur dikur fisi “Thaçi”, pasi u end nëpër Malësi të Madhe dhe u vendos përfundimisht atje ku janë edhe sot. Në Kir ka një ograjë që quhet “Ograja Thaçe”.

Shih edhe[redakto | redakto tekstin burimor]