Petrit Koçiaj

Petrit Koçi Koçiaj
Emri	Petrit
Mbiemri	Koçiaj
Lindur më	1936
Lindur në	Sinanaj, Tepelenë
Kombësia	shqiptare
Shtetësia	shqiptare
Profesioni	gazetar AtSh

Petrit Koçi Koçiaj (me profesion gazetar) lindi në fshatin Sinanaj të rrethit të Tepelenës, më 1936. Ka kryer studimet e larta për Gjuhë të Huaja. Ka punuar mësues në rrethin e Vlorës, Tepelenës dhe Elbasanit. Në rrethin e Tepelenës ka kryer edhe detyrën e inspektorit në Seksionin e Arsimit të rrethit. Më tej, ka punuar gazetar në Agjencinë Telegrafike Shqiptare. Është i njohur si përkthyes i gjuhës ruse. Ka përkthyer dhe botuar "Vështroj tokën" (kushtuar Juri Gagarinit) dhe "Enriko Ferni" (misteri i zhdukjes së Tresherit). Ka botuar (me bashkautor) librin monografik "Mitralieri trim i Velçës". Është anëtar i redaksisë së gazetës "Labëria" dhe boton shkrime në disa organe të kohës.

Burimi

• "Kadri Mahmud Shametaj treçerek shekulli në këmbë" faqe 137, me autorë Dr. Zihni Haskaj - Bektash Zite.