Banine

Nga Wikipedia, enciklopedia e lirë
Jump to navigation Jump to search
Banin

Umm-El-Banine Assadoulaeff, e njohur ndryshe si Umm El-Banu Äsâdullayeva (18 dhjetor 1905- 23 tetor 1992)ishte një shkrimtare franceze me origjinë nga Azerbajxhani- mbesa e milionerit nga Azerbajxhani Musa Nagiyev si dhe e bija e biznesmenit dhe njëkohësisht politikanit Mirza Asadullayev.[1] Ajo zhvilloi krijimtarinë letrare nën pseudonimin “Banine”.

Banine emigroi drejt Francës në 1923 duke shoqëruar të atin, ministër i mëparshëm i qeverisë së republikës demokratike të Azerbajxhanit (dhjetor 1918- prill 1920). Më pas ajo u shpërngul drejt Stambollit ku braktisi të shoqin, me të cilin kishte pasur një martesë të imponuar në moshën 15 vjeçare. Ajo u largua drejt Parisit. Gjatë viteve pasuese ajo njohu shumë figura të shquara të letërsisë, duke përfshirë Henry de Montherlant, Nikos Kazantzakis dhe André Malraux, të cilët e motivuan atë ti dedikohej të shkruarit. Banine u fokusua në shkrimet e saj në historinë dhe kulturën e Azerbajxhanit. Shkrimet e saj më të famshme ishin "Caucasian days” dhe “Parisian Days”. Banine ishte mikeshe shumë e mirë me shkrimtarin gjerman Ernst Jünger si dhe atë rus Ivan Bunin. Ajo rrëfen në librat e saj konvertimin në katolicizëm.

Përpara vdekjes së saj, Banine publikoi me dhjetëra artikuj për situatën në Azerbajxhan. Ajo u largua nga jeta në tetor 1992. Në nekrologjinë e shkruar për të në gazetën “Le Figaro”, ajo përshkruhet si një ndër personazhet që iu kundërvu shekullit.[2]

Burimet[redakto | përpunoni burim]

  1. ^ "Mühacirət övladı". Marrë më 2011-11-15. 
  2. ^ William Pfaff. The Bullet's Song: Romantic Violence and Utopia. ISBN 978-0-684-80907-6