Yu-Gi-Oh!

Nga Wikipedia, enciklopedia e lirë
Shko te: navigacion, kërko
Yu-Gi-Oh!
Yu-Gi-Oh! card

Yu-Gi-Oh! ose Duel Monsters (sqt. ndeshja e përbindëshave) siç quhet në Japoni, është një manga dhe anime japoneze e krijuar, shkruar dhe animuar nga Kazuki Takahashi. Është historia e një djali i cili me fuqinë e një objekti të lashtë e mistik të quajtur enigma e mijëvjeçarit fiton aftësinë për të qenë më i forti në një lojë të quajtur Duel Monsters. Në atë lojë disa përbindësha që kanë ekzistuar në Egjiptin i lashtë çlirohen nga disa karta magjike dhe ndeshen. Personazhi kryesor është Jugi Moto dhe shokët e tij, Tea, Tristan dhe Xhoi. Seritë Yu-Gi-Oh! janë të ndara në disa pjesë:

  • Mbretëria e duelit ku ata ndeshen me Maksimilion Pegasusin, krijuesin e asaj loje.
  • Qyteti i betejave ku Seto Kaiba, njeriu më i pasur i Japonisë organizon një kampionat në atë lojë.
  • Bota virtuale ku ata ndeshen në një botë tjetër të kompjuterizuar
  • Tmerri i Orekalkosit ku ata përballen me disa njerëz të këqinj që duan t’i marrin kartat e shenjta Jugit.
  • Kampionati i madh një kampionat...
  • Bota e mijevjeçarit me anë të një magjie Jugi dhe shokët kthehen në të shkuarën e lashtë në Egjipt ku filloi e gjithë historia dhe marrin vesh se ata kanë ekzistuar të gjithë bashkë edhe në të shkuarën.

Gjithashtu ekzistojnë edhe disa seri të tjera të quajtura Lojrat e hijeve që nuk janë shfaqur në televizion për shkak të dhunës që paraqesin.

Yu-Gi-Oh! Duel monsters GX[redakto | redakto tekstin burimor]

Kjo seri dhe manga është gjithashtu e krijuar nga Kazuki Takahashi. Këtu përshkruhen aventurat e një djali, Juki Xhuudai ose Xheiden Juki në versionin amerikan. Ai është një djalë me shumë talent dhe energjik. Pasi Jugi personalisht i jep një kartë, ai shkon tek e ashtuquajtura akademia e duelistit, ku jetojnë dhe mësojnë lojtarët më të talentuar të lojës Duel Monster. Disa nga personazhet janë: Asuka Tenxhoin, Misava, Manjoume Sander, Kaiser Roy, Sho Marifuxhi (në versionin amerikan: Aleksis Rods, Bastion Misaua, Çez Prinston, Zejn Trusdejl, Sajrus Trusdejl). Seritë janë të larmishme dhe nuk mungojnë aventurat e të qeshurat.

Yugioh-gx.jpg

Yu-Gi-Oh! Loja me karta[redakto | redakto tekstin burimor]

Loja Yu-Gi-Oh! që tregohet në anime dhe manga me të njëjtin emër është bërë realitet nga kompania japoneze Konami. Ata kanë prodhuar dhe vazhdojnë të prodhojnë karta të ndryshme Jugio të cilat shiten në mbarë botën. Gjithashtu ekziston edhe një prodhim i madh i lojrave për kompjutera “Game Boy Advanced”, PlayStation 1 dhe 2, PSP, Nintendo DS dhe PC (kompjuteri personal)