Hamami i Vjetër (Vushtrri)

Nga Wikipedia, enciklopedia e lirë
Jump to navigation Jump to search
Hamami i Vjetër
Emri amëtar Hamami i Gazi Ali Beut
Hamami i Vjetër, Vushtrri.JPG
Hamami i Vjetër në Vushtrri
Lloji Arkitekturale
Vendndodhja Vushtrri, Kosovë
Koordinatat 42°49′18.0″V 20°57′51.5″L / 42.821667°V 20.964306°L / 42.821667; 20.964306Koordinatat: 42°49′18.0″V 20°57′51.5″L / 42.821667°V 20.964306°L / 42.821667; 20.964306
Emri zyrtar: Monument
Lloji Nën mbrojtje të përhershme
Përcaktuar Nr.v.E.K. 02-628/68
Nr. i referencës 2850
Hamami i Vushtrrisë - Pamja e brendshme

Hamami i Vjetër në Vushtrri [1] i njohur edhe si Hamami i Gazi Ali Beut është njëri ndër monumentet më të vjetra të trashëgimisë kultorore jo vetëm në komunën e Vushtrrisë por edhe më gjerë.

Historiku[Redakto | Redakto nëpërmjet kodit]

Hamami i Gazi Ali Beut gjendet në bërthamën e qendrës së vjetër të qytetit të Vushtrrisë. Hamami i Vushtrrisë është ndërtuar nga Gazi Ali Beut në fund të shek.XIV dhe fillim të shek.XV. Objekti sanitar publik kishte funksion banjoje i cili ishte në shërbim për te dy gjinit. Hamami paraqet një objekt kompleks teknik për sa i përket zgjidhjes hidraulike dhe termoteknike. Hamami i Vushtrrisë i takon tipit te Hamameve “ Tek” dhe përmban sallën e madhe në hyrje me shatërvanin nga guri në mes, sallën e dytë (pjesa e vakët dhe nyja sanitare, dhe dy kthina ( halvete) për larje përballë njëra-tjetrës. Në këto hapësira gjendeshin dy vaska (kurna) guri me ujë të ngrohtë që vinte nga depoja e ujit. (Shtylla, 1998, f. 38-39) Skema e banjës e këtij Hamami është e ngjashme me Hamamin në Pejë - seksionin e grave. Duket qartë që hamami u ndërtua në dy periudha. Hyrja e ndërtuar nga gurët poroz vullkanik- gurë shtufi është ndërtuar në shek. XVII. Një periudhe më të hershme i përkasin dyshemeja dhe tri kupolat e ulëta. (Shtylla, 1998, f. 38-39) Ambienti i fundit i hamamit zë gjithë gjerësinë e objektit. Ambienti i hyrjes paraqet një volum kubik që mbulohet nga sipër me kupolë masive sferike me tambure tetë këndore. Pjesa më e hershme është volumi përdhesë me tre kupolat e ulëta ku janë ambienti i ndërmjetëm, dy ambientet e larjes dhe depozita e ujit. (Shtylla, 1998 f. 39) Pullazi është i ndërtuar në formë kupole. Ambientet e banjos ishin të shtruara me gurë mermeri të bardhë.[2] Gjithashtu Mulaku pohon se lokalet e hamamit kanë qenë të shtruara me mermer të bardhë. (Mulaku, 2004, f. 60) Hapësira e garderobës sot nuk eksizton.) Në sallën e madhe kanë qenë katër shtretër për pushim pas daljes nga banja. (Mulaku, 2004, f. 60) Nga vitet ’70 objekti është jashtë funksionit. Ne vitin 2013 ( gusht) ka filluar restaurimi dhe konzervimi i fasades dhe kupolave te Hamamit, punime te cilat kane perfunduar ne muajin maj 2014.[3]

Shih edhe[Redakto | Redakto nëpërmjet kodit]

Galeria[Redakto | Redakto nëpërmjet kodit]

Referime[Redakto | Redakto nëpërmjet kodit]

  1. ^ Vushtrria dhe monumentet e trashëgimisë kulturore, Komuna e Vushtrrisë, Archived 6 May 2017[Date mismatch] at the Wayback Machine. 8.07.2016
  2. ^ Grup autorësh:Vushtrria-Viciana me rrethinë, Kuvendi Komunal, Vushtrri, 2003, fq. 482-483
  3. ^ Hamami i Vjetër në Vushtrri - Databaza e Trashëgimisë Kulturore të Kosovës 4.07.2016