Vula e Lidhjes s'Prizrenit

Nga Wikipedia, enciklopedia e lirë
Shko te: navigacion, kërko
Vula

Vula e Lidhjes s'Prizrenit zbulohet në arkivat britanike një dokument i rëndësishëm për historinë e Shqipërisë, i cili tregon vulën e parë të përdorur nga Lidhja e Prizrenit. Dokumenti me referencë FO-195/1382, që mban daten 2 Maj 1881, është gjetur nga studjuesi Bejtullah Destani në arkiven qendrore të Londrës. I shkruajtur në osmanisht nga Lidhja e Prizrenit dokumenti i adresohet, ambasadorit britanik ne Stamboll, i cili më pas ja ka kaluar këtë letër ministrit të Jashtëm. Nëpërmjet kësaj letre Lidhja e Prizrenit i kërkon ambasadorit britanik në Stamboll të mbështeste duke ndërhyrë, në qeverinë Otomane për njohjen e katër vilajeteve me emrin Arnautlik. “I nderuar zoti minister. E dërgoj këtë letër në vemendjen tuaj pasi më duket shumë interesante”, thotë ambasadori George Goschen, në letrën e tij shoqëruese dërguar ministrit të Jashtëm, Earl Granville. Studjuesi Bejtullah Destani e ka komentuar gjetjen e këtij dokumenti si me një rëndësi të madhe historike pasi për herë të parë nëpërmjet tij, shihet vula e parë e përdorur nga Lidhja e Prizrenit. Sipas tij, kjo vulë nuk është përmendur apo botuar më parë. I pyetur si mundi ta zbulojë këtë dokument Destani tha: “Gjetja ndodhi tejet rastësisht në momentin kur po shikoja një dosje që kishte të bënte me Vaso Pashen” .