Ministria e Brendshme e Shqipërisë

Ministria e Brendshme
Shkurtesa	MOI
Themelimi	4 Dhjetor 1912
Tipi	Ministri Qeveritare
Zyrat qendrore	Tiranë
Vendndodhja	Tiranë
Rajoni që shërben	Republika e Shqipërisë
Gjuhët zyrtare	Shqip
Ministër	Flamur Noka
Organizata amë	Këshilli i Ministrave
Buxheti	16,45 miliardë Lek (2012) $ 160 milionë
Adresë interneti	www.moi.gov.al

Ministria e Brendshme është një ministri e Republikës së Shqipërisë. Ministria është krijuar menjëherë pas shpalljes së pavarësisë dhe krijimit të shtetit modern shqiptar më 28 nëntor 1912. Me Dekretin e Kryetarit të Qeverisë të datës 4 dhjetor 1912, ajo është quajtur ministria e Brendshme, emërtim, të cilin e ka mbajtur deri në vitin 1945. Pas kësaj periudhe ajo është quajtur Ministria e Punëve të Brendshme. Me ndryshimet demokratike, të realizuara në vendin tonë, pas vitit 1992, ajo mori emërtimin ministria e Rendit Publik, duke u ndarë prej saj strukturat e shërbimit sekret e të qeverisjes vendore. Ndërtesa e ministrisë së Rendit Publik ndodhet në Tiranë, pranë sheshit "Skënderbej", në b1lokun e ndërtesave të ministrive e të institucioneve të tjera qendrore të shtetit shqiptar, të cilat kanë përfunduar së ndërtuari në fund të viteve '30. Ndërtesa aktuale e ministrisë së Rendit Publik daton si e tillë që nga viti 1945.