Sfirca (Medvegjë)

**Sfircë**
Sfircë
Fshat

Sfirca (serbisht: Свирце/Svirce) është fshat në komunën e Medvegjës, Serbi.

Gjeografia[Redakto | Redakto nëpërmjet kodit]

Sfirca është një fshat kodrinoro-malor qe ndodhet ne Komunën e Medvegjes ne kufi me Kosovën, ne veri kufizohet me Banjen e Sijarines dhe Sijarinen, ne lindje kufizohet me fshatrat Rama Banje dhe Starabanje, ne perëndim kufizohet me Borocin dhe ne jug kufizohet me fshatin Sfircë ne Komunën e Dardanes. Ky fshat dhe Svirrca kane qene një, por u ndanë padrejtësisht ne Kongresin e Berlinit me 1878. Lartësia me e madhe mbidetare e këtij fshati është afër kufirit me Kosove-rreth 1075 m.Sfirca e Medvegjes ka nje siperfaqe rreth 22 km2.

Demografia[Redakto | Redakto nëpërmjet kodit]

Sipas regjistrimit serb të popullsisë së vitit 2002 Sfirca ka pasur 523 banor. Në vitin 1981 Sfirca kishte 1287 banor e që atëherë filloi të ulet numri i popullsisë përshkak të emigrimit të popullsisë në drejtim të Kosovës, si shkas situate e pasigurisë dhe shtypjes nga ana e pushtetit serb. Në këtë vendbanim në vitin 2002 ka pasur 344 banor të moshës madhore, ndërsa mosha mesatare e popullsisë ishte 32,8 vite. Në vendbanim kishte 109 ekonomi shtëpiake dhe mesatarja e anëtarëve të familjes ishte 4,6 anëtar. Ky vendbanim është krejtësisht i banuar nga popullsia shqiptare. Me dëbimin e shqiptareve nga Medvegja, tani ka mbetur një numër i vogël i shqiptareve edhe ne fshatin Sfircë. Ne rexhistrimin e vitit 2011 Sfirca doli se ka vetem 77 banor.