Ilmi Belshaku
Ilmi Belshaku | |
|---|---|
| Lindi | Ilmi Belshaku 6 nëntor 1942 |
| Vdiq | 13 shtator 2023 Elbasan |
| Profesioni |
|
| Njohur për | Estrada e Elbasanit" "Aktor dhe regjisor i teatrit Skampa" |
| Çmimet | "Qytetar Nderi dhe Ambasador i Paqes" |
Ilmi Belshaku (11 qershor 1942 - 13 shtator 2023) lindi në Elbasan. Ishte aktor dhe regjisor i estradës së Elbasanit.[1]
Karriera artistike
[Redakto | Redakto nëpërmjet kodit]Fillimet e para si aktor, Ilmiu i pati në Uzinën e Mjekësit në vitet 1967 -1968, ku punoi si aktor humori duke u aktivizuar dhe në teatrin “ Skampa ”. Premiera e vitit 1973 “Pentagrami ynë Gazmor ” ku punoi me monologun e “Nihilistit” e bëri anëtar të Estradës Profesioniste të qytetit të Elbasanit si aktor profesionist. Nga viti 1973 deri në vitin 2002, ai luajti 82 premiera estrade, 15 premiera teatri dhe 3 filma artistikë për fëmijë. Rolet e tij janë: “Manka”, “Filipenka”, “Gjenerali”, “Meqenëse të dua” të regjisorit Llamb Burgjia, “Arixhiu ” i cili e bëri të njohur në të gjithë Shqipërinë me aktoren Ester Qatipi , “Bossi” etj. Ai ka luajtur rreth 300 role në Estradë dhe Teatër. Ai gjithashtu ka luajtur në skenë bashkë me aktoren Zhaneta Sono, e cila ishte bashkëshortja e tij. [2]
Ai ka qenë regjisor dhe ka vënë në skenë 4 premiera artistike, ku vlen të përmendet “ Kioska Bosi”, “3x2=8”, “Variete 99” si dhe 10 shfaqje artistike për fëmijë. Ilmiu ka luajtur me aktorët më të shquar të Estradës Profesioniste të qytetit të Elbasanit si: Ferit Gjevori, Bukuri Xhoxhi, Agron Graceni, Llambi Burgjia, Evelina Spirollari, Mehmet Hademi, Dhimitër Topuzi etj.[3]
Në vitin 2005 nderohet me çmimin “ Nderi i Qytetit ” nga Bashkia Elbasan.[4]
Ilmi Belshaku është dalluar dhe si aktivist i shoqërisë civile për kauza të rëndësishme të qytetit të Elbasanit. Në vitin 2004 mori titullin “Ambasador i Paqes”.[5]
Në vitin 2017, në 75-vjetorin e lindjes Ilmi Belshaku u prezantuar para publikut elbasanas në një dimension tjetër artistik edhe si poet, me vëllimin e tij të parë me poezi dhe prozë “Dritëhije të një jete”.[6]
Shih edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ↑ "Vjeshta e fundit për Ilmi Belshakun, aktori i njohur ndërron jetë në moshën 81-vjeçare". Pamfleti. 2023-09-13. Marrë më 2025-09-22.
- ↑ "Ilmi Belshaku Archives". Albeu.com. Marrë më 2025-09-22.
- ↑ "Ilmi Belshaku Archives". Albeu.com. Marrë më 2025-09-22.
- ↑ "Vjeshta e fundit për Ilmi Belshakun, aktori i njohur ndërron jetë në moshën 81-vjeçare". Pamfleti. 2023-09-13. Marrë më 2025-09-22.
- ↑ "Vjeshta e fundit për Ilmi Belshakun, aktori i njohur ndërron jetë në moshën 81-vjeçare". Pamfleti. 2023-09-13. Marrë më 2025-09-22.
- ↑ "Vjeshta e fundit për Ilmi Belshakun, aktori i njohur ndërron jetë në moshën 81-vjeçare". Pamfleti. 2023-09-13. Marrë më 2025-09-22.