Beteja e Nikushtakut

Beteja e Nikushtakut ishte një përplasje ushtarake në vitin 2001 midis UÇK-së dhe Ushtrisë Maqedonase në fshatin Nikushtak.

Beteja e Nikushtak
Pjesë e e Frontit te Karadakut dhe Luftës së vitit 2001 në Maqedoni
Date 27 qershor–4 korrik 2001 Vendi Nikushtak, Komuna e Likovës, në Malet e Karadakut, Republika e Maqedonisë, (sot Maqedonia e Veriut) Rezultati Fitorja e UÇK-së Forcat maqedonase nisën një ofensivë në shkallë të gjerë në Nikuhtak më 27 qershor 2001. Maqedonasit bënë thirrje për armëpushim më 5 korrik, duke e lënë përfundimisht UÇK-në në kontroll të Nikushtakut.
Ndërluftuesit
National Liberation Army	Republika e Maqedonisë NATO
Komandantët dhe udhëheqësit
Xhezair Shaqiri Nazmi Sulejmani Harun Aliu	Boris Trajkovski Ljubčo Georgievski Ljube Boškoski Blagoja Markovski
Njësitë e përfshira
Brigada 113 "Ismet Jashari"	Ushtria e Maqedonisë Policia e Maqedonisë KFOR
Viktimat dhe humbjet
4 të vrarë 90 rrëmbyer nga NATO-ja	1 i vrarë 1 i plagosur
Xhamia e Nikushtakut u shkatërrua nga granatimet maqedonase.

Prapaskena

Artikulli kryesor: Beteja e Haraçinës

Pak para betejës, luftëtarët e UÇK-së u evakuuan në Nikushtak, pas Betejës së Haraçinës.

Beteja

Më 27 korrik, UÇK-ja nisi një sulm ndaj pozicioneve të ushtrisë maqedonase në Umin Doll, i cili ndodhet pak në lindje të Nikushtakut. UÇK-ja thuhet se përdori mortaja, snajperë dhe zjarr automatik kundër forcave maqedonase. Disa orë më vonë, Ushtria Maqedonase nisi një ofensivë dhe përdori armë të ndryshme, përfshirë artileri dhe tanke T-55, për të luftuar UÇK-në në Nikushtak.

Më 28 qershor, ushtarët e KFOR-it ndërmorën një sulm ndaj një njësie të UÇK-së të vendosur pak jashtë Nikushtakut. Ata arrestuan 90 luftëtarë të UÇK-së që kishin për qëllim t’i bashkoheshin betejës në Nikushtak. Ky veprim u ndërmor pas vendimit të NATO-s për të dislokuar 3000 ushtarë të KFOR-it në mbështetje të Ushtrisë Maqedonase, me synimin për zgjidhjen e konfliktit dhe rivendosjen e paqes.

Luftimet vazhduan dhe më 2 korrik, si pjesë e ofensivës, forcat maqedonase lëshuan 80 raketa ndaj pozicioneve të UÇK-së brenda fshatit. Megjithatë, pavarësisht këtij bombardimi të rëndë, UÇK-ja e mbajti kontrollin e plotë mbi Nikushtakun.

Më 4 korrik, fshati përjetoi luftimet më të ashpra. Një ushtar maqedonas u vra, ndërsa një tjetër u plagos gjatë përplasjeve.

Më 5 korrik, qeveria maqedonase shpalli një armëpushim mbarëkombëtar me UÇK-në, kryengritja katërmujore e së cilës kishte kërcënuar stabilitetin politik në vend. Si rezultat, UÇK-ja përfundimisht e ruajti kontrollin mbi Nikushtakun.

Pasojat

Si pasojë e granatimeve maqedonase dhe luftimeve të ashpra, pjesa më e madhe e fshatit, përfshirë xhaminë e Nikushtakut, u shkatërrua.