Gunter Verheugen

Nga Wikipedia, enciklopedia e lirë
Gunter Verheugen

Gunter Verheugen (lindi më 28 prill 1944 në Bad Kreuznah, Gjermani) është anëtarë i komisionit Bashkimit Evropian për zgjerimin, politikan evropian nga Gjermania.

Pasi shërbeu për dy vjet si stazhier për gazetën "Neue Rhein-Neue Ruhr-Zeitung" (lexo: Noje Rajn-Noje Ruhr Cajtung) ai studjoi histori, sociologji dhe politikë në Kolonjë dhe Bon nga viti 1965 deri më 1969.

Në fillim të karrierës së tij Verheugeni ishte kreu i seksioneve të marrëdhënieve me publikun në Ministrinë e Brendshme të Federatës Gjermane nga viti 1969 deri më 1974. Pastaj ai u emërua kreu i Njësisë së Analizave dhe Informacionit në Zyrën e Jashtme Federale, një funksion që ai e mbajti deri më 1976.

Nga viti 1977 deri më 1978 Verheugeni ishte Administrator Federal i Partisë së Lirë Demokratike (FDP) dhe nga viti 1978 deri më 1982, Sekretar i Përgjithshëm i FDP-së.

Më 1982 ai u largua nga FDP-ja për t'u bashkuar me Partinë Social-Demokratike (SPD) të qendrës të Gjermanisë. Nga viti 1983 deri më 1999 ai ishte anëtar i Kuvendit Federativ gjerman dhe si i tillë shërbeu në shumë komitetete të ati kuvendi: Komiteti për Çështjet e Jashtme (1983-98); Kryetar i Komitetit të Posaçëm të BE-së (1992); dhe anëtar i Komitetit për Çështjet e Jashtme (1994-97).

Si anëtar i SPD-së, Verheugeni shërbeu si zëdhënës i Ekzekutivit Kombëtar të SPD-së nga (1986-87); administrator federal i partisë (1993-95); zëvendëskryetar i SPD-së, Grupit Parlamentar për Politikën e Jashtme, të Sigurisë dhe Zhvillimit (1994-97); dhe anëtar i Ekzekutivit Kombëtar të SPD-së (1997).

Verheugeni shërbeu gjithashtu si kryeredaktor i gazetës "Vorwärts" (lexo:Forvearts) të SPD-së nga viti 1987 deri më 1989 dhe si kryetar i Këshillit të Transmetimit Radiofonik "Deutsche Welle" (lexo:Dojçe Vele) nga 1990 deri më 1999.

Më 1997, ai u zgjodh kryetar i Këshillit Ndërkombëtar Socialist për Paqe, Siguri dhe Çarmatim. Më 1998 ai u emërua ministër i shtetit në Zyrën e Jashtme Federale, një funksion të cilin ai e mbajti deri në shtator 1999, kur u zgjodh anëtar i Komisionit Evropian, përgjegjës për zgjerimin.