Euronews Albania

Nga Wikipedia, enciklopedia e lirë
Euronews Albania
Skeda:Euronews Logo 2016.svg
LlojiTelevizion informativ lajmesh
ShtetiShqipëri
Zona e transmetimitTiranë
BashkëpunuesitEuronews
SelitëFarkë, pranë Albanian University, Tiranë, Shqipëri
Programimi
Gjuha/ëtShqip
Përmasa e figurës16:9 në HD
Pronësia
PronariEuronews Group
Historia
Themeluar21 Nëntor 2019
Nisur21 Nëntor 2019
ThemeluesiEuronews World
Lidhjet
Faqja zyrtarehttps://www.euronews.al/al

Euronews Albania është franchise i parë në historinë e familjes së madhe të Euronews Group, media informative Nr. 1 në Europë.

Euronews Albania transmeton në gjuhën shqipe dhe mbulon ngjarjet e interesat e shqiptarëve, në rajon e mbarë diasporën. Euronews Albania ndan të njëjtët vlera, standarde profesionale dhe filozofi me platformën mediatike ndërkombëtare Euronews Group.

Me një investim kurajoz dhe të pazakontë në rajon, si në teknologji ashtu edhe në burime njerëzore, Euronews Albania, synon të jetë pararojë e një revolucioni mediatik, i shumëkërkuar nga qytetarët dhe investitorët.

Në një vend si Shqipëria, ku qasjet ekstreme përjashtojnë gjithëpërfshirjen, Euronews Albania është i përkushtuar për të qenë marrësi e transmetuesi i një demokracie të shëndetshme, bazuar në fakte dhe argumente nga të gjithë palët.

Euronews Albania është shtëpia e të gjithë opinioneve, nga Shqipëria në Kosovë, Maqedoninë e Veriut, Malin e Zi e kudo ku jetojnë shqiptarë. Ne jemi zëri i çdokujt, përmes një platforme unike. Çdo ditë garantojmë një debat shumëngjyrësh, që ka për zemër interesat e publikut, të vetmit, të cilit i shërbejmë.


Euronews Albania fuqizon qytetarët shqiptarë duke transmetuar opinione e këndvështrime gjithëpërfshirëse.


Jemi krenarë që shqipja i është bashkuar gjuhëve të tjera të Euronews dhe transmeton 24 orë lajme e informacione. Euronews Albania, hedh gjithashtu themele të forta për gjigandin mediatik në rajon, pasi shërben si urë lidhëse në dialogun mes Europës dhe shqiptarëve. Ne mundësojmë që Europa të flasë shqip dhe zërat shqiptarë të dëgjohen në mbarë kontinentin europian e më gjerë.

Euronews Albania raporton lajmet në platformat tradicionale dhe ato dixhitale, për të garantuar një bashkëbisedim të shumëpritur, ku çdokush mund të përfshihet me besim dhe ku të gjithë do të përballen me parimet e palëkundura të gazetarisë bashkëkohore. Cilësia dhe standardet e pandeshura më parë në Shqipëri e rajon janë kryefjala e të përditshmes sonë dhe një risi për tregun mediatik shqiptar.

Si asnjë media tjetër, Euronews Albania me prani në të gjitha platformat dixhitale, duke qenë pioniere e gazetarisë së lëvizshme (mojo), siguron raportime nga çdo ngjarje, me shpejtësi, cilësi dhe standarde të larta profesionale.


Nga nisja e transmetimit, Euronews Albania transmeton një larmi programesh, nga prodhimet origjinale deri te prodhimet e pasura të gjigandit mediatik Euronews World.

Tematikat politike, ekomomike e ato sociale, emisionet investigative ato kulturore, historike apo mbi teknologjinë e fundit, pasurojnë çdo ditë programacionin e ekranit bashkëkohor të Euronews Albania.


Euronews Albania transmeton 24 orë lajme dhe informacion rreth aktualitetit në Shqipëri, rajon e më gjerë, me transmetime të drejpërdrejta të lajmit, në kohën kur ndodh.

Që prej orëve të para të mëngjesit e përgjatë gjithë 24 orëve në vazhdim, Euronews Albania transmeton 6 Edicione Informative “live”, në një format europian, dinamik, me lajme e informacion të detajuar, analizë të thelluar, të ftuar në studio dhe ekspertizë rreth çështjeve të ndryshme.

Korrespondentët e dedikuar në të gjithë Shqipërinë, Kosovë, Maqedoni e Veriut e Bruksel, sigurojnë mbulim të plotë të ngjarjeve më të rëndësishme në vend, Rajon dhe BE.

Gërshetimi i eksperiencës së më të mirëve në fushën e gazetarisë me entuziazmin e brezit të ri, të cilët punojnë me teknologjinë e fjalës së fundit, kanë sjellë në tregun mediatik në Shqipëri një model dhe standard të ri të gazetarisë. Redaksia jonë dixhitale, mundëson përmes MOJO dhe #KUBI, të jemi pionierë të lajmit multimedial, që i përgjigjet në cilësi dhe standard epokës dixhitale.

Euronews Albania e gjeni në kanalin 21 në platformën pa pagesë në të gjithë Shqipërinë dhe në numrin 51 në platformën televizive DigitAlb.

Euronews. All Views.