Nicolas Sarkozy
Nicolas Sarkozy (Nicolas Paul Stéphane Sarközy de Nagy-Bocsa (
dëgjo) [nikɔla saʁkɔ'zi], sqt. Nikolla Sarkozi; i lindur më 28 janar 1955 në Paris) është politikan francez dhe kryetari i Republikës së Francës. Në zgjedhjet presidenciale të vitit 2007 fitoi zgjedhjet me 53 për qind të votave. Më 16 maj e trashëgoi Jacques Chirac-un duke u bë kryetari i 23-të i Francës.
Më 6 maj 2012 i humbi zgjedhjet presidenciale të vitit 2012 kundër socialistit François Hollande me vetëm 3,2 për qind diferencë të votave. Më 15 maj i mbaron mandati.[1][2]
Biografia [redakto]
Nicolas Sarkozy është djali i dytë i hungarezit Pál Sárközyt dhe e nënës franceze Andrée Mallah. Gjyshi nga e ëma ka qenë Aaron Benico Mallah, hebrej, me profesion mjek dhe me prejardhje nga Selaniku i Greqisë. Gruaja e tij ishte francezja Adèle Bouvier e cila ishte katolike, dhe se nën ndikimin e saj edhe vet Aaroni pranoi fenë katolike. Jetuan në Lion të Francës dhe kan pasur dy vajza Suzanën dhe Andrenë, e cila pra është e ëma e kryetarit të Francës.
Sarkozi shkollën fillore Chaptal de Neuilly e kreu në Paris. Në vitin 1967 kishte përsëritur klasën e gjashtë, pas së cilës ishte regjistruar në shkollën private Saint-Louis de Monceau, ku kishte marrë mësimet e mesme. Një vit më vonë anëtarësohet në partinë “Unioni Demokrat për Republikë”.
Studimet për avokaturë i kreu në Universitetin e Parisit në Nantes. Nuk arriti ta krye shkollimin për politikë të jashtme për arsye të mosnjohjes së mjaftueshme të gjuhës angleze.
Sarkozi për herë të parë u martua më 23 shtator të vitit 1982 me Marie-Dominique Culioli. Nga kjo martese ai i ka dy djemtë Pierre dhe Jean. Në vitin 1996 formalisht u shkurorëzuan.
Në vitin 1996 Nicolas Sarkozy u kurorëzua me Cécilia Ciganer-Albéniz e cila në të vërtetë ishte gruaja e nji miku të tij. Në tetor të vitit 2007 u shkurorëzuan.
Sarkozy më 2 shkurt të vitit 2008 u martua në Paris me këngëtaren italo-franceze Carla Bruni. Kjo ishte hera e parë që një kryetar i Francës gjatë mandatit presidencial u martua.
Pas humbjes kundër François Hollande në zgjedhjet presidenciale të vitit 2012 do t'a mbyllë mandatin e tij më 15 maj 2012.
Referencat [redakto]
- ^ Francë, sprovat e vështira të Hollande në: Top Channel më 8 maj 2012, e kërkuar për herë të fundit më 9 maj 2012
- ^ Sarkozy-Hollande, bashkë pas “betejës” në: LajmiFundit më 8 maj 2012, e kërkuar për herë të fundit më 9 maj 2012
Lidhje të jashtme [redakto]
 Wikimedia Commons ka materiale multimediale në lidhje me: Nicolas Sarkozy |
- Faqja zyrtare në Facebook
- Shënimi në database-in e Parlamentit Evropian (anglisht dhe gjuhë të tjerë të BE-së)
