Alexander (film)
| Alexander | |
|---|---|
 Posteri i publikimit | |
| Regjia | Ardit Sadiku |
| Shkruar nga | Ardit Sadiku |
| Producentë | Ardit Sadiku |
| Në role kryesore |
|
| Kinematografia | Ardit Sadiku |
| Montazhi | Luke Yalva |
| Gjuhët |
|
Alexander është një film dokumentar shqiptar i vitit 2023, me regji dhe skenar nga Ardit Sadiku. Filmi trajton historinë e Aleksandër Grudës dhe familjes së tij, derisa përpiqen të ikin nga Shqipëria për në Jugosllavi, pasi kanë rrëmbyer një anije.
Përmbledhje
[Redakto | Redakto nëpërmjet kodit]Gjatë rënies së komunizmit në Shqipëri në vitin 1990, mekaniku i anijeve Aleksandër Gruda ndërmori një nga bëmat më të guximshme të historisë së njerëzimit të kohëve të fundit. Menjëherë pasi u pushua nga puna nga Marina Shqiptare, ai dhe miqtë e tij hartuan një plan pirat për të vjedhur një anije luftarake me qëllim që të largoheshin nga vendi. Kundër të gjitha gjasave, ata arritën në Jugosllavi, duke duruar zjarr mortajash, helikopterësh dhe mitralozë. Refugjatët më vonë emigruan në Perëndim, por udhëtimi u kushtoi shtrenjtë pasi vajza e Aleksandrit humbi jetën. Në Amerikë, Aleksandri filloi nga e para si portier në Trump Tower në Nju Jork. Tani, i tërhequr nga e kaluara, ai kthehet në Shqipëri për të marrë pjesë në një shërbim përkujtimor për vajzën që humbi.
Prodhimi
[Redakto | Redakto nëpërmjet kodit]I prodhuar nga Ardit Sadiku Film dhe Bayou Road Films, Ardit Sadiku bëri regjinë, skenarin dhe ishte operatori i filmit. Luke Yalva e redaktoi filmin dhe Mardit Lleshi kompozoi muzikën.[1] Xhirimet u kryen në New York City, Shqipëri, Mal të Zi dhe Australi.[2] Mbështetja financiare u sigurua nga Qendra Kombëtare e Kinematografisë.[3]
Publikimi
[Redakto | Redakto nëpërmjet kodit]Filmi "Alexander" u shfaq premierë në Dokufest më 6 gusht 2023, dhe në Tiranë e Shkodër më 5 tetor.[4][5] Qendra Kombëtare e Kinematografisë e zgjodhi "Alexander" si kandidatin e Shqipërisë për Çmimin e Akademisë për Filmin më të Mirë Ndërkombëtar në edicionin e 96-të të Çmimeve të Akademisë, por nuk ishte një nga finalistët.[6] Ishte dokumentari i parë i dorëzuar si kandidat i Shqipërisë për çmimet Oscar.
Pritja
[Redakto | Redakto nëpërmjet kodit]Në faqen e internetit të grumbulluesit të recensioneve Rotten Tomatoes, filmi ka një vlerësim miratimi prej 100% bazuar në 6 recensione, me një vlerësim mesatar prej 7/10.
Eddie Harrison, duke dhënë një recension për Film Authority, theksoi se filmi është një histori e jashtëzakonshme që kërkon të tregohet me kujdes dhe pa sensacionalizuar përmbajtjen; nuk ka animacione, kontribues të famshëm, skica artistike; është një film prekës dhe kthjellues që shqyrton ekuilibrin delikat midis suksesit dhe dështimit, dhe kostos personale që mund të shoqërojë lirinë.[7]
Bobby LePire, duke shkruar për Film Threat, vlerësoi 20 minutat e fundit për mënyrën se si "preku në mënyrë efektive zemrat e çdo anëtari të audiencës".[8]
Shiko edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ↑ Cineuropa.
- ↑ KOHA 2023.
- ↑ QKK 2023.
- ↑ SOT 2023.
- ↑ Gazeta Si 2023.
- ↑ Kiang 2023.
- ↑ Harrison, Eddie (14 dhjetor 2023). "Review: Alexander". Film Authority (në anglisht). Marrë më 14 dhjetor 2023.
- ↑ LePire 2023.
Veprat e cituara
[Redakto | Redakto nëpërmjet kodit]
Lajme
- "Albania at the "Oscars" with "Alexandre"". Gazeta Koha. 10 shkurt 2023. Arkivuar nga origjinali më 11 prill 2025.
- "Filmi 'Alexander' nga Ardit Sadiku, kandidatura e Shqipërisë për edicionin e 96-të të çmimeve 'Oscar'". Gazeta Si. 26 shtator 2023. Arkivuar nga origjinali më 11 prill 2025.
- "Filmi "Alexander" nga regjisori Ardit Sadiku, kandidatura e Shqipërisë për edicionin e 96- të të çmimeve "Oscar"". Gazeta Sot. 26 shtator 2023. Arkivuar nga origjinali më 11 prill 2025.
- Kiang, Jessica (7 nëntor 2023). "United Nations of Cinema: 88 Countries Submit Entries for International Feature Oscar". Variety (në anglisht). Arkivuar nga origjinali më 11 prill 2025.
- LePire, Bobby (14 gusht 2023). "Alexander". Film Threat (në anglisht). Arkivuar nga origjinali më 11 prill 2025.
Ueb
- "Alexander" (në anglisht). Cineuropa. Arkivuar nga origjinali më 11 prill 2025.
- "Premiera e filmit dokumentar «Alexander», konkurenti zyrtar i Shqipërisë për OSCAR 2024". Qendra Kinematografike e Kosovës. 3 tetor 2023. Arkivuar nga origjinali më 11 prill 2025.
{{cite web}}: Mirëmbajtja CS1: Datë e përkthyer automatikisht (lidhja)