Ali Shefqet Shkupi

Nga Wikipedia, enciklopedia e lirë
Jump to navigation Jump to search
Ali Shefqet Shkupi
01 Ali Shefqet Shkupi.jpg

Resting place Tirana, Albania
Pala Perandoria Osmane (1905 - 1912)
Principata e Shqipërisë (Pril 1913 - Dhjetor 1924)
Grada Nënkolonel
Çmimet "Aktiviteti patriotik i klasës së parë" (Shqipëri)

Ali Shefqet Shkupi (Shkup, 1883 - Shkodër, 3 dhjetor 1953) ka qenë ushtarak shqiptar i ushtrisë osmane dhe pas Pavarësisë së Shqipërisë i asaj shqiptare. Është i pari Kryetar i Shtabit Madhor të Ushtrisë Kombëtare Shqiptare (1913).

Biografia[redakto | përpunoni burim]

major Ali Shefqeti, edhe pas dorëheqjes së Qeverisë së Ismail bej Vlorës më 22 janar 1914, ka mbajtur e ushtruar poste të larta drejtuese në ushtrinë tonë Kombëtare. Me fillimin e Luftës së Parë Botërore, Ali Shefqeti u arrestua nga forcat malazeze në qytetin e Shkodrës dhe u burgos deri në vitin 1916 kur trupat austro-hungareze hynë në Malin e Zi. Përkrahës aktiv i Kongresit të Lushnjes, Qeveria e dalë prej tij (janar 1920) do ta caktonte nënkolonel Ali Shefqetin së pari komandant të Komandës së Përgjithshme, e më pas, me krijimin e Ministrisë së Luftës përsëri në detyrën e Shefit të Shtabit Madhor. Patriot e demokrat, i lidhur ngushtë me Hasan Prishtinën, Aliu do të ishte nga më aktivët në Lëvizjen e qershorit 1924 dhe do të ngarkohej përsëri me detyra të larta në krye të Ushtrisë Kombëtare.

Pas dy internimesh dhe largimit nga ushtria regjimi monarkist e dënoi Ali Shefqetin me vdekje si iniciatori dhe kryetari i Organizatës së fshehtë për rrëzimin e Zogut me kryengritje të armatosur më 1935. Pas protestave të fuqishme nga brenda dhe jashtë, regjimi nuk guxoi ta ekzekutonte dhe doli nga burgu me 1938.

Ali Shefqeti dënoi dhe kundërshtoi pushtimin fashist të atdheut. Nazistët gjerman i dogjën shtëpinë në Tiranë. Më pas familjarisht u vendos me banim në Shkodër. Vdiq më 3 dhjetor 1953 dhe u varros aty. Në vitet tetëdhjetë u rivarros në Tiranë.

Nderime[redakto | përpunoni burim]

Në vitin 1992, Ali Shefqet Shkupi u dekorua me urdhërin "Për veprimtari patriotike të klasit të Parë".

Referencat[redakto | përpunoni burim]