Kërceni tek përmbajtja

Désiré Doué

Nga Wikipedia, enciklopedia e lirë
Désiré Doué
Doué me Paris Saint-Germain në 2025
Informacioni personal
Emri i plotë Désiré Nonka-Maho Doué[1]
Data e lindjes 3 qershor 2005 (20 vjeç)[1]
Vëndi i lindjes Angers, Maine-et-Loire, Francë
Gjatësia 1.83 m (6 ft 0 in)[1]
Pozicioni(et) Mesfushor-sulmues, anësor
Informacioni i ekipit
Ekipi aktual
 Paris Saint-Germain
Number 14
Karriera me të rinjtë
2011–2021 Rennes
Karriera si profesionist*
Vitet Ekipi Ndsh (Gola)
2021–2023 Rennes II 11 (1)
2022–2024 Rennes 57 (7)
2024– Paris Saint-Germain 31 (6)
Karriera ndërkombëtare‡
2021–2022 Franca U17 17 (7)
2022–2023 Franca U19 12 (3)
2023–2024 Franca U21 4 (1)
2024 Franca U23 10 (3)
2025– Franca 1 (0)
*Ndeshjet dhe golat në ligën vendase të klubeve, të sakta prej datës 22:02, 17 maj 2025 (UTC)
‡ Ndeshjet dhe golat e Kombëtares, të sakta prej datës 22:45, 23 mars 2025 (UTC)

Désiré Nonka-Maho Doué (lindur më 3 qershor 2005) është një futbollist profesionist francez i cili luan si mesfushor-sulmues ose anësor për klubin francez Paris Saint-Germain dhe kombëtaren franceze. Ai konsiderohet si një nga lojtarët më të talentuar në botë.[2][3][4]

Doué e nisi karrierën e tij në Francë me Rennes, duke luajtur dy sezone si profesionist. Në vitin 2024, ai u transferua te PSG-ja për 50 milion €, duke fituar tripletën në sezonin e tij të parë.

Në nivel ndërkombëtar, Doué ka luajtur me disa ekipe moshash të Francës, duke fituar UEFA Kampionatin Evropian 2022 me ekipin nën-17. Në vitin 2024, ai fitoi medaljen e argjendë në Lojërat Olimpike Verore kurse në mars 2025 bëri debutimin e tij me ekipin e parë.

Karriera me klube

[Redakto | Redakto nëpërmjet kodit]

Rennes

[Redakto | Redakto nëpërmjet kodit]

Doué filloi të luaj futboll në akademinë e Rennes në moshën pesë vjeç në vitin 2011. Në vitin 2021 ai ishte pjesë e ekipit rezervë kurse në shkurt 2021 filloi të stërvitej me ekipin e parë.[5] Më 14 prill 2022, ai firmosi kontratën e parë si profesionist deri në vitin 2024.[6]

Më 7 gusht 2022, Doué bëri debutimin e tij si profesionist duke u aktivizuar në humbjen 1–0 kundër Lorient në Ligue 1.[7] Ai shënoi golin e tij të parë në karrierë më 31 gusht në fitoren 3–1 kundër Brest, duke u bërë lojtari i parë i lindur në vitin 2005 që shënon në një nga pesë ligat kryesore të Evropës.[8] Mē 6 tetor, Doué shënoi golin e fitores në suksesin 2–1 kundër Dynamo Kyiv në fazën e grupeve të UEFA Ligës së Evropës, duke regjistruar golin e tij të parë në kompeticionet evropiane. Me këtë gol ai u bë lojtari i më i ri francez që shënon në kompeticionet evropiane në moshën 17 vjeç, katër muaj e katër ditë.[9] Më 9 tetor, ai shënoi në derbin Breton kundër Nantes më pak se 60 sekonda pasi kishte hyrë si zëvëndësues në minutën e 83të; Rennes fitoi 3–0.[10] Më 2 nëntor, Doué rinovoi kontratën me klubin deri në vitin 2025.[11]

Doué me Rennes më 20 gusht 2023.

Më 9 prill 2023, Doué u zëvëndësua në humbjen 3–1 kundër Lyonit vetëm 18 minuta pasi kishte hyrë si zëvëndësues. Në përfundim të ndeshjes, ai u kritikua nga trajneri Bruno Génésio, i cili në intervistën pas ndeshjes deklaroi: "Kjo nuk do të thotë që nuk kam besim te ai ose ai nuk do të bëjë karrierë të madhe, por disa gjëra duhet të kuptohen më herët."[12] Doué e përfundoi sezonin 2022–23 me 34 ndeshje dhe 4 gola në të gjitha kompeticionet.

