Gjiri i Krorëzës

Gjiri i Krorëzës
Gjir natyror
Koordinatat: 39.9351212°N 19.9369233°E / 39.9351212; 19.9369233
Shtet	Shqipëria
Qark	Vlorë
Bashki	Himarë
Lartësia	0 m (0 ft)
Popullsia
• Total	0

Gjiri i Krorëzës është një gji dhe plazh natyror që ndodhet në jug të Shqipërisë, përgjatë Rivierës shqiptare, në territorin e Bashkisë Himarë. I njohur për mjedisin e tij të paprekur dhe bregdetin me ujëra të kristalta, gjiri konsiderohet si një nga plazhet më të qeta dhe më natyrore të zonës.

Vendndodhja dhe qasja

Gjiri i Krorezës ndodhet pranë zonës së Shpellë-Lukovës dhe mund të arrihet në dy mënyra kryesore: Në këmbë : Rruga fillon nga Plazhi i Shpellë-Lukovës, ku pas parkimit të makinës, duhet të ecet për rreth 1 orë e gjysmë përmes terrenit kodrinor dhe gjireve të vogla bregdetare. Gjatë këtij itinerari, kalohen zona me formacione shkëmbore dhe plazhe me zhavorr të bardhë.

Me varkë: Gjiri mund të arrihet gjithashtu përmes detit, me nisje nga Saranda ose nga vetë Shpellë-Lukova. Ky opsion është më i shpejtë dhe ofron panoramë të gjerë të vijës bregdetare.

Karakteristikat natyrore

Gjiri është i rrethuar nga reliev kodrinor dhe formacione shkëmbore. Zona nuk ka infrastrukturë për automjete, gjë që e ruan natyrën e saj të virgjër dhe e bën të preferuar për vizitorët që kërkojnë qetësi dhe kontakt të drejtpërdrejtë me natyrën. Ujërat janë të pastra dhe të qeta, duke e bërë plazhin të përshtatshëm për not dhe relaksim.

Atraksione përreth

Pranë gjirit, mbi kodrat përreth ndodhet Manastiri i Shën Mërisë, një objekt kulti i vjetër që ofron një pamje panoramike të detit Jon. Rruga për te manastiri është vetëm këmbësore, për shkak të terrenit të thyer, por vizitorët shpërblehen me një peizazh mbresëlënës dhe mundësi për të eksploruar trashëgiminë kulturore të zonës.

Shih edhe

• Riviera shqiptare
• Deti Jon