Tavë e Gjakovës me domate

Tavë e Gjakovës me domate është përgatitje ushqimore që bëhet kryesisht me mish, domate, qepë, speca dhe përbërës tjerë.

Përbërja

Për të përgatitur gjellë për 4 persona nevojiten :

• 1 kg mish qengji ose viçi (mundësisht me yndyrë)
• 2,5 kg domate
• 3-4 qepë
• 5-6 speca
• 1 karotë
• 100 g gjalpë
• 1 filxhan oriz
• Bamje, kërpudha (sipas dëshirës) bën edhe pa këto
• Majdanoz
• Mëlmesat : kripë, vegetë, biber i zi dhe biber i kuq

Përgatitja

Në tavë dheu grihen në copa të mëdha, të gjitha perimet të radhitura sikur në listë. I hudhen melmesat dhe përzihen mirë. I futet mishi në brendësi, i hudhet gjalpa dhe kështu e përgatitur futet në furrë të nxehtë 250 °C. Zihet 2 orë e gjysmë. Mund të përzihet ndërkohë dhe poashtu ti ulet temperatura.