Bashkimi Patriotik (Lihtenshtajn)

Logoja e Bashkimit Patriotik të Lihtenshtajnit që nga 2024.

Bashkimi Patriotik (Vaterländische Union në Gjermanisht) është një parti politike e Principatës së Lihtenshtajnit dhe ka një ideologji konservatore-liberale. Ajo drejtohet nga Günther Fritz dhe ka 10 anëtarë në Landtagun e Lihtenshtajnit. Kryeministri, Daniel Risch, është anëtar i Unionit Patriotik.

Historia

Rrënjët e Bashkimit Patriotik datojnë në shkurt 1918, kur u themelua Partia Popullore Kristiano-Sociale, me orientim kristian-social (një nga themeluesit e saj ishte politikani Wilhelm Beck); kjo parti ishte forca shtytëse e reformave politike dhe sociale që iu nënshtrua Lihtenshtajni në fillim të shekullit të 20-të.

Bashkimi Patriotik u krijua më 5 janar 1936 nga bashkimi midis Partisë Popullore Kristian Social dhe Shërbimin e Lihtenshtajnit për Atdheun (LHD), një parti e vogël e mbarsur nga socializmi kombëtar, pas një afrimi të bërë në 1935 në formën e një aleance politike të quajtur Opsioni Kombëtar.

Kjo parti e konsideron veten një parti punëtore, e cila angazhohet për më shumë të drejta popullore, siguri sociale, solidaritet në shoqëri, por edhe për një ekonomi të fortë dhe të larmishme. Vlerat e lirisë, qëndrueshmërisë dhe solidaritetit u miratuan në 2004 si synime të partisë.

Bashkimi Patriotik kishte nga 1970-1974 dhe nga 1978-2001 një shumicë absolute në Landtag, parlamenti i Lihtenshtajnit. Në 2005, Bashkimi Patriotik arriti nivelin e tij më të ulët historik duke marrë vetëm 10 nga 25 vendet.

Që nga viti 2021, tre nga pesë anëtarët e qeverisë së vendit kanë ardhur nga radhët e saj.

Logoja deri më gusht 2024

Lista e Presidentëve

Kohëzgjatja	Presidenti
1936–1965	Otto Schädler
1965–1974	Franz Nägele
1974–1992	Otto Hasler
1992–2001	Oswald Kranz
2001–2005	Heinz Frommelt
2005–2011	Adolf Heeb
2011–2015	Jakob Büchel
2015–2021	Günther Fritz
2021–	Thomas Zwiefelhofer