Paçe koke

Nga Wikipedia, enciklopedia e lirë
Shko te: navigacion, kërko

Koka pastrohet, copëtohet, vihet në ujë të ftohtë që të lahet e ti ikë gjaku, pastaj vendoset në tenxhere, mbulohet me ujë të ftohtë dhe vihet ne zjarr. Kur të ketë marrë i hiqet shkuma dhe lihet të ziejë në zjarr të ngadaltë, duke i hedhur qepë karota, selino, kripë, piper, dafinë majdanoz. Lihen derisa të jenë zier mirë d.m.th. kur mishi të ndahet lehtë nga kocka. Kullohet, qërohet mishi nga kockat dhe pritet në copa të vogla kubike. Në një tenxhere hidhet yndyrë, pak salcë dhe lëngu i marrë nga zierja e kokës. Kur lëngu të ketë marrë valë, shtohet mishi i zier, pak spec i kuq dhe lihen të ziejnë në zjarr te avashëm edhe për disa minuta duke i hedhur kripë e piper të zi. Në fund paçes i hidhen hudhra të shtypura me uthull.

Për 4-5 persona duhen :

  • Lëng koke 1 litër,
  • gjalpë ose vaj 1 filxhan kafeje,
  • miell 1 luge kafeje,
  • spec djegës 1/2 luge kafeje,
  • kripë, piper, uthull 2-3 lugë,
  • hudhra 4-5 thelpinj, 1 qepë,
  • karota 2-3 copë, selino, majdanoz.