Katerina II

Nga Wikipedia, enciklopedia e lirë
Shko te: navigacion, kërko

Katerina II, e njohur gjithashtu si Katerina e Madhe , perandoreshë e Rusisë, ka lindur në Shtetin , Prusi më 2 maj 1729 me emrin e plotë Sophie Friederike Auguste von Anhalt-Zerbst-Dornburg. Ajo ishte femra që udhëhoqi më gjatë Rusinë nga 9 korriku 1762 (kur mori pushtetin pas grushtit të shtetit , ku u vra dhe burr ii saj Pjetri III) deri më 17 nëntor 1796, për një periudhë prej 34 vjetësh. Qeverisja e Katerinës rivitalizoi Rusinë duke zgjeruar territoret dhe duke u bërë një prej Fuqive të Mëdha të Europës. Ajo besonte në fenë luterane , por më pas u kthye në ortodokse.

Marrëdheniet e jashtme[redakto | redakto tekstin burimor]

Gjatë sundimit të saj ajo zgjeroi territoret në jug dhe perëndim të perandorisë, duke përfshirë Rusinë e Re, Krimenë, Kaukazet Veriore, bregun e djathtë të Ukrainës, Bjellrusinë, Lituaninë dhe Letoninë, duke shtuar sipërfaqen e perandorisë së saj me rreth 200,000 milje katror. Ministri i jashtëm i saj, Nikita Panin ushtronte ndikim të vazhdueshëm në fillimet e mbretërimit të saj. Si një burrë shteti mendjemprehtë, Panini dedikoi shumë mund dhe miliona rubi vendosjes së “Akordit të Veriut” midis Rusisë, Prusisë, Polonisë dhe Suedisë për të kundërshtuar fuqinë e dinastisë Habsburgase. Kur u bë e dukshme që plani i tij s’mund të funksiononte Katerina e zëvendësoi atë me Ivan Osterman. Katerina pranoi një traktat tregtie me Britaninë e Madhe në vitin 1766, por u ndal në një aleancë të plotë ushtarake. Edhe pse ajo mund të kishte përfitimet e aleancës me Britaninë, ajo ishte e shqetësuar për fuqinë gjithmonë e në rritje të të Britanisë pas fitores në luftën 7-vjeçare, e cila kërcënonte balancat e fuqisë në Europë.