Shko te përmbajtja

Bruno Lulaj

Nga Wikipedia, enciklopedia e lirë
Bruno Lulaj
Të dhënat vetjake
Data e lindjes 2 prill 1995 (31 vjeç)
Vëndi i lindjes Pireu, Greqi
Gjatësia 1.85 m (6 ft 1 in)
Pozicioni Qëndër-mbrojtës
Të dhënat e ekipit
Ekipi aktual
 Elbasani
Numri 4
Karriera me të rinjtë
2008–2014 Panionios
Karriera me klube*
Vitet Ekipi Ndsh (Gola)
2014–2019 Skënderbeu 20 (0)
2016–2017 → Laçi (huazim) 29 (2)
2018–2019 → Laçi (huazim) 17 (1)
2019–2022 Kukësi 91 (4)
2022–2024 Tirana 48 (4)
2024– Elbasani 28 (1)
Karriera ndërkombëtare
2013–2014 Shqipëria U19 4 (0)
2014–2016 Shqipëria U21 14 (0)
* Club domestic league appearances and goals as of 31 mars 2025

Bruno Lulaj (lindur më 2 prill 1995) është një futbollist profesionist shqiptar i cili luan si qëndër-mbrojtës për klubin shqiptar Elbasani ku është edhe kapiten. Ai në të kaluarën ka luajtur me ekipet në nën-19 dhe -21 të Shqipërisë.

Karriera me klube

[Redakto | Redakto nëpërmjet kodit]

Skënderbeu

[Redakto | Redakto nëpërmjet kodit]

Lulaj lindi në Greqi në një familje emigrantësh shqiptar. Ai e nisi karrierën e tij në vitin 2008 te akademia e Panionios, ku do të qëndronte për gjashtë vite. Më 20 gusht 2014, Lulaj u transferua te Skënderbeu.[1][2]

Lulaj bëri debutimin e tij si profesionist më 1 tetor 2014 në një ndeshje kupe kundër Himarës të cilën Skënderbeu e fitoi me rezultatin 10–1, duke shënuar për herë të parë në histori këtë numër golash në një ndeshje.[3] Ai e nisi këtë ndeshje si titullar në qëndër të mbrojtjes dhe shënoi golin e dytë të ekipit në minutën e 10të.[4]

Më 13 dhjetor, Lulaj luajti ndeshjen e tij të parë në Kategorinë Superiore në humbjen 2–0 kundër Tiranës, duke u aktivizuar si zëvëndësues në minutën e 55të në vend të Tefik Osmanit.[5]

2016–2017: Huazimi te Laçi

[Redakto | Redakto nëpërmjet kodit]

Më 1 shtator 2016, Lulaj dhe Paolo Ivani u dërguan në huazim te klubi tjetër i Kategorisë Superiore Laçi deri në përfundim të sezonit 2016–17.[6] Ai mori fanellën me numrin 4 dhe debutoi me klubin gjashtë ditë më pas në barazimin pa gola kundër Korabit në kampionat.[7] Lulaj shënoi golin e parë me klubin më 17 tetor në ndeshjen e javës së 7të kundër Vllaznisë, duke i dhënë Laçit fitoren e parë pas tre barazimesh dhe humbjesh.[8] Ai gjithashtu shënoi në ndeshjen e rradhës kundër Flamurtarit, duke ndihmuar ekipin të merrte një pikë.[9] Lulaj e shpenzoi muajin janar te Skënderbeu, duke marrë pjesë fazën përgatitore dimërore të klubit në Antalja të Turqisë, por u rikthye te Laçi në kohë për nisjen e pjesës së dytë të sezonit.[10][11] Lulaj e mbylli sezonin me 30 ndeshje, përfshirë 29 në kampionat, duke koleksionuar 2518 minuta. Ai ishte një nga lojtarët më të dalluar të Laçit që arriti të siguronte mbijetesën.[12] Lulaj e quaji kohën te Laçi "një eksperiencë e paharrueshme".[12]

2017–2018: Huazimi i dytë te Laçi

[Redakto | Redakto nëpërmjet kodit]

Në qershor 2017, Lulaj u rikthye te Skënderbeu para nisjes së sezonit të ri.[12] Ai u përfshi nga trajneri Ilir Daja në ekipin që do të luante në raundet kualifikuese të UEFA Ligës së Evropës 2017–18.[13] Më 5 tetor, Lulaj luajti ndeshjen e parë pas rikthimit, duke u aktivizuar kundër Adriatikut në kupë. Ai shënoi një nga golat e ekipit që fitoi me rezultatin 9–1 dhe u kualifikua në raundin tjetër me rezultatin e përgjithshëm 17–1.[14]