Më 1 tetor 2023, Doué shënoi golin e parë të sezonit 2023–24 në fitoren 3–1 kundër Nantes.[13] Goli i tij i rradhës në kampionat erdhi në tjetër fitore 3–1, këtë herë kundër Clermont Foot 63 në transfertë.[14] Ai regjistroi 31 ndeshje dhe 4 gola në Ligue 1 në sezonin e tij të dytë.[15]

Paris Saint-Germain

[Redakto | Redakto nëpërmjet kodit]

Më 17 gusht 2024, Doué u transferua te klubi tjetër i Ligue 1 Paris Saint-Germain për 50 milion € pa përfshirë bonuset.[16] ai firmosi një kontratë pesë-vjeçare.[17] Klubi francez mposhti konkurencën e Bayern München, të cilët gjithashtu kishin bërë një ofertë për lojtarin.[18]

Doué bëri debutimin e tij me ekipin më 23 gusht në fitoren 6–0 kundër Montpellier në kampionat, duke u aktivizuar si zëvëndësues në pjesën e dytë.[19] Më 18 shtator, ai debutoi në UEFA Ligën e Kampionëve në ndeshjen kundër Gironës në Parc des Princes.[20] Goli i tij i parë në këtë kompeticion erdhi më 10 dhjetor në fitoren 3–0 kundër Red Bull Salzburgut.[21]

Gjatë pjesës së dytë të sezonit, kontributi i Doué në ekip u rrit ndjeshëm, veçanërisht në Ligën e Kampionëve;[22] ai shënoi dhe asistoi në fitoren 7–0 kundër Brest në ndeshjen e kthimit të raundit play-off të Ligës së Kampionëve.[23] Në muajin mars, ai shënoi tre gola dhe dy asiste, duke u shpallur lojtari i muajit.[24] Në raundin e 16-tave të Ligës së Kampionëve, ai shënoi penalltinë vendimtare kundër Liverpoolit në Anfield, duke kualifikuar ekipin në çerek-finale.[25]

Më 5 prill, Doué shënoi golin e vetëm të ndeshjes kundër Angers, duke i siguruar klubit titullin e 13të kampion të Francës.[26] Pesë ditë më pas, ai shënoi golin e barazimit në ndeshjen e parë çerek-finale kundër Aston Villës në shtëpi.[27] PSG-ja fitoi 3–2 në ndeshjen e kthimit dhe u kualifikua në gjysëm-finale,[28] aty ku Doué luajti si titullar në të dyja ndeshjet. PSG-ja mposhti Arsenalin me rezultatin e përgjithshëm 3–1 dhe u kualifikua në finalen e dytë në histori.[29][30] Doué e mbylli kampionatin me gjashtë gola dhe tetë asiste në 31 ndeshje.[31] Në kupë, ai shënoi katër gola dhe katër asiste, përfshirë dy asiste në finalen e fituar kundër ish klubit të tij Rennes.[32] Ai u nderua me çmimin Lojtari i Ri i Sezonit i Ligue 1 si dhe u përfshi në Formacionin e Sezonit në rolin e anësorit të djathtë.[33][34]

Më 31 maj 2025, Doué shënoi dy gola si dhe asistoi një tjetër në fitoren 5–0 kundër Interit në finalen e Ligës së Kampionëve, duke i dhënë klubit trofeun e parë në histori.[35][36] Ai u bë lojtari më i ri që shënon dy gola në finale në moshën 19 vjeç dhe 362 ditë, duke thyer rekordin e portugezit Eusébio (20 vjeç e 97 ditë) të vendosur në vitin 1962.[37] Ai gjithashtu u bë lojtari më i ri që asiston në finale, duke thyer rekordin e vendosur nga Jude Bellingham (20 vjeç e 338 ditë) sezonin e kaluar.[38]

Karriera ndërkombëtare

[Redakto | Redakto nëpërmjet kodit]

