Ish-Këneta e Maliqit

Këneta e Maliqit ndodhej në pjesën qendrore të fushës së Korçës, në sektorin verior të saj, pranë qytetit të Maliqit. Ajo ishte një nga kënetat më të mëdha të Shqipërisë, e formuar nga prurjet e lumit Devoll dhe ujërat nëntokësore të zonës.

Këneta, e cila kishte dominuar peizazhin e fushës së Korçës për rreth 10.000 vjet, u tha në vitet 1940 si pjesë e një projekti të realizuar me punë të detyruar nga të burgosurit.

Për dekada me radhë, kënetës i atribuohej ndikim negativ mbi shëndetin publik, për shkak të përhapjes së malaries, dhe mbi zhvillimin bujqësor, për shkak të tokave të pambërritshme për kultivim.

Punimet për tharjen e kënetës nisën pas Luftës së Dytë Botërore, më 1946, me një projekt të gjerë inxhinierik që u shoqërua edhe me procese politike, si gjyqi i inxhinierëve të Maliqit. Bonifikimi i plotë u realizua në vitet 1960, duke sjellë fitimin e rreth 5600 hektarëve tokë të re bujqësore dhe kullimin e afërsisht 7920 hektarëve të tjera.

Territori i bonifikuar u shfrytëzua kryesisht për bujqësi intensive, duke e kthyer zonën e Maliqit në një nga qendrat kryesore bujqësore të Shqipërisë. Megjithatë, tharja e kënetës solli pasoja mjedisore afatgjata, përfshirë çedimin e shtresave të torfës dhe humbjen e pjerrësisë natyrore të lumit Devoll, çka ka shkaktuar ri-shfaqjen e pjesshme të kënetës.

Shih edhe

• Maliq
• Korça
• Këneta e Maliqit (grupim)