Artmotion
 | |
| Lloji | Privat |
|---|---|
| Industria | Telekomunikacioni, Media |
| Themeluar në | 2001 (si operator i TI-së) 2004 (si operator i internetit) |
| Zyrat qendrore | , |
Zona e shërbimit | Kosovë |
Njerëzit kyç | Kushtrim Gojani (drejtor ekzekutiv) |
| Prodhimi | Sherbime të telekomunikimit |
| Shërbimet | Shërbimi i internetit Televizioni kabllor |
| Owner | Kushtrim Gojani (KGO Media Investments Holding) |
| Prindi | Devolli Corporation[1] |
| Faqja e internetit | www |
Artmotion SH.P.K. është kompani kosovare e angazhuar me ofrimin e internetit dhe televizionit kabllor, si dhe kompani mediatike e angazhuar me prodhimin e programeve televizive origjinale dhe transmetimin e programeve të licensuara. Ajo ofron televizion përmes teknologjisë IPTV dhe OTT. Ajo është ndër shërbimet dominante të televizionit kabllor dhe internetit në Kosovë, duke qëndruar në konkurrencë me kompanitë IPKO, Kujtesa dhe TelKos.
Historia
[Redakto | Redakto nëpërmjet kodit]Kompania u themelua në vitin 2001 me shërbime të teknologjisë informative, pastaj nga 2003 si ofrues i internetit në rajonin e Prishtinës.[2] Në vitin 2008 i zgjeroi operacionet përrreth Kosovës dhe në 2011 filloi shërbimin e televizionit kabllor. Komisioni i Pavarur i Mediave ia miratoi kompanisë lejen për të qenë operator kabllor në 2013, duke e zgjeruar mbulimin në rajonet e Ferizajit, Rahovecit, Istogut, Vitisë, dhe Shtimes.[3] Pas një ribrendimi në 2018 filloi si platformë kabllore televizive për herë të parë me kanale vetanake, me ç'rast u inkuadrua që atëherë edhe televizioni privat Klan Kosova.[nevojitet citimi] Të dyjat janë pronë e konglomeratit kosovar Devolli Corporation.[1]
Në vitin 2022, Artmotion njoftoi që do të fillonte marrëveshje me kompaninë mediatike shqiptare DigitAlb, për t'i sjellur kanalet e platformës së saj (duke përfshirë Top Channel) në Kosovë. Kjo vjen pasi DigitAlb ndërpreu kontratën e vet me Ipkon.[4]
Artmotion gjithashtu prodhon emisionin e realitetit Big Brother VIP Kosova përmes një bashkëpunimi me Banijay.[5]
Kanale ekskluzive
[Redakto | Redakto nëpërmjet kodit]Si pjesë e ofertës së vet kabllore që prej vitit 2018,[6] Artmotion transmeton një renditje të kanaleve vetanake televizive për grupmosha dhe interese të ndryshme. Këtu përfshihen tre kanale Kino për filma artistikë, dy kanale Doku për dokumentarë rreth botës dhe natyrës, gjashtë kanale sportive nga renditja ArtSport me komentim në gjuhën shqipe, Prime me programacion argëtues shqip dhe anglisht, Episode me seriale dhe programe të realitetit anglisht, kanali Prince Kids me fokus në seriale dhe filma për fëmijë dhe adoleshentë, dhe kanali muzikor Beat TV.[7]
Më 24 dhjetor 2018 u lansua kanali me tematikë gatimi, Gurmania Channel.[8]
Gjatë kohëzgjatjes së një sezoni të Big Brother VIP Kosovës, dy kanale 24-orëshe i kushtohen përcjelljes së banorëve – Big Brother VIP Kosova 1 dhe Big Brother VIP Kosova 2.
Kampionate sportive
[Redakto | Redakto nëpërmjet kodit]Në vitin 2018 kompania nisi me transmetimet e basketbollit vendor nga Superliga, Liga e Parë, Liga e Femrave, Ligat e të rinjëve dhe kombëtarja. Pas basketbollit vendor në platformë u shtuan edhe garat rally me vetura si dhe futbolli argjentinas dhe Kupa e Gjermanisë, si dhe liga të ndryshme nga hendbolli, volejbolli, atletika dhe noti.
