Shko te përmbajtja

Adonis Filipi

Shto lidhje
Nga Wikipedia, enciklopedia e lirë

Adonis Filipi (Berat, 15 janar 1957), regjisor. Ka vënë në skenë rreth 70 vepra brenda dhe jashtë Shqipërisë. Adonisi ka marrë pjesë në festivale të ndryshme teatrore ndërkombëtare, si: Turqi, Maqedoni e Veriut, Itali, Bullgari, Rusi, Rumani, Belgjikë[1]. Që nga viti 1998 është ideator dhe drejtor artistik i Festivalit Ndërkombëtar Teatror "Skampa"[2]; bashkideator dhe organizator i Festivalit të Aktrimit "Apollon", Fier; drejtor i Asociacionit Europian të Teatrit Bashkëkohor Shqiptar - ATK; me kontribute si pedagog pranë Akademisë së Arteve, Fakulteti i Artit Skenik, dega regji dhe Universitetit "A. Xhuvani", Fakulteti i Shkencave Humane, Elbasan. Aktualisht jeton në Amerikë.

Kreu studimet e larta në Fakultetin e Artit Skenik për regji teatri (1978-1982) pranë Akademisë së Arteve, Tiranë. Ka realizuar kualifikime pasuniversitare (Tiranë, 1984-1985; Austri 1997).

Karriera profesionale

[Redakto | Redakto nëpërmjet kodit]

Filloi punën si regjisor në Teatrin e Beratit dhe më pas kaloi në teatrin "Skampa" të Elbasanit[3]. Ka vënë shumë shfaqje në skenë si brenda dhe jashtë Shqipërisë dhe është vlerësuar me disa çmime. Repertori i tij përfshin autorë si: Sofokliu, Shekspiri, E. Jonesko, D. Macmilan, Dario Fo, T. Williams, W. Allen, D. Mamet, D. Motoc, E. Pavlovski; komedianët shqiptarë si: Çajupi, R. Pulaha, T. Laco, R. Shabani, J. Neziraj, etj.

  • Pas vdekjes (A. Z. Çajupi) - komedi, 1986.
  • Kopraci (Molier) - komedi, 1986.
  • Më fal baba (A. Hila) - 1988.
  • Bojaxhinjtë nuk kanë kujtesë - 1991, 2001, 2006.
  • Vdekja (Woodie Allen) - dramë, 1996, 1998.
  • Shitet një i vdekur (Dario Fo) - komedi, 1997.
  • Fejesa dhe jubileu (Anton Çehov) - 1997.
  • Mësuesi (Jonesko) - komedi, 1997 dhe 1999.
  • Amerikan Buffalo (David Mamet) - 2000.
  • E ardhmja qëndron te vezët - (Jonesko) komedi, 2002.
  • Sfida (Doru Motoc) - dramë poetike, 2003.
  • Fani vjen vetëm (Resul Shabani) - Shkup, 2005.
  • Trokitje në borë (Skënder Rusi) - Korçë, 2006.
  • Duke pritur të hënën (K. Maria Alsina) - 2007.
  • Pushteti (E. Pavlovski) - 2007.
  • Arto kujton Hitlerin dhe kafe Romaniko (T. Pouckert) - 2008.
  • Rrëfimet e narkomanëve 2 (R. Nurbojas) - Pejë, 2008.
  • Departamenti AP (J. Neziraj) – 2014.
  • Lule dielli[4] – dramë, 2018.
  • Elektra (Sofokliu) – tragjedi, 2010, 2018[5].
  • Henri IV/2 (Shekspir) – dramë.
  • Lideri (Jonesko) – dramë, 2015.
  • Volpone (B. Jonhnson) – 2018, 2019.
  • Bluz për alto saks (Doru Motoc) – monodramë, 2018, 2019, 2021.
  • Një zonjë nga Argjentina (Thomas Brand) – komedi, 2021.
  • Medea (Euripidi) – tragjedi, 2021.
  • "Shfaqja më e mirë" në Festivalin e Joneskos, Slatine, Rumani në vitin 2003 me shfaqjen “Mësuesi” (Maestrul).
  • "Regjia më e mirë" në Festivalin Ndërkombëtar të Komedisë "Ballkan 2000", mbajtur në Korçë në vitin 2004 me shfaqjen "E ardhmja qëndron te vezët".
  • "Çmimi i Parë i Interpretimit" në Festivalin Ndërkombëtar të Teatrit "Kloun Slavik" në Moskë në vitin 2005 me shfaqjen "Sfida - Të fluturosh, çfarë kënaqësie!".
  • “Shfaqja më e mirë” (Teatri Skampa Elbasan), “Regjia më e Mirë” (Adonis Filipi), “Aktori më i Mirë” (Helidon Fino), “Aktorja më e Mirë jo Protagoniste” (Ilirda Bejleri) në edicionin e parë të festivalit “Takimi i teatrit Kadri Roshi” në Gjirokastër në vitin 2018 me shfaqjen “Volpone”[6].
  • “Shfaqja më e mirë teatrore muzikore” në “Nisville jazz Festival” Serbi, në vitin 2021 me shfaqjen “Bluz për alto saks”.

Lidhje të jashtme

[Redakto | Redakto nëpërmjet kodit]
  1. ↑ Papagjoni, Josif (2009). Enciklopedi, teatri & kinematografia shqiptare. Tiranë: Toena. fq. 132–133. ISBN 978-99943-1-456-0.
  2. ↑ "The Artist | Adonis" (në anglishte amerikane). Marrë më 2025-09-22.
  3. ↑ Papagjoni, Josif (2003). Regjisoret. Tiranë: Akademia e Shkencave, Qendra e Studimit të Arteve. fq. 126–127.
  4. ↑ Kult, Stafi Info (2018-01-16). "Adonis Filipi, tur shfaqjesh me dramën "Lule dielli"". InfoKult. Marrë më 2025-09-22.
  5. ↑ "Regjisori shqiptar Adonis Filipi ngjit 'Elektrën', në 'Shandog Drama' të Kinës - Shqiptarja.com". shqiptarja.com. Marrë më 2025-09-22.
  6. ↑ ""Volpone", me 4 çmime në festivalin e Gjirokastrës". 55news.al (në anglishte britanike). Marrë më 2025-09-22.
Marrë nga "https://sq.wikipedia.org/w/index.php?title=Adonis_Filipi&oldid=2859555"