Në janar 2018, Lulaj u dërgua sërisht në huazim te Laçi deri në përfundim të sezonit.[15] Ai zhvilloi ndeshjen e tij të 50të në Kategorinë Superiore më 5 maj kundër klubit prind Skënderbeu, duke shënuar një nga golat e fitores 3–2 me përmbysje në shtëpi.[16]

2018–2019: Rikthimi te Skënderbeu

[Redakto | Redakto nëpërmjet kodit]

Lulaj u rikthye sërisht në ekip në ditët e para të korrikut 2018.[17] Ai e nisi sezonin duke fituar Superkupën e Shqipërisë 2018 kundër ish ekipit të tij Laçi, duke u aktivizuar si zëvëndësues në 14 minutat e fundit.[18]

Gjatë sezonit 2018–19 të Kategorisë Superiore, Lulaj u aktivizua në vetëm 14 ndeshje, duke koleksionuar vetëm 482 minuta. Ai kërkoi largimin nga klubi në përfundim të sezonit.[19]

Kukësi

[Redakto | Redakto nëpërmjet kodit]

Më 18 qershor 2019, Lulaj firmosi një kontratë dy-vjeçare me Kukësin.[20] Ai e nisi sezonin e ri më 18 gusht duke luajtur në humbjen 4–2 në kohën shtesë kundër Partizanit në superkupë.[21]

Pesë ditë më pas, Lulaj debutoi në kampionat kundër të njëjtit kundërshtar në ndeshjen hapëse të luajtur në Elbasan Arena; Kukësi fitoi ndeshjen 1–0 por Lulaj u ndëshkua me karton të kuq në minutën e 62të pas një zënke me sulmuesin kundërshtar Theophilus Solomon, i cili gjithashtu u përjashtua.[22] Në një intervistë pas ndeshjes, Lulaj deklaroi se kartoni i kuq për të dy ishte një vendim i drejtë.[23] Ai u pezullua për ndeshjen e rradhës kundër Flamurtarit.[24]

Tirana

[Redakto | Redakto nëpërmjet kodit]

Më 31 gusht 2022, Tirana njoftoi transferimin e Lulajt në një marrëveshje tre-vjeçare.[25]

Pas përfundimit të sezonit 2023–24, Lulaj u la i lirë nga klubi sëbashku me disa lojtarë të tjerë, duke u bërë lojtar i lirë.[26].

Elbasani

[Redakto | Redakto nëpërmjet kodit]

Në korrik 2019, Lulaj firmosi një marrëveshje me AF Elbasanin.[27] Ai u emërua kapiteni i ekipit para nisjes së sezonit të ri.[28] Lulaj bëri debutimin e tij në ndeshjen hapëse të kampionatit kundër Skënderbeut, duke shënuar golin e vetëm të ekipit të tij në një barazim 1–1.[29]

Karriera ndërkombëtare

[Redakto | Redakto nëpërmjet kodit]

Lulaj u ftua për herë të parë në ekipin nën-21 në maj 2014 nga trajneri Skënder Gega për ndeshjen miqësore kundër Italisë.[30] Ai gjithashtu luajti si titullar gjatë fushatës kualifikuese të UEFA Kampionatit Evropian nën-21 2017, duke u aktivizuar nëntë ndeshje si titullar përkrah Herdi Prengës.

Lulaj u aktivizua si titullar në fitoren 2–0 kundër Lihtenshtajnit në ndeshjen hapëse.[31] Shqipëria i mbylli kualifikueset në vendin e katërt me dhjetë pikë, duke mos u kualifikuar.[32] Lulaj luajti gjithsej 14 ndeshje me ekipin nën-21.

