Instituti "Harry Fultz"

Nga Wikipedia, enciklopedia e lirë
Jump to navigation Jump to search

Instituti Harry Fultz është një shkollë e arsimit të mesëm profesional në Tiranë, Shqipëri.

Hitoria[redakto | redakto tekstin burimor]

Shkolla u themelua në 1921, kur Kryqi i Kuq i të Rinjve Amerikanë themeloi Shkollën Profesionale Shqiptare, të parën dhe të vetmen në llojin e vetë për një kohë të gjatë. Ndër vite ajo do të njihet si Shkolla Teknike e Tiranës. Një vit më vonë Harry Fultz erdhi nga Chicago dhe zëvendësoi drejtorin Louis Mann Heron, i cili u kthye në SHBA.[1] Fultz do ishte drejtori i Shkollës deri në 1933.[2] Shkolla u shtetëzua ne vitin 1933 si rrjedhojë e influencës së madhe në shoqërinë shqiptare së bashku me shkollat e tjera të huaja në Shqipëri.[2]

Në vitin 1947 shkolla mori emrin “Politeknikumi 7 Nëntori” duke ruajtur profilin e saj teknik. Ajo vazhdoi të përgatisë specialistë në fusha të ndryshme të ekonomisë përmes programeve të lëndëve akademike të gërshetuara me programet e punëve praktike dhe veprimtarive jashtëshkollore.[2]

Në vitin 1992 Fondacioni Shqiptaro-Amerikan “Harry Fultz” u themelua në SHBA me kryetare zonjën Johan Fultz Khontos. Qëllimi i këtij fondacioni ishte mbështetja e shkollës për të ecur në traditat e Shkollës Teknike në Tiranë.[2]

Referenca[redakto | redakto tekstin burimor]

  1. ^ Owen Pearson (2004). Albania in the Twentieth Century, A History: Volume I: Albania and King Zog, 1908-39. I.B.Tauris. f. 197–.  978-1-84511-013-0. 
  2. ^ a b c d Websajti Zyrtar. "Instituti Harry Fultz". Instituti Harry Fultz. Marrë më 17 April 2018.