Pandeli Cale

Nga Wikipedia, enciklopedia e lirë
Shko te: navigacion, kërko
Pandeli Cale
Nënshkrues i Deklaratës së Pavarësisë së Shqipërisë

Pandeli Cale.jpg

Emri: Pandeli
Mbiemri: Cale
Lindi më: 1874
Vendlindja: Korçë
Vdiq më: 1923
Vdiq në: Selanik, Greqi

Pandeli Cale (1874 - 1923) ishte një nga nënshkruesit e Deklaratës së Pavarësisë së Shqipërisë.

Pandeli Cale lindi në Korçë më 1874. Kreu liceun klasik francez të Aleksandrisë në Egjipt. Në vitet 1900-1904 punon në koloninë e Bukureshtit. Më 1904 kthehet në Shqipëri. Bashkë me Themistokli Gërmenjin dhe Mid’hat Frashërin vuri bazat e Komitetit të Fshehtë Shqiptar në Selanik. Kryetar i shoqërisë “Banda e Lirisë” më 1908. Në shkurt 1909, sekretar i shoqërisë “Lidhja orthodhokse”. Në kryengritjen e përgjithshme të vitit 1910 – 1912 drejtoi çetat e zonës së Korçës. Merr pjesë në mbledhjen e 5 nëntorit 1912 dhe si vetëdashës shoqëron Ismail Qemalin për në Shqipëri. Më 28 nëntor 1912, si delegat i Korçës, firmos manifestin e pavarësisë me siglën “Pandeli Cale”. Emërohet Ministër i Bujqësisë, Iindustrisë dhe Tregëtisë.

Busti i Pandeli Cales.jpg

Vitet e Luftës së Parë Botërore i kalon në Zvicër, Ukrainë, Bullgari, Francë. Më 1919 kthehet në atdhe. Më 1920 hartues dhe firmëtar i Protokollit të Kapshticës. Më 1920 Prefekt i Korçës. Në shkurt 1921 deputet në të parin parlament shqiptar. Vdiq i sëmurë në një spital të Selanikut.