Kalaja e Ulqinit

Nga Wikipedia, enciklopedia e lirë
Shko te: navigacion, kërko
Pamja e Kalasë nga kodra e Pinjeshit.

Kalaja e Ulqinit, e njohur edhe si Qyteti i vjetër i Ulqinit është një kala e lashtë dhe lagje në Ulqin, Mali i Zi. Është ndërtuar në siujdhesën e vogël në anën e djathtë të Gjirit të Ranës, i cili është pjesë e Detit Adriatik. Është ndërtuar për të parën herë nga Ilirët, dëshmi e kësaj është muri ciklopik i cili gjendet në pjesën veriperëndimore të saj. Rreth kësaj kalaje është zhvilluar qyteti modern i Ulqinit. Kalaja ka qenë e restauruar shumë herë gjatë të kaluarës së saj, ndryshime të dukshme janë bërë nga Bizantinët, Venedikasit dhe Osmanët.

Veçoritë[redakto | redakto tekstin burimor]

Kalaja e Ulqinit është një ndër tërësitë urbanistike dhe arkitektonike më të vjetrat në bregun e Detit Adriatik. E ndërtuar para 2,5 mijëvjeçarëve, Kalaja ka qenë e udhëhequr nga kultura dhe fuqi të ndryshme, duke filluar nga Ilirët, Romakët, Bizantinët, Venedikasit, Sllavët dhe Osmanët, por popullsia autoktone iliro-shqiptare githmonë e ka ruajtur indentitetin kombëtar dhe traditën e vet. Në shekullin e Vl në kala janë hapur dy porta: e poshtmja (në lindje), hyrja në Kala nga deti, dhe e epërmja (në veriperëndim), hyrja nga toka.

Vendet më të njohura të cilat janë me të njohura në Kala janë: Kulla e Ballshajve, Tregu i Robërve, Pallati, Oborri mbretërorë dhe Kishë-Xhamia. Gjatë sezonit verorë në hapësirën e Tregut të Robërve mbahet Skena Verore, një eveniment kulturoro-artistik.