Jam Evropë! (libër)

Nga Wikipedia, enciklopedia e lirë
Jump to navigation Jump to search
"Jam Evropë!" nga Enis Sulstarova

Jam Evropë!, intelektualët dhe ideja e Evropës në vitet 1918–1939 dhe 1989-2006 është një vepër letrare e shkrimtarit shqiptar Enis Sulstarova i botuar në vitin 2012.

Përmbajtja e librit[redakto | përpunoni burim]

Ideja e Evropës është artikuluar brenda ligjërimeve për identitetin kombëtar, duke qenë në shumicën e rasteve një simbol i fuqishëm i orvatjeve për konstituimin dhe modernizimin e shoqërive kombëtare. Në debatet politike kombëtare, "Evropa" më shpesh shfaqet si një përmasë e identitetit kombëtar se sa si një projekt për kapërcimin e tij.

Edhe atëherë kur intelektualë nga hapësira të ndryshme kanë shkruar mbi Evropën dhe i janë drejtuar një publiku mbarë-evropian, ata zakonisht kanë shkruar në gjuhët e tyre dhe janë ndikuar prej kontekstit të tyre kombëtar. "Evropa" është thirrur në ndihmë për të zgjidhur probleme të brendshme të shtetit ose problemet dhe debatet e kombit janë projektuar në hapësirën evropiane.

Libri "Jam Evropë!" hulumton në mënyrë kritike përdorimet e idesë së Evropës në tekstet e intelektualëve shqiptarë gjatë viteve 1918–1939 dhe 1989–2006 duke i vendosur ata në një plan krahasues me konceptimet për Evropën dhe projektet e bashkimitkontinentit që paraqiten nga disa intelektualë evropianë të kohës.

Analiza e shkrimtarit Sulstarova për idenë e Evropës ka ardhur në kohën e duhur, pikërisht atëherë kur Shqipëria dhe kombi shqiptar në Ballkan po synojnë integrimin në Bashkimin Evropian.

Libri rekomandohet sidomos për studiuesit e sociologjisë, shkencave politike, studimeve evropiane dhe historisë së mendimit.

Të dhëna mbi librin[redakto | përpunoni burim]

  • Gjinia: Shkenca politike
  • Autori: Enis Sulstarova
  • Shtëpia botuese: Logos A
  • Viti i botimit: 2012
  • Faqet e librit: 464
  • ISBN 978-9989-584305

Vepra të tjera të autorit[redakto | përpunoni burim]

  • Në pasqyrën e Oksidentit: Studime dhe artikuj

Burimet e informacionit[redakto | përpunoni burim]

Lidhje të jashtme[redakto | përpunoni burim]