Andrej Plenkoviq
Andrej Plenkoviq | |
|---|---|
 | |
| Kryeministër i Kroacisë | |
Titullar | |
| Në detyrë 19 tetor 2016 | |
| Paraprirë nga | Tihomir Orešković |
| Kryetar i Bashkimi Demokratik Kroat | |
Titullar | |
| Në detyrë 17 korrik 2016 | |
| Paraprirë nga | Tomislav Karamarko |
| Deputet në Parlamenti Evropian | |
| Në detyrë 1 korrik 2013 – 13 tetor 2016 | |
| Deputet në Saborin e Kroacisë | |
| Në detyrë 22 dhjetor 2011 – 1 korrik 2014 | |
| Të dhëna vetjake | |
| U lind më | 8 prill 1970 (56 vjeç) Zagrebi, RSF e Jugosllavisë |
| Partia politike | Bashkimi Demokratik Kroat |
| Fëmijët | 3 |
| Shkollimi | Universiteti i Zagrebit |
| Profesioni | politikan, diplomat, jurist |
| Faqja në rrjet | vlada |
Andrej Plenkoviq (kroatisht: Andrej Plenković; lindur më 8 prill 1970 në Zagrebi) është politikan, diplomat dhe jurist kroat. Ai është kryeministër i Kroacisë që nga 19 tetori 2016 dhe kryetar i Bashkimit Demokratik Kroat (HDZ) që nga viti 2016.[1] Më parë ishte deputet në Parlamenti Evropian dhe zyrtar i lartë i diplomacisë kroate.[2][3]
Jeta dhe formimi
[Redakto | Redakto nëpërmjet kodit]Plenkoviq lindi më 8 prill 1970 në Zagrebi. Ai përfundoi studimet universitare dhe pasuniversitare në Fakultetin Juridik të Universitetit të Zagrebit, ku u diplomua në juridik në vitin 1993 dhe mori gradën master në të drejtën ndërkombëtare në vitin 2002. Po atë vit dha edhe provimin e avokatisë.[1][4] Është i martuar dhe ka tre fëmijë.[1]
Karriera diplomatike
[Redakto | Redakto nëpërmjet kodit]Në vitin 1994 ai iu bashkua Ministrisë së Punëve të Jashtme të Kroacisë. Në vitin 1995 drejtoi zyrën e zëvendësministrit të jashtëm, ndërsa në vitet 1996–1997 punoi në Departamentin e Analizës.[1]
Nga viti 1997 deri në vitin 2001 ishte shef i Departamentit për Integrimin Evropian. Në vitet 2001–2002 ishte anëtar i ekipit negociator për Marrëveshjen e Stabilizim-Asociimit, nga 2002 deri më 2005 zëvendësshef i Misionit të Kroacisë pranë Bashkimit Evropian, ndërsa nga 2005 deri më 2010 zëvendësambasador i Kroacisë në Francë.[1]
Në vitet 2010–2011 ishte sekretar shteti për çështjet evropiane dhe mori pjesë edhe në fushatën për referendumin mbi anëtarësimin e Kroacisë në Bashkimin Evropian.[1]
Karriera parlamentare dhe evropiane
[Redakto | Redakto nëpërmjet kodit]Plenkoviq u zgjodh deputet në Saborin kroat në vitin 2011.[5] Nga 1 prilli 2012 deri më 30 qershor 2013 ishte vëzhgues në Parlamenti Evropian, ndërsa nga 1 korriku 2013 deri më 13 tetor 2016 ishte deputet në atë institucion.[2][3]
Gjatë veprimtarisë së tij në Parlamentin Evropian ai ishte anëtar i Grupit të Partisë Popullore Evropiane, kryetar i Delegacionit për Komitetin Parlamentar të Asociimit BE–Ukrainë dhe anëtar i delegacionit për marrëdhëniet me Shqipërinë, Bosnjë e Hercegovinën, Serbinë, Malin e Zi dhe Kosovën.[2][3]
Kryetar i HDZ-së dhe kryeministër
[Redakto | Redakto nëpërmjet kodit]Në korrik 2016 Plenkoviq u zgjodh kryetar i HDZ-së.[1] Pas zgjedhjeve parlamentare të shtatorit 2016 ai formoi qeverinë e re dhe bëri betimin si kryeministër më 19 tetor 2016.[1]
Më 23 korrik 2020 ai u betua për herë të dytë si kryeministër, ndërsa më 17 maj 2024 Parlamenti kroat i dha besimin qeverisë së tij të tretë.[6]
