Mehmet Shehu
| Mehmet Shehu | |
 |
|
| Kryetar i Këshillit të Ministrave | |
| 20 korrik 1954 – 18 dhjetor 1981 | |
| Paraardhësi: | Enver Hoxha |
| Pasardhësi: | Adil Çarçani |
| Ministër i Punëve të Brendshme | |
| 1 tetor 1948 – 23 korrik 1954 | |
| Paraardhësi: | Koçi Xoxe |
| Pasardhësi: | Kadri Hazbiu |
| Ministër i Mbrojtjes | |
| 30 tetor 1974 – 26 prill 1980 | |
| Paraardhësi: | Beqir Balluku |
| Pasardhësi: | Prokop Murra |
| Zv.Kryetar i Këshillit të Ministrave | |
| 24 korrik 1953 – 23 korrik 1954 | |
| Të dhënat personale | |
| Lindi më: | 10 janar 1913 |
| Lindi në: |  Çorush, Mallakastrës |
| Vdiq më: | 18 dhjetor 1981 (vetëvrarë) |
| Vdiq në: | Tiranë |
| Kombësia: | Shqiptare |
| Profesioni: | Ushtarak, politikan |
| Partia politike: | Partia e Punës e Shqipërisë |
| Feja | Ateist |
Mehmet Shehu komunist, luftëtar në Luftën civile të Spanjes partizan,ushtarak, kryeminsitër.
[redakto] Jeta
Lindi më 10 janar të vitit 1913 në fshatin Çorush të Mallakastrës, vdiq (vetvrasje) më 18 dhjetor të vitit 1981 në Tiranë, ishte politikan shqiptar, Kryeministër i Shqipërisë. Shkollën fillore e kreu në vendlindje. Më pas vazhdon Shkollën Teknike, të cilën e mbaron më 1932. Shkon në Napoli, Itali për të studiuar në Kolegjin Ushtarak. Përjashtohet për ide revolucionare nga Kolegji. Largohet nga Italia dhe kthehet në Shqipëri ku burgoset 2-3 muaj në Tiranë. Me daljen nga burgu, punon në fermën e Shkollës Teknike si traktorist. Ndjek Shkollën e Plotësimit të Oficerëve. Titullohet në vitin 1937. Në dhjetor 1937 shkon në Spanjë ku merr pjesë në brigadaden e XII ndërkombëtare e quajtur Garibaldi në nder të heroit italian, e cila ishte e përbëre nga vullnetarë nga shumë vënde të botës, ai komandonte bataljonin e IV të saj. Më 1939 pas çmobilizimit të vullnetarëve të huaj kthehet në Francë dhe qëndron në një kamp përqëndrimi. Kthehet në Shqipëri në gusht 1942. Lidhet me PKSH dhe caktohet sekretar organizativ i Qarkut të Vlorës.
Gjatë Luftës Nacional-Çlirimtare ka kryer një numër detyrash të rëndësishme:
- Shkurt 1943 komandant i Çetës Plakë të Mallakastrës.
- Mars 1943 kandidat i K.Q.
- Gusht 1943 komandant i Brigadës I Sulmuese.
- Maj 1944 zv. komandant i Divizionit I Sulmues me gradën e kolonelit.
- Gusht 1944 komandant i Divizionit I Sulmues.
- Tetor 1944 i jepet grada gjeneral-major.
Mbas çlirimit të Shqipërisë dërgohet për studime në Bashkimin Sovjetik. Në periudhën 1945-1946 studion në Akademin Ushtarake "Voroshillov" në Moskë. Mbas përfundimit të studimeve ktheht në Shqipëri ku në vitin 1947 emërohet Shef i Shtabit të Përgjithshëm. Në periudhën 1948-1954 kryen njëkohësisht detyrën e zëvendëskryeministrit dhe atë të ministrit të punëve të brendshme. Nga viti 1954 deri në vitin 1981 është Kryeministër (Kryetari i Qeverisë).
Që nga viti 1948 deri 1981 ishte anëtar i Byrosë Politike. Fliste 5 gjuhë të huaja: anglisht, frëngjisht, italisht, spanjisht dhe rusisht. Versioni zyrtar i kohes tregon se kreu vetëvrasje në Tiranë më 18 dhjetor 1981.
[redakto] Aktiviteti politik
- Ministër i Brendshëm me mandat që nga 1 tetori i vitit 1948 e gjer më 23 korrik të vitit 1954, si pjesë e kabinetit të Enver Hoxhës.
- Zëvendës Kryetar i Shqipërisë me mandat që nga 24 korriku i vitit 1953 e gjer më 23 korrik të vitit 1954, si pjesë e kabinetit të Enver Hoxhës.
- Kryetar i Këshillit të Ministrave të Shqipërisë me mandat 27 vjeçar që nga 20 korriku i vitit 1954 e gjer më 18 dhjetor të vitit 1981.
- Ministër i Mbrojtjes me mandat 6 vjeçar që nga 30 tetori i vitit 1974 e gjer më 26 prill të vitit 1980.
[redakto] Lidhje te jashtme
Mehmeti te Lopsiotet http://www.hermesnews.org/rubriche/stampa-redaz.asp?IDREDAZIONALE=2457
 |
Ky artikull nga Politika është një faqe cung me një përmbajtje jo të mjaftueshme. Mund të ndihmoni Wikipedian duke e përmirësuar. |
