Mehmet Shehu

Nga Wikipedia, Enciklopedia e Lirë

Mehmet Shehu
Emri:	Mehmet
Mbiemri:	Shehu
Emri alternativ:
Profesioni:	politikan
Ditëlindja:	10 janar, 1913
Vendlindja:	Çorush, Mallakastrës,
Ditëvdekja:	13 dhjetor, 1981
Vendvdekja:	Tiranë
Nënshtetësia:	shqiptar

Mehmet Shehu lindi më 10 janar të vitit 1913 në fshatin Çorush të Mallakastrës, vdiq (vetvrasje) më 13 dhjetor të vitit 1981 në Tiranë, ishte politikan shqiptar, Kryeministër i Shqipërisë. Shkollën fillore e kreu në vendlindje. Më pas vazhdon Shkollën Teknike, të cilën e mbaron më 1932. Shkon në Napoli, Itali për të studiuar në Kolegjin Ushtarak. Përjashtohet për ide revolucionare nga Kolegji. Largohet nga Italia dhe kthehet në Shqipëri ku burgoset 2-3 muaj në Tiranë. Me daljen nga burgu, punon në fermën e Shkollës Teknike si traktorist. Ndjek Shkollën e Plotësimit të Oficerëve. Titullohet në vitin 1937. Në dhjetor 1937 shkon në Spanjë ku merr pjesë në brigadat vullnetare anti-fashiste. Më 1939 pas çmobilizimit të vullnetarëve të huaj kthehet në Francë dhe qëndron në një kamp përqëndrimi. Kthehet në Shqipëri në gusht 1942. Lidhet me PKSH dhe caktohet sekretar organizativ i Qarkut të Vlorës.

Gjatë Luftës Nacional-Çlirimtare ka kryer një numër detyrash të rëndësishme:

• Shkurt 1943 komandant i Çetës Plakë të Mallakastrës.
• Mars 1943 kandidat i K.Q.
• Gusht 1943 komandant i Brigadës I Sulmuese.
• Maj 1944 zv. komandant i Divizionit I Sulmues me gradën e kolonelit.
• Gusht 1944 komandant i Divizionit I Sulmues.
• Tetor 1944 i jepet grada gjeneral-major.

Mbas çlirimit të Shqipërisë dërgohet për studime në Bashkimin Sovjetik. Në periudhën 1945-1946 studion në Akademin Ushtarake "Voroshillov" në Moskë. Mbas përfundimit të studimeve ktheht në Shqipëri ku në vitin 1947 emërohet Shef i Shtabit të Përgjithshëm. Në periudhën 1948-1954 kryen njëkohësisht detyrën e zëvendëskryeministrit dhe atë të ministrit të punëve të brendshme. Nga viti 1954 deri në vitin 1981 është Kryeministër (Kryetari i Qeverisë).

Që nga viti 1948 deri 1981 ishte anëtar i Byrosë Politike. Fliste 5 gjuhë të huaja: anglisht, frëngjisht, italisht, spanjisht dhe rusisht. Kreu vetëvrasje në Tiranë më 13 dhjetor 1981.

[redaktoni] Aktiviteti politik

• Ministër i Brendëshëm me mandat që nga 1 tetori i vitit 1948 e gjer më 23 korrik të vitit 1954, si pjesë e kabinetit të Enver Hoxhës.
• Zëvendës Kryetar i Shqipërisë me mandat që nga 24 korriku i vitit 1953 e gjer më 23 korrik të vitit 1954, si pjesë e kabinetit të Enver Hoxhës.
• Kryetar i Këshillit të Ministrave të Shqipërisë me mandat 27 vjeçar që nga 20 korriku i vitit 1954 e gjer më 18 dhjetor të vitit 1981, (gjer 5 ditë para vdekjes).
• Ministër i mbrojtjes me mandat që nga 30 tetori i vitit 1974 e gjer më 26 prill të vitit 1980.