Gjenerallejtënant

Gjeneralrreshter i FSK-së, Bashkim Jashari.

General Lejtënant, Gjenerallejtënant ose Gjeneralrreshter është një gradë ushtarake e përdorur në shumë vende. Renditja e ka origjinën nga Sistemi i Vjetër Evropian. Grada e ka origjinën në mesjetë, ku titulli i gjeneral-lejtnant mbahej nga komandanti i dytë në fushën e betejës, i cili normalisht ishte në vartësi të një kapiteni gjeneral.

Në ushtritë moderne, gjenerallejtënant zakonisht renditet menjëherë më poshtë gjeneralit (ose gjeneral kolonelit) dhe mbi gjeneral-majorin; është ekuivalente me gradën e marinës të zëvendësadmiralit dhe në forcat ajrore me një strukturë të gradave të veçanta, është e barabartë me marshallin ajror. Në Shtetet e Bashkuara, një gjenerallejtënant ka një shenjë me tre yje dhe komandon një trupë ushtrie, e përbërë zakonisht nga tre divizione të ushtrisë, dhe e përbërë nga rreth 60,000 deri në 70,000 ushtarë.

Mospërputhja në dukje se një gjeneral-lejtnant tejkalon një gjeneral-major (ndërsa një major tejkalon një toger) është për shkak të derivimit të gjeneral-majorit nga gjeneral-rresheri, i cili ishte një gradë në vartësi të gjeneral-lejtnant (sikurse një toger tejkalon një rreshter-major). Disa vende (p.sh. shtetet e Ballkanit) përdorin gradën e gjeneral-nënkolonelit në vend të gjeneral-lejtnant, në përpjekje për të zgjidhur këtë anomali të dukshme.

Në të kundërt, në Rusi dhe një numër vendesh të tjera të ish-Bashkimit Sovjetik, gjenerallejtënant është një gradë menjëherë nën gjeneral-kolonelin dhe mbi gjeneral-major - në këto sisteme nuk përdoret gjeneral brigade i shumë vendeve perëndimore.

Përveç kësaj, disa vende përdorin gjeneral-lejtnant si gradën e komandantit të divizionit, dhe disa i kanë caktuar me sistemin revolucionar francez. Për shembull, disa vende të Amerikës së Jugut përdorin gjeneralin e divizionit si ekuivalent të gjeneral-lejtnant.

Shiko edhe

• Gjenerali
• Komandanti