Gradina e Kotorrit

Gradina e Kotorrit është një lokalitet arkeologjik i periudhës së antikitetit të vonë, i cili ndodhet në jugperëndim të fshatit Kotorr, në komunën e Skënderajt, në Kosovë. Lokaliteti shtrihet mbi një kodër të pyllëzuar me sipërfaqe prej rreth dy hektarësh.^[1]

Përshkrimi

Kodra ku ndodhet lokaliteti ka formë elipsoidale dhe shtrihet në drejtimin lindje–perëndim. Përveç anës lindore, shpatet e saj janë të pjerrëta dhe zbresin në drejtim të lumit të Radishevës.^[1]

Në sipërfaqen e lokalitetit janë evidentuar gjurmë llaçi dhe fragmente qeramike. Në bazë të materialit të gjetur, Gradina e Kotorrit është datuar kryesisht në periudhën e antikitetit të vonë, ndërmjet shekujve IV dhe VI. Nuk përjashtohet mundësia që lokaliteti të ketë pasur edhe një fazë më të hershme parahistorike.^[1]

Lokaliteti ka komunikim pamor me Gradinën e Syriganës, e cila ndodhet në veriperëndim të tij.^[1]

Shih edhe

Referime

1 2 3 4 Rexha, Enver, red. (2012). Harta Arkeologjike e Kosovës. Vëll. II. Prishtinë: Instituti Arkeologjik i Kosovës. fq. 108–109. ISBN 978-9951-604-02-4.

Ky artikull rreth një vendbanimi të Kosovës është i cunguar. Ju mund të ndihmoni Wikipedian duke e zgjeruar atë.

[harta-1] 1 2 3 4 Rexha, Enver, red. (2012). Harta Arkeologjike e Kosovës. Vëll. II. Prishtinë: Instituti Arkeologjik i Kosovës. fq. 108–109. ISBN 978-9951-604-02-4.

[1]