Bagëti e Bujqësi

Nga Wikipedia, enciklopedia e lirë
Shko te: navigacion, kërko

Bagëti e Bujqësija është poemë e shkruar nga shkrimtari shqiptar Naim Frashëri e cila është botuar për herë të parë në Bukuresht1886 në të përkohshmen "Drita"[1].

Subjekti[redakto | redakto tekstin burimor]

E mbajtur si kryevepra e tij, në këtë poemë baritore barinj dhe katundarë shfaqen përsëpari në skenën letrare toske. Ata janë diçka më shumë se elementë zbukurues në përshkrimin peizazhit fshatarak. I përmalluar pas fshatit ku ishte lindur e rritur, Naimi e përshkruan në mënyrë idilike, ku asgjë nuk e cënon euforinë mistike dhe të gjitha konfliktet gjejnë pajtim dhe fashitje[2].

Struktura[redakto | redakto tekstin burimor]

Në këtë vepër autori përdori me sukses vargun gjashtëmbëdhjetërrokësh, aq sa quhet edhe vargu naimjan, varg i cili u mor nga këngët popullore. Por edhe me këtë varg Naimi u largohet vazhdimisht strukturave fikse ritmike, arriti t'i jipte elsasticitet ritmit duke e përshtatur strukturën ritmike me brendinë ideoemocionale të poezisë. Gjenden vargje që e këmbejnë strukturën e ritmit në mënyra të ndryshme, gjithnjë në dobi të qëllimit ideoartistik. Gjashtëmbëdhjetërrokëshi ruajti në përgjithësi karakterin trokaik sipas Zhejit[3]. Sipas Pipës, pas një analize të 50 vargjeve të para të poemës bukolike, prirja e vargjeve nxjerr më shumë jambike. Pipa e mendon të mundshëm mveshjen e këtij ndikimi traditës poetike orientale, e pjesërisht asaj greke[4].

Ribotime[redakto | redakto tekstin burimor]

U ribotua më 2001 nga shtëpia botuese "Dituria" në vëllimin me titullin "Bagëti e bujqësia, Lulet e verës, Vjersha të tjera"[citim i duhur].

Referenca[redakto | redakto tekstin burimor]

  1. ^ Elsie, Robert (1997). "Histori e Letërsisë Shqiptare" (PDF). Dukagjini. Marrë më 18 shkurt 2018. 
  2. ^ Pipa, Arshi (2014). "Trilogia Albanica III: Albanian Literature: Social Perspectives" [Trilogjia Albanika III: Letërsia shqipe: Perspektiva shoqërore]. Princi. pp. 97–100. ISBN 978-9928-4090-9-6. 
  3. ^ Zheji, Gjergj (1988). Bazat e vargëzimit shqiptar. Tiranë: Naim Frashëri. pp. 129–130. 
  4. ^ Pipa, Arshi (2013). "Albanian Folk Verse: Structure and Genre" [Trilogjia Albanika - Vargu folklorik shqip: ndërtimi dhe gjinitë]. Princi. p. 37. ISBN 978-9928-4090-5-8.