Gjatë qeverive të tij, Kroacia mbajti Presidencën e Këshillit të Bashkimit Evropian në gjysmën e parë të vitit 2020 dhe e paraqiti zgjerimin e BE-së drejt Ballkanit Perëndimor si një nga përparësitë kryesore të saj.[7][8]
Më 1 janar 2023, gjatë mandatit të tij, Kroacia hyri si në eurozonë, ashtu edhe në hapësirën Schengen.[9][10]
Marrëdhëniet me Shqipërinë dhe Kosovën
[Redakto | Redakto nëpërmjet kodit]Gjatë qeverive të tij, Plenkoviq ka mbështetur vazhdimisht afrimin evropian të Shqipërisë dhe të Kosovës. Në dhjetor 2018 ai u takua në Zagreb me kryeministrin shqiptar Edi Rama dhe riafirmoi mbështetjen e Kroacisë për hapjen e negociatave të anëtarësimit të Shqipërisë në BE; në atë rast të dy vendet nënshkruan edhe një deklaratë për partneritet strategjik.[11]
Gjatë presidencës kroate të Këshillit të BE-së në vitin 2020, ai mbështeti hapjen e negociatave me Shqipërinë dhe Maqedoninë e Veriut, si edhe liberalizimin e vizave për Kosovën.[12][13]
Më 15 nëntor 2021 ai zhvilloi vizitë zyrtare në Prishtinë, ku u takua me kryeministrin Albin Kurti dhe presidenten Vjosa Osmani. Gjatë kësaj vizite ai mbështeti zhvillimin e marrëdhënieve Kroaci–Kosovë, normalizimin e marrëdhënieve ndërmjet Kosovës dhe Serbisë dhe perspektivën evropiane të Kosovës.[14]
Lidhje të jashtme
[Redakto | Redakto nëpërmjet kodit]Referime
[Redakto | Redakto nëpërmjet kodit]- 1 2 3 4 5 6 7 8 "CV". Vlada Republike Hrvatske (në anglisht). Marrë më 2026-04-20.
- 1 2 3 "7th parliamentary term - Andrej PLENKOVIĆ". European Parliament (në anglisht). Marrë më 2026-04-20.
- 1 2 3 "8th parliamentary term - Andrej PLENKOVIĆ". European Parliament (në anglisht). Marrë më 2026-04-20.
- ↑ "Plenković, Andrej". Croatian Parliament (në anglisht). Marrë më 2026-04-20.
- ↑ "Plenković, Andrej - 7th term". Croatian Parliament (në anglisht). Marrë më 2026-04-20.
- ↑ "Croatian parliament votes confidence in new government". Vlada Republike Hrvatske (në anglisht). Marrë më 2026-04-20.
- ↑ "Plenkovic: Zagreb Summit itself is a powerful message". Vlada Republike Hrvatske (në anglisht). Marrë më 2026-04-20.
- ↑ "EU sends strong message to Western Balkan countries from Zagreb Summit". Ministry of Foreign and European Affairs of Croatia (në anglisht). Marrë më 2026-04-20.
- ↑ "Timeline - Joining the euro area". Council of the European Union (në anglisht). Marrë më 2026-04-20.
- ↑ "Schengen area: Council decides to lift border controls with Croatia". Council of the European Union (në anglisht). Marrë më 2026-04-20.
- ↑ "Plenkovic says Albania's EU entry talks likely to start after EU elections". Vlada Republike Hrvatske (në anglisht). Marrë më 2026-04-20.
- ↑ "Government prepares Croatia's EU presidency programme". Ministry of Foreign and European Affairs of Croatia (në anglisht). Marrë më 2026-04-20.
- ↑ "Plenkovic: Reviving European prospect for S-E Europe will be Croatian presidency's big legacy". Vlada Republike Hrvatske (në anglisht). Marrë më 2026-04-20.
- ↑ "Croatia looks to intensify relations with Kosovo". Vlada Republike Hrvatske (në anglisht). Marrë më 2026-04-20.