Tregtar flamujsh
Tregtar flamujsh është një përmbledhje me gjashtëmbëdhjetë tregime,[1] prej shkrimtarit Ernest Koliqi botuar për herë të parë më 1935 në Tiranë, në shtypshkronjën "Nikaj".
Përmbajtja[Redakto | Redakto nëpërmjet kodit]
Kjo përmbledhje tregimesh ecën në vazhdën e vëllimit që i paraprin, "Hija e Maleve". Pas kthimit prej mërgimit dhe përvojës si arsimtar në Vlorë dhe në Shkodër Koliqi përfiton një këndvështrim më të pjekur ndaj elementeve përbërëse të mjedisit qytetar e krahinor. Elementet e tekstit vijojnë të kenë elemente autobiografike, ku vërehet identifikimi i Koliqit me Hilush Vilzën, duke i dhënë tekstit më pas një shtrirje të shkallëzuar kundrejt temave kryesisht urbane. Koliqi shtjellon, sa në një mënyrë, aq në një tjetër, dallimet mes shtresave shoqërore; shtresëzimet i shquan përmes rrëfimit, përshkrimit, dialogut dhe formave të tjera ligjërimore duke i ndenjur besnik të folurës urbane të Shkodrës së asaj kohe.[1]
Këtu tregohen idete idealiate dhe materialiste të dy personave: Hilushin e udhëheqin idealet kurse Gasperi udhëhiqet nga vlerat materiale, pra paraja.[nevojitet citimi]
Personazhet kryesore janë:Hilushi dhe Gasperi
Ribotime[Redakto | Redakto nëpërmjet kodit]
Vëllimi u ribotua në Prishtinë (1988), Shkodër (2000), Prishtinë (2003), Tiranë (2004)[2], dhe Rezna (2007)[3] dhe sërish në Tiranë (2009)[2], me pasthënie nga Karl Gurakuqi tek botimi i mbramë.
Burime[Redakto | Redakto nëpërmjet kodit]
- ^ a b Hysenaj H., Teksti dhe konteksti në gjuhën e veprës së Koliqit, 27 gusht 2008.
- ^ a b Worldcat.org
- ^ Google books.
Vepra nga Ernest Koliqi | ||
|---|---|---|
| Veprat | Kushtrimi i Skanderbeut (1924) • Hija e maleve (1929) • Gjurmat e stinëve (1933) • Tregtar flamujsh (1935) • Pasqyrat e Narçizit (1936) • Symfonia e shqypeve (1936) • Kangjelet e Rilindjes (1959) • Shija e bukës mbrûme (1960) • Albania (Ernest Koliqi) (1965) • Epika popullore shqiptare (1937) |  |