Doué ka luajtur mbi 30 ndeshje me ekipet e moshave të Francës. Ai ishte pjesë e ekipit nën-17 në Kampionatin Evropian 2022, aty ku Franca mposhti në finale Holandën për të fituar trofeun për herë të 3të në histori.[39] Ai gjithashtu mori pjesë në fushatë kualifikuese të Kampionatit Evropian 2024 me ekipin nën-19. Më 13 tetor 2023, Doué bëri debutimin e tij me ekipin nën-21 në një ndeshje kundër Bosnje dhe Hercegovinës, duke u ndëshkuar dy herë me karton të verdhë.[40]

Më 22 mars 2024, Doué shënoi një dygolësh në debutimin e tij me ekipin nën-23 në fitoren 3–2 në miqësoren kundër Bregut të Fildishtë.[41] Ai u aktivizua në pesë ndeshje gjatë turnamentit të Lojërave Olimpike Verore 2024, aty ku Franca u mposht 5–3 në finale nga Spanja, duke marrë medaljen e argjendit.[42]

Në mars 2025, Doué u ftua në kombëtaren e parë për ndeshjen çerek-finale të UEFA Ligës së Kombeve kundër Kroacisë;[43] ai u aktivizua në minutën e 66të të ndeshjes në vend të Bradley Barcolas, me Francën që fitoi 2–0.

Profili i lojtarit

[Redakto | Redakto nëpërmjet kodit]

Doué është një lojtar i shpejtë dhe energjik i cili mund të mbulojë disa pozicione në sulm. Përveç rolit të mesfushorit organizator, ai mund të luajë në të dyja krahët e sulmit si dhe merr pjesë në ndërtimin e aksioneve sulmuese të ekipit të tij.[44] Ai dallohet për shpejtësinë, nxitimin, driblimet dhe gjuajtjet, të cilat e bëjnë atë një kundërshtar të rrezikshëm në sulm.[45][46]

Përveç aftësive në sulm, Doué gjithashtu dallohet për kontributin në mbrojtje. Gjatë sezonit 2022–23, ai regjistroi mesatarisht tre ndërhyrje të sakta për ndeshje në Ligue 1.[47] Ai ka marrë lëvdada nga disa trajnerë, analistë dhe futbollistë për aftësitë e tij,[48] përfshirë nga veterani Nemanja Matić, i cili tha se Doué ka një potencial të madh.[49]

Doué është krahasuar me brazilianin Neymar, i cili më parë ka luajtur me PSG-në. Këto krahasime nisën veçanërisht pas mbërritjes së tij në klub. Ai është cilësuar pasardhësi i Neymarit në klub për shkak të stilit të ngjashëm të lojës. Trajneri i ekipit Luis Enrique e ka vlerësuar Doué për "aftësitë teknike, fizikalitetin dhe personalitetin".[50]

Jeta personale

[Redakto | Redakto nëpërmjet kodit]

Doué ka lindur në Angers, Maine-et-Loire,[51] nga një baba ivorian dhe mama franceze.[52] Ai ka pasaportë ivoriane dhe franceze.[53][54] Vëllai i tij Guéla Doué dhe kushurinjtë Yann Gboho dhe Marc-Olivier Doué janë gjithashtu futbollista profesionist.[55][56]

Doué ka deklaruar se idhujt e tij në futboll janë Neymar dhe Lionel Messi.[57]

Statistikat e karrierës

[Redakto | Redakto nëpërmjet kodit]

Klube

[Redakto | Redakto nëpërmjet kodit]
Redaktuar më 31 maj 2025[58]
Ndeshjet dhe golat sipas klubit, sezonit dhe kompeticionit
Klubi Sezoni Liga Kupa Evropa Tjetër Gjithsej
Divizioni Ndsh Gola Ndsh Gola Ndsh Gola Ndsh Gola Ndsh Gola
Rennes II 2021–22 National 3 10 1 — — — 10 1
2022–23 National 3 1 0 — — — 1 0
Gjithsej 11 1 — — — 11 1
Rennes 2022–23 Ligue 1 26 3 1 0 7[a] 1 — 34 4
2023–24 Ligue 1 31 4 5 0 6[a] 0 — 42 4
Gjithsej 57 7 6 0 13 1 — 76 8
Paris Saint-Germain 2024–25 Ligue 1 31 6 6 4 16[b] 5 1[c] 0 54 15
Gjithsej karriera 99 14 12 4 29 6 1 0 141 24
  1. ^ a b Të gjitha ndeshjet në UEFA Ligën e Evropës
  2. ^ Të gjitha ndeshjet në UEFA Ligën e Kampionëve
  3. ^ Ndeshje në Trophée des Champions