Statistikat e karrierës

[Redakto | Redakto nëpërmjet kodit]
Përditësuar më 31 mars 2025[33]
Ndeshjet dhe golat sipas klubit, sezonit dhe kompeticionit
Klubi Sezoni Liga Kupa Evropa Tjetër Gjithsej
DivizioniNdshGolaNdshGolaNdshGolaNdshGolaNdshGola
Skënderbeu 2014–15 Kategoria Superiore 3032——62
2015–16 Kategoria Superiore 2030001[a]060
2016–17 Kategoria Superiore ———0000
2017–18 Kategoria Superiore 303100—61
2018–19 Kategoria Superiore 12020—1[a]0150
Gjithsej 2001130020333
Skënderbeu B 2015–16 Kategoria e Tretë 21———21
Laçi (huazim) 2016–17 Kategoria Superiore 29210——302
2017–18 Kategoria Superiore 17130——201
Gjithsej 46340——503
Kukësi 2019–20 Kategoria Superiore 310821[b]01[a]0412
2020–21 Kategoria Superiore 2713000—301
2021–22 Kategoria Superiore 33330——363
Gjithsej 91414210101076
Tirana 2022–23 Kategoria Superiore 24261—1[a]0313
2023–24 Kategoria Superiore 252514[c]0—343
Gjithsej 4941124010656
Elbasani 2024–25 Kategoria Superiore 28130——311
Gjithsej karriera 23613437504028820
  1. 1 2 3 4 Ndeshje në Superkupën e Shqipërisë
  2. ↑ Të gjitha ndeshjet në UEFA Ligën e Evropës
  3. ↑ Të gjitha ndeshjet në UEFA Ligën e Konferencave

Trofe

[Redakto | Redakto nëpërmjet kodit]
Skënderbeu[33]
Tirana[33]

