Itinerarium Symonis Semeonis Ab Hybernia Ad Terram Sanctam
Itinerarium Symonis Semeonis ab Hybernia ad Terram Sanctam është vepra e fratit françeskan irlandez Symon Semeonis, e shkruar gjatë udhëtimit të tij pelegrin nga Irlanda për në Tokën e Shenjtë në vitet 1322–1323. Ajo paraqet një dëshmi të rrallë të udhëtimeve mesjetare, duke përshkruar jo vetëm rrugën e ndjekur, por edhe popujt, zakonet dhe gjuhët që autori ndeshi gjatë pelegrinazhit. Dorëshkrimi origjinal ruhet sot në Corpus Christi College, Cambridge (MS 407) dhe përbën një ndër burimet më të rëndësishme për historinë e udhëtimeve të mesjetës së hershme.[1]
Vështrim
[Redakto | Redakto nëpërmjet kodit]Në Itinerarium, Semeonis niset nga Clonmel në Irlandë, kalon nëpër Uells, Angli, Francë, dhe më pas zbret drejt Mesdheut, duke kaluar në Marsejë. Rruga vazhdon përmes Ballkanit dhe tokave lindore, e prej andej me anije drejt ishujve grekë dhe më tej drejt Kretës, duke u përfunduar në Jerusalem. Në përshkrimin e tij, autori pasqyron një itinerar të hollësishëm që sot lejon rindërtimin e qartë të lëvizjeve të tij.[2]
Një element i veçantë i veprës është vëmendja që Semeonis i kushton popullsive vendase. Gjatë kalimit nëpër Ballkan, ai përmend shqiptarët dhe gjuhën shqipe, duke dhënë një nga dëshmitë më të hershme mesjetare për ekzistencën dhe përdorimin e saj. Ky detaj ka rëndësi të madhe për historinë e shqipes, pasi dokumenton praninë e saj në shekullin XIV dhe konfirmon vazhdimësinë e saj si gjuhë e veçantë në hapësirën ballkanike.[3] Më tutje p.sh. në Kretë, ai përmend për herë të parë në burimet perëndimore një grup romësh, duke i quajtur “pasardhës të Kainit” – përshkrimi më i hershëm i njohur për këtë komunitet në Evropë.
Itinerarium Symonis Semeonis ab Hybernia ad Terram Sanctam mbetet kështu një burim i dorës së parë për studimin e historisë së udhëtimeve evropiane, të marrëdhënieve ndërkulturore mesdhetare dhe të dëshmive më të hershme për popuj si romët dhe shqiptarët në shekullin XIV.
 Vende në Evrope të vizituara nga Symon Semeonis |
Shih edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ↑ Simeon, Simon (1960). Itinerarium Symonis Semeonis Ab Hybernia Ad Terram Sanctam. [Lat. U. Engl.] Ed. by Mario Esposito. [Mit Kt.] (në anglisht). Inst. for Advanced. Studies.
- ↑ Symon Simeonis, fl 1322 (1960). Itinerarium Symonis Semeonis ab Hybernia ad Terram Sanctam (në anglisht). Internet Archive. Dublin, Dublin Institute for Advanced Studies.
{{cite book}}: Mirëmbajtja CS1: Emra shifrorë: lista e autorëve (lidhja) - ↑ Robert Elsie: Texts and Documents of Albanian History. "1322 | Simon Fitzsimons: Itinerary from Ireland to the Holy Land". www.albanianhistory.net (në anglisht dhe shqip). Arkivuar nga origjinali më 23 mars 2014. Marrë më 2025-09-22.