Ali Jakupi

Nga Wikipedia, enciklopedia e lirë

Ali Jakupi (26 qershor 1943, Shalc - 9 dhjetor 2013, Prishtinë)[1] ekonomist, veprimtar dhe profesor universitar nga Vushtrria.

Biografia[Redakto | Redakto nëpërmjet kodit]

Ali Jakupi u lind më 26.06.1943, në Shalë të Vushtrrisë. Shkollën fillore e përfundoi në Vushtrri, ku e kaloi një pjesë të fëmijërisë dhe rinisë. Shkollën e Mesme Normale, e kreu në Mitrovicë ndërsa Fakultetin Ekonomik në Prishtinë. Studimet pasuniversitare dhe magjistraturën (nga lëmia e Marketingut) i kreu në Zagreb, në vitin 1973,[2] në temën "Roli i propagandës ekonomike si funksion marketingu dhe vështrimi kritik në përdorimin në Kosovë," ndërsa doktoroi në Fakultetin Ekonomik të Universitetin e Prishtinës, në temën "Finalizimi - dimensionimi i strategjisë së zhvillimit të ekonomisë së Kosovës."

Dr. Ali Jakupi ishte drejtor i përgjithshëm në Ndërmarrjen “Kosova” dhe “Polet”, të Vushtrrisë, njëherit ishte edhe drejtor i Tregtisë, zëvendësdrejtor i përgjithshëm dhe drejtor i përgjithshëm në Ndërmarrjen “Rilindja”, Ministër i Tregtisë dhe Industrisë në Qeverinë e Parë të Kosovës, profesor në Universitetin e Tetovës, profesor në Universitetin AAB, si dhe në Fakultetin Ekonomik të Universitetit të Prishtinës, për lëndët e Marketingut.

Vepra[Redakto | Redakto nëpërmjet kodit]

Ali Jakupi me shkrime ka filluar të merret që nga fëmijëria, kur si nxënës filloi të botonte poezit e tij të para, në revista të ndryshme në gjuhën shqipe. Më vonë filloi të shkruante edhe në prozë si dhe të merret edhe me publicistikë. Është autor i mbi 50 punimeve shkencore e profesionale, të botuara madje edhe jashtë vendit. Nga krijimtaria e gjithmbarshme e tij duhet veçuar:

  • Ekonomia dhe organizimi i ndërmarrjes (tekst mësimor për kl.I-IV të shkollës së mesme ekonomike),
  • Bazat e ekonomikës së tregtisë,[3]
  • Bazat e marketingut,
  • Edukata qytetare (koautor),
  • Zgjimi i fjalës (poezi),
  • Hapësirë rrethore (poezi),
  • Nyjëzim (poezi),
  • Vrapime në rrathë (roman),
  • Dy shtete shqiptare dhe bashkimi kombëtar - (publicistikë 1995),
  • Two Albanian states and national unification (1997),
  • Për ata Kosova është ëndërr (udhëpërshkrime), etj.[4]

Shih edhe[Redakto | Redakto nëpërmjet kodit]

Referime[Redakto | Redakto nëpërmjet kodit]

  1. ^ Ndahet nga jeta ish ministri dhe deputeti Ali Jakupi Arkivuar 12 dhjetor 2013 tek Wayback Machine Vizituar më 26.07.2016.
  2. ^ Ndërroi jetë profesori Ali Jakupi Vizituar më 26.07.2016.
  3. ^ Ali Jakupi:Bazat e ekonomisë së tregtisë.ETMMKSA i Kosovës, Prishtinë, 1989, Vizituar më 26.07.2016.
  4. ^ Grup autorësh:Vushtrria-Viciana me rrethinë, Kuvendi Komunal, Vushtrri, 2003, fq. 503 dhe 513.