Mërkuri

Përshkrimi	Vlera
Largësia nga Dielli	35 991 000 milje
Shpejtësia orbitale	29.8 milje/sek
Periudha orbitale	87.969 ditë
Periudha e rrotullimit	58 646 ditë
Anim - Pjerrtësi	0°
Diametri ekuatorial	3 031 milje
Madhësia (Toka=1)	0.0558
Graviteti (Toka=1)	0.38
Shpejtësia e largimit	2.67 milje/sek
Temperatura e sipërfaqes	nga -279° në 806° F

Mërkuri është planeti më i afërt me Diellin dhe gjithasthu planeti më i vogël në Sistemin Diellor,Mërkuri kryen orbitën rreth Diellit një herë në 87.969 ditë duke kompletuar tre rrotullime rreth aksit në çdo dy orbita.Teknikisht mërkuri është një objekt shumë i shndritshëm, por ai ështe i vështirë të shihet sepse dielli e pengon shumë dritën e tij të duket qartë. Mërkuri është i shndritshëm kur mund të shihet nga Toka, me magnitudën e dukshmërisë nga -2.0 deri 5.5, por nuk shihet me lehtësi për shkak se zakonisht gjendet shumë afër Diellit. Meqë Mërkuri zhduket në shkëlqimin e diellit, në mos nuk ka eklips diellor, Mërkuri mund të shihet vetëm në mëngjes ose në muzgun e mbrëmjes.

Mërkuri është një nga katër planetët e ngurtë të Sistemit Diellor ashtu si Toka. Eshtë planeti më i vogël i Sistemit Diellor me një rreze ekuatoriale 2439.7 km. Mërkuri është gjithashtu më i vogël se satelitët më të mëdhenj të Sistemit Diellor siç janë Ganimede dhe Titan. Mërkuri përbëhet kryesisht nga 70% metale dhe 30% materiale silikate. Dëndësia është e dyta më e lartë në sistemin diellor me 5.427g/cm3 pak më pak se dëndësia e Tokës që është 5.515 g/cm3. Dëndësia e Mërkurit na tregon neve për strukturën e tij të brëndshme.

Krahasuar me atë çka dihet për planetet e tjerë në Sistemin Diellor, pak dihet për Mërkurin; teleskopët në Tokë e tregojnë veçse në trajtën e një gjysmëhëne të vogël e të shndritshme. E para nga dy anijet kozmike që vizituan planetin ishte Mariner 10, bëri 45% të hartës së sipërfaqjes së planetit nga 1974 deri 1975. E dyta ishte MESSENGER, që bëri edhe 30% të hartës në 14 janar 2008. MESSENGER do të kalojë edhe një herë Mërkurin në 2009, pas kësaj harta e planetit do të jetë e plotë. Megjithëse Mërkuri është planeti më i afërt me diellin ka zona me akull të përhershëm.