Muajt në vazhdim sollën në Artmotion edhe garat e shpejtësisë në Formula 1 dhe Moto GP si dhe Judon e kikboksin që erdhi me Enfusion dhe One Championship, para se më pas të arriheshin edhe të drejtat nga liga më e rëndësishme e basketbollit në botë, NBA dhe poashtu ABA Liga Rajonale. Artmotion gjatë kësaj kohe poashtu bëri të ditur se ka blerë të drejtat e UEFA Ligës së Kampionëve, Europa League dhe Conference League duke nisur nga sezoni 2021/22.
Fillimi i sezonit 2020/21 në këtë platformë nisi me Superligën e Kosovës në Futboll teksa ndeshja e parë e transmetuar ishte Trepça - Arbëria. Në muajin tetor platformës iu bashkua edhe Bundesliga, duke vijuar me hyrjen në esport me Counter Strike: Global Offensive.
Me të përfunduar stinori 2020/21 në verën e vitit 2021, Artmotion bëri zyrtare edhe blerjen e të drejtave të La Ligas dhe Ligue 1 e më pas poashtu platformës përmes kanaleve Arena Sport iu bashkangjit edhe Serie A italiane.
Komentatorë sportivë
[Redakto | Redakto nëpërmjet kodit]Kjo listë përfshin komentatorë të rregulltë. Në raste ka komentatorë të përkohshëm që përcjellin garat e Formula 1, NBA dhe CS:GO.
- Agon Fehmiu
- Arlind Sadiku
- Andi Shabani
- Arbon Flugaj
- Engjëll Bërbatovci
- Emanuell Syla
- Lirim Peci
- Naim Selmani
- Ulpiana Emra
- Valon Krasniqi
Piratëria
[Redakto | Redakto nëpërmjet kodit]Artmotion ka një stancë të rreptë kundër piratërisë. Në vitin 2019, Artmotion iu drejtua Autoritetit të Mediave Audiovizive duke iu ankuar që platforma Tibo në Shqipëri po i bënte piratëri. Sipas saj, Tibo transmetonte RTK-në, Klan Kosovën, Radio Televizionin Dukagjini, dhe televizionin maqedonas Alsat pa leje. Artmotion pretendoi që ajo i pati të drejtat ekskluzive për shpërndarjen dhe transmetimin e tyre. DigitAlb dhe Tibo u njoftuan nga AMA që nga 1 nëntor 2019 nuk do t'i kishin të drejtat e transmetimit për ato kanale.[9] Në maj 2020, kjo ankesë iu zgjat edhe kanaleve të 21 Media-s - RTV21 dhe TV 21 Maqedoni. Përmes Gazetës Shqip (që ndan të njëjtën kompani prind si DigitAlb), DigitAlb e deklaroi këtë ide si lajm të rremë, duke thënë se i pati shkëputur lidhjet me disa prej televizioneve në fjalë përpara ankesës.[10]
Ndërkohë Tibo, që ka pasur probleme ligjore me DigitAlb-in që disa vite, e konsideroi Artmotion-in si aleat në shtyrje të qëllimeve të tij - meqë konstatoi se për shumicën e kanaleve që u emërtuan si "pa leje" i ka të drejtat përmes DigitAlb-it. Kontrata dhjetëvjeçare mes Tibo-s dhe DigitAlb-it u parapa që t'i përfitonte të drejtat, me DigitAlb-in si nënlicensues i kanaleve në pyetje (përveç Alsat-it). Gjithashtu konstatoi që marrëveshja për transmetimin e Alsat-it u nënshkrua me Alsat-in personalisht. Tibo gjithashtu deklaroi që i përmbahej kërkesës, duke i dhënë një kohë tranzitore pas shkëputjes së kontratës.[11][12]