Kombëtarja

[Redakto | Redakto nëpërmjet kodit]
Redaktuar më 23 mars 2025[59]
Ndeshjet dhe golat sipas ekipit kombëtar dhe vitit
Ekipi kombëtar Viti Ndsh Gola
Franca 2025 1 0
Gjithsej 1 0

Trofe

[Redakto | Redakto nëpërmjet kodit]

Klube

[Redakto | Redakto nëpërmjet kodit]
Paris Saint-Germain[60]

Kombëtarja

[Redakto | Redakto nëpërmjet kodit]
Franca U17[60]
Franca U23[60]

Personale

[Redakto | Redakto nëpërmjet kodit]
Çmime
Urdhëra

Referime

[Redakto | Redakto nëpërmjet kodit]
  1. ^ a b c "Squad List: Men's Olympic Football Tournament Paris 2024: France (FRA)" (PDF) (në anglisht). FIFA. 27 korrik 2024. fq. 4. Marrë më 16 mars 2025.
  2. ^ Marcus Christenson; Steven Bloor; Garry Blight (28 shtator 2022). "Next Generation 2022: 60 of the best young talents in world football" (në anglisht). The Guardian.
  3. ^ Eric Devin (3 janar 2023). "Top 10 Young Players to Watch in Ligue 1 in 2023". Get Football News France (në anglisht).
  4. ^ Tom Maston (21 mars 2023). "NXGN 2023: The 50 best wonderkids in football" (në anglisht). Goal.com.
  5. ^ "Rennes : Désiré Doué signe son premier contrat professionnel". Foot Mercato : Info Transferts Football - Actu Foot Transfert (në frëngjisht). 15 prill 2022.
  6. ^ "Premier contrat pro en vue à Rennes pour Désiré Doué" (në frëngjisht). L'Équipe.
  7. ^ "Rennes vs. Lorient 0 – 1" (në anglisht). Soccerway. 7 gusht 2022. Marrë më 7 tetor 2022.
  8. ^ "Rennes vs. Brest 3 – 1" (në anglisht). Soccerway. 31 gusht 2022. Marrë më 7 tetor 2022.
  9. ^ S Telford (12 tetor 2023). "Room for Doué? Guéla and Désiré both now starring for Rennes" (në anglisht). Ligue 1 Uber Eats.
  10. ^ Liam Scahill (18 tetor 2022). "Désire Doué Is Displaying Preternatural Footballing Development At Stade Rennais" (në anglisht). Breaking The Lines.
  11. ^ Raphaël Jucobin (2 nëntor 2022). "Official | Désiré Doué renews Rennes contrat to 2025". Get French Football News (në anglisht).
  12. ^ Bastien Cheval (9 prill 2023). "Rennes' Bruno Genesio substituted Désiré Doué 18 minutes after his introduction against Lyon". Get French Football News (në anglisht).
  13. ^ François Rauzy (1 tetor 2023). "Ligue 1 : le Stade Rennais s'impose dans le derby face à Nantes et reste invaincu cette saison". France Bleu (në frëngjisht).
  14. ^ "Clermont Foot 63 1–3 Rennes" (në anglisht). World Football. 20 dhjetor 2023. Marrë më 3 qershor 2025.
  15. ^ "Désiré Doué » Ligue 1 2023/2024" (në anglisht). World Football. Marrë më 3 qershor 2025.
  16. ^ "Mercato : Désiré Doué officiellement transféré au Paris Saint-Germain (Transferts)" (në frëngjisht). L'Équipe. Marrë më 17 gusht 2024.
  17. ^ "PSG complete €50m deal for Désiré Doué, 19" (në anglisht). ESPN FC. 17 gusht 2024. Marrë më 19 gusht 2024.
  18. ^ "Désiré Doué chooses PSG over Bayern Munich" (në anglisht). Get French Football News. 11 gusht 2024. Marrë më 19 gusht 2024.
  19. ^ "Debut for Désiré Doué". Psg.fr (në anglisht). Paris Saint-Germain F.C. 23 gusht 2024.
  20. ^ "Willian Pacho, Desire Doue make Champions League debut in PSG's victory over Girona". PSG Post (në anglisht). 19 shtator 2024. Marrë më 11 dhjetor 2024.
  21. ^ "Désiré Doué Shines in PSG's Champions League Victory". footboom1.com (në anglisht). 11 dhjetor 2024.
