Alessandro Volta

Nga Wikipedia, enciklopedia e lirë
Alessandro Volta.

Alessandro Giuseppe Antonio Anastasio Volta (18 shkurt 1745 – 5 mars 1827) ishte një fizikant italian[1][2] i njohur për shpikjen e baterisë së parë elektrike, ose quajtur ndryshe Piles Voltaike në vitin 1799, rezultatet e së cilës ai ia paraqiti Presidentit të Shoqatës Mbretërore (Royal Society)[3][4] në vitin 1800 në një letër të përbërë nga dy pjesë. Me këtë shpikje Volta dëshmoi se energjia elektrike mund të gjenerohet edhe kimikisht duke hedhur poshtë teorinë e mëparshme se energjia elektrike gjenerohej vetëm nga qeniet e gjalla. Shpikja e Voltës ndezi një entuziazëm të madh shkencorë dhe frymëzoi të tjerë për të kryer eksperimente të ngjashme, te cilat përfundimisht çuan në zhvillimin e fushës së elektrokimisë (degë e kimisë që merret me marrëdhëniet midis dukurive elektrike dhe atyre kimike). Aleksandër Volta gjithashtu tërhoqi vëmëndjen e Napoleon Bonapartit për shpikjen e tij dhe u ftua në Institutin e Francës për demonstrim. Në fakt Volta gëzoi shumë afrimitet me perandorin gjatë gjithë jetës së tij dhe mori dekorata të shumta prej tij.[5] Aleksandër Volta drejtoi departamentin e fizikës eksperimentale në Universitetin e Pavias për gati 40 vjet dhe u konsiderua për një kohë të gjatë si idhull nga studentët e ketij universiteti. Pavarësisht suksesit të tij profesional Volta kishte tendencen të ishte një person i prirur drejt jetës familiare dhe kjo u bë më e dukshme në vitet e mëvonëshme të jetës së tij. Gjatë këtyre viteve ai u përpoq të jetojë i izoluar nga jeta publike dhe u afrua më shumë pranë familjes së tij deri në vitin 1827 kur ai humbi jetën si rrjedhojë e një sërë sëmundjesh që e kishin zanafillën në vitin 1823. Sistemit Ndërkombëtarë të Njësisë (SI unit) të potencialit elektrik i është dhënë emri “Volt” në nder të tij.

Shiko edhe[Redakto | Redakto nëpërmjet kodit]

Referime[Redakto | Redakto nëpërmjet kodit]

  1. ^ Giuliano Pancaldi, "Volta: Shkenca dhe kultura në epoken e iluminizmit", Artikull I Universitetit të Princeton, 2003
  2. ^ Alberto Gigli Berzolari, "Mësimdhënia e Volta-s në Komo dhe Pavia" – Botim i Nuova Volta
  3. ^ "Historiku: Shpikja e Baterisë Elektrike e Volta-së, 1799" .http: //www.ieeeghn.org. IEEE Rrjeti Historia Globale
  4. ^ "Sipërmarrje dhe elektrolizë". http://www.rsc.org. Shoqata Mbretërore e Kimisë
  5. ^ John Munro (1902). Pionierët e Energjisë Elektrike; ose, Jetët e shkurtra të elektricistëve të mëdhenjë. Londër: Shoqëria e Traktit Fetarë F.q. 89 – 102