Vitin tjetër, operatori kosovar TelKos priti shkëputjen e marrëveshjeve me T7, Dukagjinin, Kanal10 dhe Alsat dhe ndalimin e njëkohshëm të sinjalit, si pasojë e kalimit të të drejtave tek Artmotion. Me të ndodhur kjo, Klan Kosova pretendoi që TelKos "nuk ka treguar gatishmëri" për të bërë marrëveshje, dhe se pati provuar për "tre muaj e fundit". Një gjë të tillë korroboruan edhe T7, Dukagjini dhe Kanal10.[13] Në një komunikatë përmes Koha.net, TelKos e quajti këtë veprim "tejet tendencioz dhe me prapaskenë diskriminuese me qëllim për të dëmtuar imazhin e kompanisë".[14] Me blerjen e licensës së kanaleve vendore në 2021, TelKos i riktheu kanalet e lartpërmendura, por përfitoi edhe kanalet ekskluzive të plaformës Artmotion, duke sygjeruar që blerja e kanaleve vetanake ishin kushti për të rikthyer T7, Dukagjinin, Kanal10 dhe Alsat në shërbimin kabllor.[15]
Referime
[Redakto | Redakto nëpërmjet kodit]- ^ a b "Thellohet skandali/ Pas "Klan Kosovës", tjetër kompani e Devollëve e financuar nga Serbia; i bllokohet licenca". Pamfleti. 2023-06-23. Marrë më 2025-02-08.
- ^ "ARTMOTION - Kosovë". Oferta Pune. Marrë më 9 mars 2025.
- ^ "Vendim për licencimin e Operatorit Kabllorë, N.P.SH. "ARTMOTION" – Prishtinë" (PDF). Komisioni i Pavarur i Mediave. 30 tetor 2013. Marrë më 9 mars 2025.
- ^ webadmin (2022-03-30). "Digitalb tani me ekskluzivisht ne Artmotion". Artmotion. Marrë më 2023-06-09.
- ^ "Big Brother Reaches 65th Market". Banijay (në anglisht). 2022-11-30. Arkivuar nga origjinali më 2023-03-04. Marrë më 2022-12-06.
- ^ "PRINCE KIDS(program për fëmijë) – KPMM". Marrë më 2025-03-09.
- ^ "Artmotion (Kosovo) - Unifrance". www.unifrance.org (në frëngjisht). Marrë më 2025-03-09.
- ^ "Nga 24 dhjetori vjen Gurmania Channel në Artmotion, kanal dedikuar gatimit". Telegrafi.com. 22 dhjetor 2018. Marrë më 9 mars 2025.
- ^ "Art Motion i drejtohet AMA-s/ DigitAlb e Tibo po bëjnë pirateri". cna.al. 2020-05-10. Marrë më 2023-06-09.
{{cite web}}: Mirëmbajtja CS1: Gjendja e adresës (lidhja) - ^ "Art Motion mashtron publikisht, DigitAlb nuk transmeton kanalet Klan Kosova dhe Alsat M". Gazeta Shqip. 2020-05-11. Marrë më 2023-06-09.
- ^ "DGA-TIBO - Kontrata 2020" (PDF). tibo.tv. Arkivuar (PDF) nga origjinali më 2023-06-09. Marrë më 2023-06-09.
- ^ "TIBO i përgjigjet Digitalb-it: Transmetimet sipas fazës tranzitore të kontratës". TIBO NEWS (në anglishte amerikane). 2021-12-25. Marrë më 2023-06-09.
- ^ Z, Sh (2021-04-21). "Operatorit "Telkos" ia ndalin sinjalin tri kanale televizive vendore, nuk iu ofroi marrëveshje". Klan Kosova. Marrë më 2023-06-09.
- ^ "Telkos: Komunikatë për media". Koha.net. 2022-05-22. Marrë më 2023-06-09.
{{cite web}}: Mirëmbajtja CS1: Gjendja e adresës (lidhja) - ^ Mehmeti, Besarta (2022-09-30). "Nga nesër Telkos pasurohet edhe me 64 kanale të reja, prej tyre 21 sportive". tëvë1.info. Marrë më 2023-06-09.