  22. ^ "PSG's Desire Doue takes a big step forward ahead of crucial Champions League and Ligue 1 battles". CBSSports.com (në anglisht). 15 dhjetor 2024. Marrë më 17 dhjetor 2024.
  23. ^ "Ruthless PSG demolish Brest 7-0 to seal last-16 spot" (në anglisht). ESPN FC. 19 shkurt 2025. Marrë më 29 mars 2025.
  24. ^ "Désiré Doué wins UNFP's Ligue 1 Player of the Month award for March". psg.fr (në anglisht). Paris Saint-Germain F.C. 14 prill 2025. Marrë më 2 qershor 2025.
  25. ^ "Doue scores penalty to knock Liverpool out" (në anglisht). BBC Sport. 11 janar 2025. Marrë më 29 mars 2025.
  26. ^ "PSG 1–0 Angers SCO" (në anglisht). BBC Sport. 5 prill 2025.
  27. ^ "Doue epitomises PSG - this could be their time" (në anglisht). BBC Sport. 9 prill 2025.
  28. ^ "How PSG made the Champions League semi-final despite Aston Villa's spirited second-half comeback". The Athletic (në anglisht). 16 prill 2025. Marrë më 2 qershor 2025.
  29. ^ "Arsenal 0-1 PSG: Ousmane Dembele's early goal gives PSG advantage in Champions League semi-final" (në anglisht). BBC Sport. 29 prill 2025. Marrë më 2 qershor 2025.
  30. ^ "PSG beat Arsenal to set up Champions League final with Inter" (në anglisht). BBC Sport. 29 prill 2025. Marrë më 7 maj 2025.
  31. ^ "Desire Doue's Historic Champions League Final Goal Overtakes a Lionel Messi Record". Athlon Sports (në anglisht). 31 maj 2025. Marrë më 2 qershor 2025.
  32. ^ "PSG-Reims : les Parisiens triomphent facilement des Rémois, et remportent leur seizième Coupe de France". Le Monde (në frëngjisht). 24 maj 2025. Marrë më 2 qershor 2025.
  33. ^ "UNFP: Désiré Doué captures Young Player of the Year Award!" (në anglisht). Ligue 1. 13 maj 2025. Marrë më 2 qershor 2025.
  34. ^ "UNFP: PSG Stars Lead the Way in Team of the Year Honors" (në anglisht). Ligue 1. 13 maj 2025. Marrë më 2 qershor 2025.
  35. ^ "Désiré Doué named official 2025 UEFA Champions League final Player of the Match" (në anglisht). UEFA. 31 maj 2025.
  36. ^ "'I have no words' - Champions League final MVP Desire Doue pays tribute to head coach Luis Enrique for trusting PSG star to step into Kylian Mbappe's shoes" (në anglisht). Goal.com. 1 qershor 2025. Marrë më 1 qershor 2025.
  37. ^ Phil McNulty (1 qershor 2025). "New-look PSG make history on emotional night for Luis Enrique" (në anglisht). BBC Sport.
  38. ^ "PSG 5-0 Inter Stats: Doué Dazzles as PSG Record Biggest Ever Champions League Final Win" (në anglisht). Opta Analyst. 31 maj 2025.
  39. ^ "La France remporte l'Euro des moins de 17 ans contre les Pays-Bas" (në frëngjisht). L'Équipe. Marrë më 3 qershor 2025.
  40. ^ Arnaud Déchelotte (16 tetor 2023). "Après son carton rouge, Doué quitte le rassemblement des Espoirs". beIN SPORTS (në frëngjisht).
  41. ^ Roussel Vincent (22 mars 2024). "MATCH AMICAL | LES BLEUETS S'EN SORTENT BIEN FACE À CÔTE D'IVOIRE : REVIVEZ LE MATCH" (në frëngjisht). Eurosport. Marrë më 23 mars 2024.
  42. ^ Barney Ronay (9 gusht 2024). "Camello's extra-time double clinches football gold for Spain against France" (në anglisht). The Guardian. ISSN 0261-3077. Marrë më 9 gusht 2024.
  43. ^ "Équipe de France : première convocation chez les Bleus pour Désiré Doué, un talent façonné au Stade Rennais – ici". Francebleu.fr (në frëngjisht). 13 mars 2025. Marrë më 17 mars 2025.
