Oerd Bylykbashi

Oerd Bylykbashi
Oerd Bylykbashi
Deputet i Kuvendit të Shqipërisë
	Në detyrë; 2013–Vazhdon
Të dhëna vetjake
U lind më	23 maj 1974; Durrës
Nënshtetësia	Shqiptar
Partia politike	PD
Fëmijët	2 vajza
Arsimimi	Fakulteti Juridik, UT
Punësimi	Politikan, jurist

Oerd Bylykbashi është politikan shqiptar, deputet i Partisë Demokratike në Kuvendin e Shqipërisë.^[1]^[2]

Oerd Bylykbashi lindi në Durrës më 23 maj 1974 në një familje arsimtarësh. Oerd Bylykbashi u diplomua si jurist në Fakultetin e Drejtësisë të Universitetit të Tiranës në vitin 1996 dhe më vonë në vitin 2011-2012 kreu studimet për Master në shkencat juridike publike në të njëjtin Fakultet.

Nga viti 2007 deri në vitin 2009 Oerd Bylykbashi ishte Drejtor i Kontrollit të Brendshëm dhe Antikorrupsionit në Kryeministri.

Nga viti 2009 deri në vitin 2013 ishte përfaqësues i Partisë Demokratike në Komisionin Qendror të Zgjedhjeve të Shqipërisë.

Në vitin 2013 Oerd Bylykbashi u zgjodh deputet i Partisë Demokratike në Kuvendin e Shqipërisë.

Së bashku me Kryetarin e Partisë Demokratike të Shqipërisë, Lulzim Basha ai është arkitekti i ligjit për dekriminalizimin e politikës dhe administratës në Shqipëri. Ky ligj u kërkua me forcë nga Partia Demokratike në opozitë dhe Kryetari i saj Lulzim Basha, për të pastruar Parlamentin dhe administratën shtetërore nga njerëz me të kaluar kriminale ose me precedentë penalë.

Bylykbashi ishte gjithashtu përfaqësues i Partisë Demokratike në opozitë në bisedimet me përfaqësuesit e Partive në pushtet për realizimin e reformës në drejtësi.

Në një intervistë me televizionin shqiptar ABC News, në nëntor të vitit 2016, Oerd Bylykbashi thekson se ai do të dëshironte që politika shqiptare të ishte ndryshe nga ajo që është, një politikë ku të dominojë normaliteti dhe arësyeja.