Referime

[Redakto | Redakto nëpërmjet kodit]
  1. ↑ "Firmos talenti Bruno Lulaj, sot pritet rikthimi i Lilajt". Panorama Sport. 21 gusht 2014. Marrë më 21 gusht 2014.
  2. ↑ "Mbrojtesi Bruno Lulaj, shumë pranë Skënderbeut". Skënderbeu.al. KF Skënderbeu. 21 gusht 2014. Arkivuar nga origjinali më 25 shtator 2014. Marrë më 21 gusht 2014.
  3. ↑ Feriz Ferizaj (2 tetor 2014). "Skënderbeu merr një fitore rekord në Kupë. Josa: Ishte formalitet, tani mundim Tiranën". Panorama Sport. Marrë më 2 tetor 2014.
  4. ↑ "Himara vs. Skënderbeu Korçë 1 – 10" (në anglisht). Soccerway. 1 tetor 2014. Marrë më 1 tetor 2014.
  5. ↑ "Tirana vs. Skënderbeu Korçë 2 – 0" (në anglisht). Soccerway. 13 dhjetor 2014. Marrë më 13 dhjetor 2014.
  6. ↑ Andi Deçka (1 shtator 2016). "Lulaj dhe Ivani huazohen te Laçi". SuperSport.al. Marrë më 1 shtator 2016.
  7. ↑ "Korabi Peshkopi vs. Laçi 0 – 0" (në anglisht). Soccerway. 7 shtator 2016. Marrë më 1 tetor 2014.
  8. ↑ "Laçi arrin të marrë fitoren e parë duke përmbysur Vllazninë (VIDEO)". Panorama Sport. 17 tetor 2016. Marrë më 22 tetor 2016.
  9. ↑ "Video / Lulaj shpëton Laçin nga humbja, barazim me Flamurtarin". Panorama Sport. 22 tetor 2016. Marrë më 22 tetor 2016.
  10. ↑ "Skënderbeu rikthen në ekip Bruno Lulaj". Gazeta Tema. 9 shkurt 2017. Marrë më 6 tetor 2017.
  11. ↑ Vladimir Prenga (9 shkurt 2017). "Lulaj lë Skënderbeun, rikthehet te Laçi". Sport Ekspres. Arkivuar nga origjinali më 6 tetor 2017. Marrë më 6 tetor 2017.
  12. 1 2 3 "Lulaj i befasuar: Me Laçin, eksperiencë e paharrueshme". Sportal.al. 3 qershor 2017. Arkivuar nga origjinali më 6 qershor 2017. Marrë më 3 qershor 2017.
  13. ↑ "Më në fund, UEFA zbardh edhe listën e Skënderbeut". Sportal.al. 27 qershor 2017. Arkivuar nga origjinali më 30 qershor 2017. Marrë më 27 qershor 2017.
  14. ↑ "Skënderbeu eliminon Mamurrasin nga Kupa e Shqipërisë me rezultat të pabesueshëm". Gazeta Olle. 5 tetor 2017. Arkivuar nga origjinali më 6 tetor 2017. Marrë më 6 tetor 2017.
  15. ↑ "Laçi kompletohet, Lulaj nis stërvitjen". Sport Ekspres. 19 janar 2018. Marrë më 19 janar 2018.
  16. ↑ Eduard Ilnica (5 maj 2018). "Laçi përmbys dy gola të Skënderbeut, Kukësi fiton në shtëpi me Lushnjën". Shqiptarja.com. Marrë më 18 gusht 2018.
  17. ↑ "Rikthehen Lulaj e Hoxhaj te Skënderbeu: Mbetemi për titull". Sport Plus. 6 korrik 2018. Arkivuar nga origjinali më 18 gusht 2018. Marrë më 19 janar 2018.
  18. ↑ "Tjetër trofe për Skënderbeun, fiton Superkupën ndaj Laçit". Top-Channel.tv. 12 gusht 2018. Marrë më 18 gusht 2018.
  19. ↑ "Mesfushori i Skënderbeut drejt largimit, Shehi me "sytë" nga KAS-i: Të hiqet dënimi absurd". Boldnews.al. 30 maj 2018. Marrë më 18 gusht 2018.
  20. ↑ "ZYRTARE/ Goditja e katërt në merkato, Kukësi prezanton ish-mbrojtësin e Skënderbeut". Panorama Sport. 18 qershor 2019. Marrë më 18 qershor 2019.
  21. ↑ "Partizani fiton Superkupën e Shqipërisë, mposht Kukësin 4-2 në kohën shtesë". Top-Channel.tv. 18 gusht 2019. Marrë më 29 gusht 2019.
  22. ↑ "Kukësi hakmerret ndaj Partizanit, fiton 1-0 në një duel që i pati të gjitha". Sot.com.al. 24 gusht 2019. Arkivuar nga origjinali më 29 gusht 2019. Marrë më 29 gusht 2019.
  23. ↑ "VIDEO / Intervista për Vip Sport, Lulaj: Ja çfarë ndodhi me Solomon, e merituam të dy të kuqin". VIPSport.al. 23 gusht 2019. Arkivuar nga origjinali më 28 gusht 2019. Marrë më 29 gusht 2019.
  24. ↑ "Abazaj bëhet gati për debutimin, Ethemi zëvendëson Musollin. Kukësi me surpriza ndaj Flamurtarit". Panorama Sport. 28 gusht 2019. Marrë më 29 gusht 2019.
  25. ↑ "VIDEO/ "Goli" i fundit i merkatos? Tirana firmos me Bruno Lulaj". SuperSport.al. 1 shtator 2022. Marrë më 1 shtator 2022.
  26. ↑ "Zyrtare/ Nga mbrojtja në sulm, Tirana konfirmon edhe tri largime". Panorama Sport. 3 qershor 2023. Marrë më 3 qershor 2024.
  27. ↑ "EKSKLUZIVE/ "I lumtur që do të luaj në vendlindje", Bruno Lulaj: Elbasani, me synime madhore". Panorama Sport. 19 korrik 2024. Marrë më 3 prill 2025.
  28. ↑ "EKSKLUZIVE/ Kapiteni Lulaj: Elbasani është gati, dua titullin në vendlindje. Ja cila është forca jonë". Panorama Sport. 15 gusht 2024. Marrë më 3 prill 2025.
  29. ↑ "Shënoi golin e barazimit kundër Skënderbeut, kapiteni Lulaj: Një pikë nuk është keq, e kam shijuar". Panorama Sport. 20 gusht 2024. Marrë më 3 prill 2025.
  30. ↑ "Shpallet lista e ekipit U-21, kundër Italisë". fshf.org. Federata Shqiptare e Futbollit. 29 prill 2014. Arkivuar nga origjinali më 17 shtator 2016. Marrë më 18 dhjetor 2017.
  31. ↑ "U21, Shqipëria thyen 2-0 Lihtenshtejnin, vendosin golat e Latifit dhe Rei Manajt". Panorama Sport. 28 mars 2015. Marrë më 28 mars 2015.
  32. ↑ "Qualifying round Group 4" (në anglisht). UEFA. Arkivuar nga origjinali më 31 mars 2015. Marrë më 18 dhjetor 2017.
  33. 1 2 3 "Bruno Lulaj" (në anglisht). Soccerway. Marrë më 4 prill 2025.

Lidhje të jashtme

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=Bruno_Lulaj&oldid=2970979"