  44. ^ Jacek Kulig (21 dhjetor 2022). "Désiré Doué: The Gifted One by Vuyo Ndebele". Football Talent Scout (në anglisht). Arkivuar nga origjinali më 5 dhjetor 2023. Marrë më 12 nëntor 2023.
  45. ^ Liam Tharme (2 mars 2023). "Desire Doue: The latest gifted prospect from the Rennes production line". The Athletic (në anglisht).
  46. ^ "Best XI: Young bargain signings in each top European league" (në anglisht). ESPN FC. 2 korrik 2023.
  47. ^ Saumy Deepak Tripathi (26 tetor 2022). "Who is Desire Doue: The perfect successor to Eduardo Camavinga". FootTheBall (në anglisht).
  48. ^ "One to watch: Désiré Doué, Rennes' latest prodigy" (në anglisht). Ligue 1. 15 shtator 2022.
  49. ^ S Telford (30 shtator 2023). "'Désiré Doué has great potential' says Nemanja Matic" (në anglisht). Ligue 1.
  50. ^ Ivan Kovbasa (15 mars 2025). "'I remember you criticised him': Luis Enrique's glowing praise for Desire Doue". Tribuna.com (në anglisht). Marrë më 7 prill 2025.
  51. ^ "Désiré Doué" (në frëngjisht). Paris: L'Équipe. Marrë më 16 mars 2025.
  52. ^ "Ligue 1 : qui est Désiré Doué, le nouveau talent français recruté par le Paris Saint-Germain ?". Franceinfo (në frëngjisht). 17 gusht 2024.
  53. ^ "Rennes : Désiré Doué signe son premier contrat professionnel". AmSport (në anglisht). 15 prill 2022. Arkivuar nga origjinali më 7 gusht 2022. Marrë më 7 gusht 2022.
  54. ^ "Désiré Doué". unfp.org (në frëngjisht). Marrë më 3 qershor 2025.
  55. ^ Josué Cassé (15 prill 2022). "Rennes : Désiré Doué signe son premier contrat professionnel". Foot Mercato : Info Transferts Football - Actu Foot Transfert (në frëngjisht).
  56. ^ Lorenzo Lombardi (23 tetor 2022). "Attenzione a... Désiré Doué" (në italisht).
  57. ^ "Rennes : The Désiré Doué Interview". OneFootball (në gjermanisht). 7 prill 2025. Marrë më 7 prill 2025.
  58. ^ "Désiré Doué" (në anglisht). Soccerway. Marrë më 3 qershor 2025.
  59. ^ "Désiré Doué". EU-Football.info (në anglisht). European Football. Marrë më 23 mars 2025.
  60. ^ a b c "Désiré Doué" (në anglisht). Transfermarkt. Marrë më 3 qershor 2025.
  61. ^ "Désiré Doué, joueur du mois de mars 2025 de la Ligue 1 McDonalds" (në frëngjisht). National Union of Professional Footballers. 13 prill 2025. Marrë më 13 prill 2025.
  62. ^ "Désiré Doué élu meilleur espoir de Ligue 1 aux Trophées UNFP" (në frëngjisht). L'Équipe. Marrë më 11 maj 2025.
  63. ^ "Trophées UNFP : Neuf joueurs du PSG dans l'équipe type de la saison en Ligue 1" (në frëngjisht). L'Équipe. Marrë më 11 maj 2025.
  64. ^ "Désiré Doué named 2024/25 UEFA Champions League Young Player of the Season" (në anglisht). UEFA. 1 qershor 2025. Marrë më 1 qershor 2025.
  65. ^ "2024/25 Champions League Team of the Season" (në anglisht). 1 qershor 2025. Marrë më 1 qershor 2025.
  66. ^ "Décret du 23 septembre 2024 portant promotion et nomination dans l'ordre national du Mérite". Fletorja zyrtare e Republikës Franceze (në frëngjisht). 24 shtator 2024. PRER2420330D. Marrë më 16 mars 2025.

Lidhje të jashtme

[Redakto | Redakto nëpërmjet kodit]
Wikimedia Commons ka media në lidhje me Désiré Doué.
Marrë nga "https://sq.wikipedia.org/w/index.php?title=Désiré_Doué&oldid=2811190"