Fatmir Limani

Fatmir Limani
Ministër për Politika sociale, demografi dhe rini në Maqedoninë Veriore
Titullar
Në detyrë 23 qershor 2024
Presidenti	Gordana Siljanoska-Davkova
Kryeministri	Hristijan Mickoski
Paraprirë nga	Gjoko Velkoski
Të dhëna vetjake
U lind më	(1973-01-14) 14 janar 1973 Kërçovë, Maqedoni e Veriut, ish-Jugosllavi
Partia politike	Lëvizja Besa

Fatmir Limani (lindur më 14 janar 1973) është politikan shqiptar nga Maqedonia e Veriut, i cili aktualisht ushtron funksionin e Ministrit për Politikë Sociale, Demografi dhe Rini nga radhët e partisë Lëvizja Besa dhe koalicionit VLEN.

Biografia

Fatmir Limani është politikan i njohur dhe profesor i historisë. Ai ka lindur më 14 janar 1973 dhe është me kombësi shqiptare.

Limani ka përfunduar arsimin e lartë në Fakultetin Filozofik pranë Universitetit Shtetëror të Tetovës, ku në vitin 2004 ka marrë titullin profesor i diplomuar i historisë.

Karrierën e tij profesionale e ka filluar në sektorin privat, ku nga viti 2005 deri në vitin 2007 ka punuar si drejtor i një kompanie private në fushën e tregtisë me derivatet e naftës. Në periudhën nga viti 2007 deri në vitin 2010 ka qenë kryetar i organizatës qytetare “NDRYSHE”, ku ka punuar në mënyrë aktive për përmirësimin e të drejtave qytetare dhe drejtësisë sociale.

Nga viti 2007 deri në vitin 2011, Limani ka qenë anëtar i Këshillit Mbikëqyrës të Shoqërisë Aksionare “MEPSO”. Më pas, nga viti 2011 deri në vitin 2021, ka punuar si zëvendësdrejtor i përgjithshëm dhe anëtar i Bordit Drejtues të SHA ESM, ku ka dhënë një kontribut të rëndësishëm për zhvillimin e sektorit energjetik.

Në vitin 2021, Limani u kandidua si kandidat i pavarur për kryetar të Komunës së Kërçovës, ndërsa nga viti 2022 është nënkryetar i lëvizjes politike BESA.

Në vitin 2024, Limani u zgjodh deputet në Kuvendin e Republikës së Maqedonisë së Veriut duke e dorëzuar më pas këtë mandat, pas marrjes së postit të ministrit për Politikë Sociale, Demografi dhe Rini.

Përveç gjuhës shqipe, Fatmir Limani flet rrjedhshëm edhe anglisht dhe gjermanisht.